ਚੰਡੀਗੜ੍ਹ : ਹਰਿਆਣਾ ਤੇ ਨਾਲ ਲੱਗਦੇ ਪੰਜਾਬ ਦੇ ਖੇਤਰਾਂ ਵਿਚ ਛੇਤੀ ਹੀ 3 ਹੋਰ ਨਵੇਂ ਹਾਈਵੇਅ ਬਣਨ ਜਾ ਰਹੇ ਹਨ। ਇਹ ਤਿੰਨ ਨਵੇਂ ਹਾਈਵੇ ਭਾਰਤਮਾਲਾ ਪ੍ਰੋਜੈਕਟ ਦੇ ਤਹਿਤ ਬਣਾਏ ਜਾਣਗੇ। ਇਹ ਹਾਈਵੇ ਪਾਣੀਪਤ ਤੋਂ ਡੱਬਵਾਲੀ ਹਾਈਵੇਅ, ਹਿਸਾਰ ਤੋਂ ਰੇਵਾੜੀ ਹਾਈਵੇਅ ਅਤੇ ਅੰਬਾਲਾ ਤੋਂ ਦਿੱਲੀ ਹਾਈਵੇਅ ਵਿਚਕਾਰ ਬਣਾਏ ਜਾਣਗੇ। ਕੇਂਦਰ ਨੇ ਇਨ੍ਹਾਂ ਤਿੰਨਾਂ ਰਾਸ਼ਟਰੀ ਰਾਜਮਾਰਗਾਂ ਦੇ ਪ੍ਰਸਤਾਵਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਹੁਣ ਇਸ ਨਾਲ ਜੀ.ਟੀ.ਰੋਡ ‘ਤੇ ਆਵਾਜਾਈ ਦਾ ਬੋਝ ਘੱਟ ਕਰਨ ‘ਚ ਮਦਦ ਮਿਲੇਗੀ। ਇਨ੍ਹਾਂ ਪ੍ਰੋਜੈਕਟਾਂ ਕਾਰਨ ਹਰਿਆਣਾ ਤੇ ਨਾਲ ਲੱਗਦੇ ਪੰਜਾਬ ਦੇ ਕਈ ਇਲਾਕਿਆਂ ਵਿਚ ਜਿਥੇ ਹਾਈਵੇਅ ਨੇੜੇ ਲੋਕਾਂ ਨੂੰ ਆਪਣਾ ਕੰਮ ਧੰਦਾ ਚਲਾਉਣ ਵਿਚ ਮਦਦ ਮਿਲੇਗੀ ਉਥੇ ਹੀ ਜ਼ਮੀਨਾਂ ਦੇ ਭਾਅ ਅਸਮਾਨੀ ਚੜ੍ਹ ਸਕਦੇ ਹਨ।
ਅੰਬਾਲਾ ਅਤੇ ਦਿੱਲੀ ਦੇ ਵਿਚਕਾਰ ਯਮੁਨਾ ਦੇ ਨਾਲ ਨਵਾਂ ਹਾਈਵੇਅ ਬਣਨ ਨਾਲ ਚੰਡੀਗੜ੍ਹ ਅਤੇ ਦਿੱਲੀ ਦੀ ਦੂਰੀ ਦੋ ਤੋਂ ਢਾਈ ਘੰਟੇ ਘੱਟ ਜਾਵੇਗੀ। ਯਮੁਨਾ ਦੇ ਕਿਨਾਰੇ ਹਾਈਵੇਅ ਦੇ ਨਿਰਮਾਣ ਨਾਲ ਜੀ.ਟੀ ਰੋਡ ‘ਤੇ ਆਵਾਜਾਈ ਦਾ ਦਬਾਅ ਘੱਟ ਜਾਵੇਗਾ। ਨਵੇਂ ਹਾਈਵੇ ਦੀ ਵਰਤੋਂ ਦਿੱਲੀ ਅਤੇ ਹਰਿਆਣਾ, ਚੰਡੀਗੜ੍ਹ, ਪੰਜਾਬ, ਹਿਮਾਚਲ ਪ੍ਰਦੇਸ਼ ਅਤੇ ਜੰਮੂ-ਕਸ਼ਮੀਰ ਵਿਚਕਾਰ ਆਵਾਜਾਈ ਲਈ ਕੀਤੀ ਜਾਵੇਗੀ। ਨਵੀਂ ਦਿੱਲੀ ਤੋਂ ਅੰਬਾਲਾ ਤੱਕ ਨਵਾਂ ਹਾਈਵੇਅ ਬਣਾਇਆ ਜਾਵੇਗਾ। ਇਸ ਨੂੰ ਪੰਚਕੂਲਾ ਤੋਂ ਯਮੁਨਾਨਗਰ ਤੱਕ ਐਕਸਪ੍ਰੈਸ ਵੇਅ ਰਾਹੀਂ ਵੀ ਜੋੜਿਆ ਜਾਵੇਗਾ। ਪਾਣੀਪਤ ਤੋਂ ਚੌਟਾਲਾ ਪਿੰਡ ਤੱਕ ਨਵਾਂ ਗ੍ਰੀਨ ਫੀਲਡ ਐਕਸਪ੍ਰੈਸਵੇਅ ਬਣਾਇਆ ਜਾਵੇਗਾ। ਇਹ ਬੀਕਾਨੇਰ ਤੋਂ ਮੇਰਠ ਤੱਕ ਸਿੱਧੀ ਸੰਪਰਕ ਪ੍ਰਦਾਨ ਕਰੇਗਾ।
ਕੇਂਦਰ ਸਰਕਾਰ ਤੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਹੁਣ ਨੈਸ਼ਨਲ ਹਾਈਵੇਅ ਅਥਾਰਟੀ ਇਸ ਸਬੰਧੀ ਵਿਸਥਾਰਤ ਰਿਪੋਰਟ ਤਿਆਰ ਕਰੇਗੀ। ਰਿਪੋਰਟ ਮਨਜ਼ੂਰ ਹੋਣ ਤੋਂ ਬਾਅਦ ਟੈਂਡਰ ਜਾਰੀ ਕਰਕੇ ਹਾਈਵੇਅ ਬਣਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਜਾਵੇਗੀ। ਜਲਦੀ ਹੀ ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ ਇੰਡੀਆ (NHAI) ਦੇ ਅਧਿਕਾਰੀ ਡੀਪੀਆਰ ਤਿਆਰ ਕਰਨਾ ਸ਼ੁਰੂ ਕਰ ਦੇਣਗੇ।
ਇਨ੍ਹਾਂ ਇਲਾਕਿਆਂ 'ਚੋਂ ਲੰਘੇਗਾ ਹਾਈਵੇਅ
ਲੋਕ ਨਿਰਮਾਣ ਵਿਭਾਗ ਅਨੁਸਾਰ ਡੱਬਵਾਲੀ ਤੋਂ ਪਾਣੀਪਤ ਤੱਕ ਇਹ ਚਾਰ ਮਾਰਗੀ ਸੜਕ ਡੱਬਵਾਲੀ, ਕਾਲਾਂਵਾਲੀ, ਰੋੜੀ, ਸਰਦੂਲਗੜ੍ਹ, ਹੰਸਪੁਰ, ਰਤੀਆ, ਭੂਨਾ, ਸਨਿਆਨਾ, ਉਕਲਾਣਾ, ਲਿਟਾਨੀ, ਉਚਾਨਾ, ਨਾਗੂਰਾਨ, ਅਸੰਧ, ਸਫੈਦੋਂ ਸ਼ਾਮਲ ਹਨ। ਫਤਿਹਾਬਾਦ ‘ਚ ਪ੍ਰਸਤਾਵਿਤ ਚਾਰ ਮਾਰਗੀ ਕਾਰੀਡੋਰ ਪੰਜਾਬ ਦੀ ਸਰਹੱਦ ‘ਤੇ ਹੰਸਪੁਰ ਤੋਂ ਸ਼ੁਰੂ ਹੋ ਕੇ ਰਤੀਆ, ਭੂਨਾ ਅਤੇ ਸਨਿਆਨਾ ‘ਚੋਂ ਲੰਘੇਗਾ, ਜਿਨ੍ਹਾਂ ਸ਼ਹਿਰਾਂ ਰਾਹੀਂ ਫੋਰਲੇਨ ਪ੍ਰਸਤਾਵਿਤ ਹੈ, ਉਹ ਜ਼ਿਆਦਾਤਰ ਰਾਜ ਮਾਰਗ ਹਨ ਅਤੇ ਕਈ ਥਾਵਾਂ ‘ਤੇ ਜ਼ਿਲ੍ਹਾ ਸੜਕਾਂ ਸਿਰਫ਼ 18 ਫੁੱਟ ਚੌੜੀਆਂ ਹਨ। ਰਾਜ ਮਾਰਗ 24 ਫੁੱਟ ਚੌੜਾ ਹੈ, ਇਸ ਲਈ ਜੇਕਰ ਚਾਰ ਮਾਰਗੀ ਬਣਾਇਆ ਜਾਵੇ ਤਾਂ ਆਵਾਜਾਈ ਲਈ ਵਧੀਆ ਸਹੂਲਤਾਂ ਉਪਲਬਧ ਹੋਣਗੀਆਂ।
ਪੰਜਾਬ ਦੇ ਇਸ ਜ਼ਿਲ੍ਹੇ ਲਈ ਸੂਬਾ ਸਰਕਾਰ ਦਾ ਵੱਡਾ ਐਲਾਨ, ਵੱਡੇ ਪ੍ਰਾਜੈਕਟ ਨੂੰ ਦਿੱਤੀ ਮਨਜ਼ੂਰੀ
NEXT STORY 
