ਤਪਾ ਮੰਡੀ (ਸ਼ਾਮ,ਗਰਗ) : ਥਾਣਾ ਰੂੜੇਕੇ ਕਲਾਂ ਅਧੀਨ ਪੈਂਦੇ ਪਿੰਡ ਧੂਰਕੋਟ ਪਿਰਥਾਪੱਤੀ ਵਿਖੇ ਚੋਰਾਂ ਦੇ ਗਿਰੋਹ ਨੇ ਇਕ ਸੁਨਿਆਰੇ ਦੇ ਘਰ ਨੂੰ ਨਿਸ਼ਾਨਾ ਬਣਾ ਕੇ ਉਸ ਵਿਚੋਂ 4 ਤੋਲੇ ਸੋਨੇ ਦੇ ਗਹਿਣੇ ਚੋਰੀ ਕਰ ਲਏ। ਇਸ ਸੰਬੰਧੀ ਸੱਤ ਪਾਲ ਸਿੰਘ ਪੁੱਤਰ ਗੁਰਜੰਟ ਸਿੰਘ ਸੌਨੀ ਭਗਤ ਨੇ ਇਥੇ ਆੜ੍ਹਤੀਆ ਗੋਲਡੀ ਦੀ ਦੁਕਾਨ ’ਤੇ ਦੱਸਿਆ ਕਿ 9-10 ਜੁਲਾਈ ਦੀ ਮੱਧ ਰਾਤ ਨੂੰ ਉਹ ਅਪਣੇ ਪਰਿਵਾਰ ਸਮੇਤ ਸੁੱਤੇ ਪਏ ਸੀ ਤਾਂ ਚੋਰਾਂ ਨੇ ਮਕਾਨ ਦੇ ਪਿਛਲੇ ਪਾਸੇ ਰੱਖੀ ਹੋਈ ਖਿੜਕੀ ਨੂੰ ਵਿੰਗਾ ਕਰਕੇ ਅੰਦਰ ਦਾਖਲ ਹੋ ਕੇ ਉਪਰੋਂ ਪੌੜੀਆਂ ਦਾ ਦਰਵਾਜ਼ਾ ਖੋਲ੍ਹ ਕੇ ਕਮਰੇ ’ਚ ਪਈ ਅਲਮਾਰੀ ਚਾਬੀ ਨਾਲ ਖੋਲ ਕੇ 4 ਤੋਲੇ ਸੋਨੇ ਦੇ ਗਹਿਣੇ ਜਿਸ ਦੀ ਕੀਮਤ 2 ਲੱਖ ਰੁਪਏ ਦੇ ਕਰੀਬ ਬਣਦੀ ਹੈ, ਚੋਰੀ ਕਰਕੇ ਲੈ ਗਏ।
ਪੀੜਤ ਪਰਿਵਾਰ ਨੇ ਦੱਸਿਆ ਕਿ ਇਸ ਚੋਰੀ ਦਾ ਉਸ ਸਮੇਂ ਪਤਾ ਲੱਗਾ ਜਦ ਮੱਝ ਸੂਈ ਹੋਣ ਕਾਰਨ ਉਸ ਨੂੰ ਦੇਖਣ ਲਈ ਉਠੇ ਤਾਂ ਚੋਰਾਂ ਨੇ ਅੰਦਰੋਂ ਚੂਨੀ ਨਾਲ ਬੰਨ੍ਹਿਆ ਹੋਇਆ ਸੀ, ਖਿਚਣ ’ਤੇ ਹੀ ਦਰਵਾਜਾ ਖੁੱਲ੍ਹ ਗਿਆ ਤਾਂ ਚੋਰ ਪੌੜੀਆਂ ਰਾਹੀਂ ਚੜ੍ਹ ਕੇ ਖੇਤਾਂ ਵਿਚੋਂ ਦੀ ਹੁੰਦੇ ਹੋਏ ਫਰਾਰ ਹੋ ਗਏ ਜਦ ਚੋਰੀ ਦਾ ਗੁਆਂਢੀਆਂ ਨੂੰ ਪਤਾ ਲੱਗਾ ਤਾਂ ਬਹਾਦੁਰੀ ਨਾਲ ਚੋਰਾਂ ਦਾ ਪਿੱਛਾ ਕੀਤਾ ਗਿਆ ਪਰ ਚੋਰ ਭੱਜਣ ’ਚ ਸਫਲ ਹੋ ਗਏ। ਇਸ ਮਾਮਲੇ ਸੰਬੰਧੀ ਰਾਤ ਨੂੰ ਹੀ ਪੁਲਸ ਨੂੰ ਸੂਚਨਾ ਦਿੱਤੀ ਗਈ ਜਿਨ੍ਹਾਂ ਮੌਕੇ ’ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
5 ਧੀਆਂ ਬਾਅਦ ਅਰਦਾਸਾਂ ਕਰਕੇ ਲਏ ਪੁੱਤ ਨੇ ਵਿਆਹ ਮਗਰੋਂ ਚਾੜ੍ਹਿਆ ਚੰਨ, ਰੋਂਦੀ ਬਜ਼ੁਰਗ ਮਾਂ ਨੇ ਬਿਆਨ ਕੀਤਾ ਦੁੱਖ
NEXT STORY 
