ਚੰਡੀਗੜ੍ਹ (ਆਸ਼ੀਸ਼) : ਖੁੱਡਾ ਜੱਸੂ ਸਥਿਤ ਗੌਰਮਿੰਟ ਮਾਡਲ ਹਾਈ ਸਕੂਲ 'ਚ 2 ਜੇ. ਬੀ. ਟੀ. ਅਧਿਆਪਕਾਵਾਂ ਵਿਚਕਾਰ ਕਿਸੇ ਗੱਲ ਤੋਂ ਬਹਿਸ ਹੋ ਗਈ। ਬਹਿਸ ਇੰਨੀ ਵੱਧ ਗਈ ਕਿ ਦੋਹਾਂ ਵਿਚਕਾਰ ਹੱਥੋਪਾਈ ਦੀ ਨੌਬਤ ਆ ਗਈ। ਦੋਹਾਂ ਨੇ ਇਕ-ਦੂਜੇ ਦੇ ਕੱਪੜੇ ਤੱਕ ਪਾੜ ਦਿੱਤੇ। ਸਰਕਾਰੀ ਸਕੂਲ 'ਚ ਮਹਿਲਾ ਅਧਿਆਪਕਾਂ ਦੀ ਲੜਾਈ ਦੇ ਮਾਮਲੇ ਦੀ ਜਾਂਚ ਰਿਪੋਰਟ ਦੇ ਆਧਾਰ ’ਤੇ ਸਿੱਖਿਆ ਵਿਭਾਗ ਨੇ ਇਕ ਜੇ. ਬੀ. ਟੀ. ਟੀਚਰ ਨੂੰ ਸੈਕਟਰ-11 ਸਥਿਤ ਗੌਰਮਿੰਟ ਮਾਡਲ ਸਕੂਲ 'ਚ ਟਰਾਂਸਫ਼ਰ ਕਰ ਦਿੱਤਾ ਹੈ, ਉੱਥੇ ਹੀ ਦੂਜੀ ਜੇ. ਬੀ. ਟੀ. ਟੀਚਰ, ਜਾਂਚ ਰਿਪੋਰਟ ਮੁਤਾਬਕ ਜਿਸ ਨੇ ਲੜਾਈ ਸ਼ੁਰੂ ਕੀਤੀ ਸੀ, ਨੂੰ ਫਿਲਹਾਲ ਡੀ. ਈ. ਓ. ਆਫ਼ਿਸ 'ਚ ਡੈਪਿਊਟ ਕੀਤਾ ਗਿਆ ਹੈ। ਜੇ. ਬੀ. ਟੀ. ਅਧਿਆਪਕਾ ਨੂੰ 24 ਜੁਲਾਈ ਨੂੰ ਡਾਇਰੈਕਟਰ ਸਕੂਲ ਐਜੂਕੇਸ਼ਨ ਦੇ ਦਫ਼ਤਰ 'ਚ ਜਾ ਕੇ ਜਵਾਬ ਦੇਣਾ ਪਵੇਗਾ ਕਿ ਲੜਾਈ ਦਾ ਕਾਰਨ ਕੀ ਰਿਹਾ।
ਇਹ ਵੀ ਪੜ੍ਹੋ : ਲੁਧਿਆਣਾ 'ਚ 'ਡੇਂਗੂ' ਦੇ ਇੰਨੇ ਜ਼ਿਆਦਾ ਮਰੀਜ਼ ਦੇਖ ਘਬਰਾਏ ਲੋਕ, ਨਿੱਜੀ ਹਸਪਤਾਲ ਵੀ ਲੱਗੇ ਡਰਾਉਣ
ਮੰਗਲਵਾਰ ਈਵਨਿੰਗ ਸ਼ਿਫਟ ਦੌਰਾਨ 2 ਜੇ. ਬੀ. ਟੀ. ਅਧਿਆਪਕਾਂ ਵਿਚਕਾਰ ਇਸ ਹੱਦ ਤੱਕ ਲੜਾਈ ਹੋਈ ਕਿ ਇਕ-ਦੂਜੇ ਦੇ ਕੱਪੜੇ ਤੱਕ ਪਾੜ ਦਿੱਤੇ। ਪ੍ਰਿੰਸੀਪਲ ਨੂੰ ਜਦੋਂ ਫ਼ੋਨ ’ਤੇ ਸੂਚਨਾ ਮਿਲੀ ਤਾਂ ਤੁਰੰਤ ਮਾਮਲਾ ਸੰਭਾਲਦਿਆਂ ਪਹਿਲਾਂ 112 ਨੰਬਰ ’ਤੇ ਕਾਲ ਕਰ ਕੇ ਪੁਲਸ ਨੂੰ ਸੂਚਿਤ ਕੀਤਾ। ਇਸ ਤੋਂ ਬਾਅਦ ਚੰਡੀਗੜ੍ਹ ਸਿੱਖਿਆ ਵਿਭਾਗ ਦੇ ਉੱਚ ਅਧਿਕਾਰੀਆਂ ਨੂੰ ਲੜਾਈ ਸਬੰਧੀ ਜਾਣਕਾਰੀ ਦਿੱਤੀ। ਵਿਭਾਗ ਵਲੋਂ ਡੀ. ਈ. ਓ. ਅਤੇ ਡਿਪਟੀ ਡੀ. ਈ. ਓ. ਮਾਮਲੇ ਦੀ ਜਾਂਚ ਦੌਰਾਨ ਸਕੂਲ ਪੁੱਜੇ ਅਤੇ ਅਧਿਆਪਕਾਵਾਂ ਦੀਆਂ ਟਿੱਪਣੀਆਂ ਲੈ ਕੇ ਜਾਂਚ ਰਿਪੋਰਟ ਡੀ. ਐੱਸ. ਈ. ਨੂੰ ਜਮ੍ਹਾਂ ਕਰਵਾ ਦਿੱਤੀ। ਰਿਪੋਰਟ ਦੇ ਆਧਾਰ ’ਤੇ ਇਕ ਅਧਿਆਪਕਾ ਦੀ ਟਰਾਂਸਫਰ ਕਰ ਦਿੱਤੀ ਗਈ। ਦੱਸਣਯੋਗ ਹੈ ਕਿ ਦੋਵੇਂ ਅਧਿਆਪਕਾਵਾਂ ਹੀ ਪੰਜਾਬ ਤੋਂ ਡੈਪੂਟੇਸ਼ਨ ’ਤੇ ਹਨ ਅਤੇ ਕਈ ਸਾਲ ਤੋਂ ਇਸ ਸਕੂਲ 'ਚ ਤਾਇਨਾਤ ਸਨ।
ਇਹ ਵੀ ਪੜ੍ਹੋ : ਪੰਜਾਬ ਤੋਂ 72 ਪ੍ਰਿੰਸੀਪਲਾਂ ਦੀ ਟੀਮ ਸਿੰਗਾਪੁਰ ਲਈ ਰਵਾਨਾ, CM ਮਾਨ ਨੇ ਦਿਖਾਈ ਹਰੀ ਝੰਡੀ (ਵੀਡੀਓ)
ਹੈੱਡ ਮਾਸਟਰ ਸੁਭਾਸ਼ ਸ਼ੋਰੀ ਨੇ ਦੱਸਿਆ ਕਿ ਇਹ ਡਬਲ ਸ਼ਿਫਟ ਸਕੂਲ ਹੈ। ਦੂਜੀ ਸ਼ਿਫਟ ਸ਼ੁਰੂ ਕਰਵਾ ਕੇ ਉਹ ਘਰ ਪੁੱਜੇ ਹੀ ਸਨ ਕਿ ਅਧਿਆਪਕਾਵਾਂ ਦੇ ਝਗੜੇ ਸਬੰਧੀ ਸੂਚਨਾ ਮਿਲੀ। ਇਸ ਤੋਂ ਬਾਅਦ ਉਹ ਤੁਰੰਤ ਸਕੂਲ ਪੁੱਜੇ। ਉਨ੍ਹਾਂ ਦੇਖਿਆ ਕਿ ਦੋਵੇਂ ਅਧਿਆਪਕਾਵਾਂ ਨੇ ਇਕ-ਦੂਜੇ ਦੇ ਕੱਪੜੇ ਪਾੜੇ ਹੋਏ ਸਨ। ਇਹ ਦੇਖ ਕੇ ਸਿੱਖਿਆ ਵਿਭਾਗ ਦੇ ਉੱਚ ਅਧਿਕਾਰੀਆਂ ਅਤੇ ਪੁਲਸ ਨੂੰ ਸੂਚਿਤ ਕੀਤਾ। ਉਨ੍ਹਾਂ ਦੱਸਿਆ ਕਿ ਦੋਵਾਂ ਵਿਚਾਲੇ ਮਿਡ-ਡੇਅ-ਮੀਲ ਦੇ ਕਮਰੇ 'ਚ ਲੜਾਈ ਹੋਈ। ਦੋਹਾਂ ਵਿਚਾਲੇ ਬਹਿਸ ਵੱਧਦੀ ਗਈ ਅਤੇ ਹੱਥੋਪਾਈ ਹੋ ਗਈ। ਡਾਇਰੈਕਟਰ ਸਕੂਲ ਐਜੂਕੇਸ਼ਨ ਹਰਸੁਹਿੰਦਰ ਪਾਲ ਸਿੰਘ ਬਰਾੜ ਨੇ ਦੱਸਿਆ ਕਿ ਇਕ ਅਧਿਆਪਕਾ ਦੀ ਟਰਾਂਸਫਰ ਕਰ ਦਿੱਤੀ ਗਈ ਹੈ ਅਤੇ ਦੂਜੀ ਨੂੰ ਸੋਮਵਾਰ ਪਰਸਨਲ ਕਾਲ ’ਤੇ ਬੁਲਾਇਆ ਗਿਆ ਹੈ।
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ
ਦਾਰੂ ਪੀਣੀ ਪੈ ਗਈ ਭਾਰੀ, ਖੋਖੇ ’ਤੇ ਬੇਸੁੱਧ ਪਿਆ ਸੀ ਖ਼ਜ਼ਾਨਾ ਅਧਿਕਾਰੀ, ਹੋਈ ਵੱਡੀ ਕਾਰਵਾਈ
NEXT STORY 
