ਚੰਡੀਗੜ੍ਹ (ਸੁਸ਼ੀਲ) : ਇੱਥੇ ਬੁੜੈਲ ਦੇ ਹੋਟਲ 'ਚ ਪੁਲਸ ਨੇ ਛਾਪਾ ਮਾਰ ਕੇ ਦੇਹ ਵਪਾਰ ਚਲਾਉਣ ਵਾਲੇ ਹੋਟਲ ਮਾਲਕ ਤੇ ਏਜੰਟ ਸਮੇਤ ਪੰਜ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਹੋਟਲ ਦੇ ਵੱਖ-ਵੱਖ ਕਮਰਿਆਂ 'ਚੋਂ ਤਿੰਨ ਕੁੜੀਆਂ ਬਰਾਮਦ ਕੀਤੀਆਂ ਗਈਆਂ ਹਨ। ਸੈਕਟਰ-34 ਥਾਣਾ ਪੁਲਸ ਨੇ ਹੋਟਲ ਸੰਚਾਲਕ ਧਨਾਸ ਨਿਵਾਸੀ ਪ੍ਰਦੀਪ, ਜਵਾਹਰ, ਦਲਾਲ ਪੁਨੀਤ, ਰਾਜੂ ਅਤੇ ਇਕ ਦਲਾਲ ਜਨਾਨੀ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਜ਼ਰੂਰੀ ਖ਼ਬਰ : ਪੰਜਾਬ ਭਰ ਦੇ 'ਪੈਟਰੋਲ ਪੰਪ' ਅੱਜ ਸਵੇਰੇ 8 ਤੋਂ ਸ਼ਾਮ 5 ਵਜੇ ਤੱਕ ਰਹਿਣਗੇ ਬੰਦ
ਪੁਲਸ ਨੇ ਤਿੰਨਾਂ ਕੁੜੀਆਂ ਨੂੰ ਡਿਊਟੀ ਮੈਜਿਸਟ੍ਰੇਟ ਦੇ ਸਾਹਮਣੇ ਪੇਸ਼ ਕੀਤਾ। ਬਾਕੀ ਪੰਜ ਲੋਕਾਂ ਨੂੰ ਅਦਾਲਤ ਨੇ 14 ਦਿਨਾ ਦੀ ਕਾਨੂੰਨੀ ਹਿਰਾਸਤ 'ਚ ਭੇਜ ਦਿੱਤਾ। ਜਾਣਕਾਰੀ ਮੁਤਾਬਕ ਏ. ਐੱਸ. ਪੀ. ਨੇਹਾ ਯਾਦਵ ਨੂੰ ਸੋਮਵਾਰ ਰਾਤ ਕਰੀਬ 11 ਵਜੇ ਸੂਚਨਾ ਮਿਲੀ ਕਿ ਬੁੜੈਲ ਸਥਿਤ ਹੋਟਲ 'ਚ ਦੇਹ ਵਪਾਰ ਚੱਲ ਰਿਹਾ ਹੈ। ਇਸ ਤੋਂ ਬਾਅਦ ਪੁਲਸ ਟੀਮ ਬਣਾਈ ਗਈ। ਸੈਕਟਰ-34 ਥਾਣਾ ਇੰਚਾਰਜ ਬਲਦੇਵ ਕੁਮਾਰ, ਬੁੜੈਲ ਚੌਕੀ ਇੰਚਾਰਜ ਓਮ ਪ੍ਰਕਾਸ਼ ਅਤੇ ਉਨ੍ਹਾਂ ਦੀ ਟੀਮ ਨੇ ਹੋਟਲ 'ਚ ਛਾਪੇਮਾਰੀ ਕਰ ਦਿੱਤੀ।
ਇਹ ਵੀ ਪੜ੍ਹੋ : ਇੱਟਾਂ ਦੇ ਭੱਠੇ ਦੀ ਮਾਲਕਣ ਨੂੰ ਦਾਤਰ ਨਾਲ ਵੱਢਿਆ, ਵਾਰਦਾਤ ਕੈਮਰੇ 'ਚ ਕੈਦ
ਪੁਲਸ ਨੇ ਜਦੋਂ ਹੋਟਲ 'ਚ ਛਾਪਾ ਮਾਰਿਆ ਤਾਂ ਵੱਖ-ਵੱਖ ਕਮਰਿਆਂ 'ਚੋਂ 3 ਕੁੜੀਆਂ ਫੜ੍ਹੀਆਂ ਗਈਆਂ। ਪੁਲਸ ਜਾਂਚ 'ਚ ਸਾਹਮਣੇ ਆਇਆ ਕਿ ਕੁੜੀਆਂ ਕਾਫ਼ੀ ਸਮੇਂ ਤੋਂ ਇਸ ਕੰਮ 'ਚ ਸ਼ਾਮਲ ਸਨ। ਇਹ ਸਾਰੀਆਂ ਕੁੜੀਆਂ ਪੰਜਾਬ ਅਤੇ ਹੋਰ ਸ਼ਹਿਰਾਂ ਨਾਲ ਸਬੰਧ ਰੱਖਦੀਆਂ ਹਨ। ਸਾਰਿਆਂ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ। ਪੁਲਸ ਨੇ ਹੋਟਲ ਮਾਲਕ, ਮੈਨੇਜਰ, ਏਜੰਟ ਜਨਾਨੀ ਸਮੇਤ ਪੰਜ ਲੋਕਾਂ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ।
ਇਹ ਵੀ ਪੜ੍ਹੋ : ਝਗੜੇ ਤੋਂ ਬਾਅਦ ਪਤੀ ਦਾ ਚੜ੍ਹਿਆ ਪਾਰਾ, ਬੇਰਹਿਮੀ ਨਾਲ ਕਤਲ ਕੀਤੀ ਪਤਨੀ
ਜ਼ਰੂਰੀ ਖ਼ਬਰ : ਪੰਜਾਬ ਭਰ ਦੇ 'ਪੈਟਰੋਲ ਪੰਪ' ਅੱਜ ਸਵੇਰੇ 8 ਤੋਂ ਸ਼ਾਮ 5 ਵਜੇ ਤੱਕ ਰਹਿਣਗੇ ਬੰਦ
NEXT STORY 
