ਮੁਕਤਸਰ/ਸਰਾਵਾਂ ਬੋਦਲਾਂ : ਪਿਛਲੇ ਲੰਬੇ ਸਮੇਂ ਤੋਂ ਪੁਲਸ ਲਈ ਸਿਰਦਰਦੀ ਬਣੇ ਖਤਰਨਾਕ ਗੈਂਗਸਟਰ ਵਿੱਕੀ ਗੌਂਡਰ ਦਾ ਆਖਿਰ ਸ਼ੁੱਕਰਵਾਰ ਨੂੰ ਪੁਲਸ ਨੇ ਐਨਕਾਊਂਟਰ ਕਰ ਦਿੱਤਾ। ਜਵਾਨ ਪੁੱਤ ਦੀ ਮੌਤ ਤੋਂ ਬਾਅਦ ਮਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਗੌਂਡਰ ਦੀ ਮਾਂ ਨੇ ਰੋਂਦੇ ਹੋਏ ਬਸ ਇੰਨਾ ਹੀ ਕਿਹਾ ਕਿ 'ਪੁੱਤ ਮਰਿਆ ਮੇਰਾ ਦੁੱਖ ਤਾਂ ਹੁੰਦਾ ਹੀ ਹੈ, ਪਰ ਸਾਨੂੰ ਪਤਾ ਸੀ ਕਿ ਆਹ ਕੰਮ ਤਾਂ ਹੋਣਾ ਹੀ ਸੀ। ਜਦੋਂ ਓਹਦੇ ਕੰਮ ਹੀ ਏਦਾਂ ਦੇ ਸੀ।'
ਦੂਜੇ ਪਾਸੇ ਗੌਂਡਰ ਦੀ ਛੋਟੀ ਭੈਣ ਨੇ ਪੁਲਸ 'ਤੇ ਧੱਕਾਸ਼ਾਹੀ ਦੇ ਦੋਸ਼ ਲਗਾਏ ਹਨ। ਭੈਣ ਨੇ ਨਮ ਅੱਖਾਂ ਨਾਲ ਕਿਹਾ ਕਿ ਪੁਲਸ ਨੂੰ ਗ੍ਰਿਫਤਾਰ ਕਰ ਸਕਦੀ ਸੀ ਪਰ ਪੁਲਸ ਨੇ ਜਾਣ-ਬੁਝ ਕੇ ਉਸ ਦਾ ਐਨਕਾਊਂਟਰ ਕਰ ਦਿੱਤਾ। ਪਿਤਾ ਮਹਿਲ ਸਿੰਘ ਨੇ ਦੋਸ਼ ਲਗਾਇਆ ਕਿ ਪੁਲਸ ਨੇ ਉਨ੍ਹਾਂ ਦੇ ਪੁੱਤ ਦੀ ਹੱਤਿਆ ਦੀ ਸੂਚਨਾ ਨਹੀਂ ਦਿੱਤਾ। ਸੋਸ਼ਲ ਮੀਡੀਆ ਤੋਂ ਉਨ੍ਹਾਂ ਨੂੰ ਸਵਾ ਛੇ ਵਜੇ ਗੌਂਡਰ ਦੀ ਮੌਤ ਦੀ ਖਬਰ ਮਿਲ ਚੁੱਕੀ ਸੀ। ਰਾਤ ਸਤ ਵਜੇ ਪੁਲਸ ਪਿੰਡ ਆ ਗਈ ਅਤੇ ਘਰ ਨੂੰ ਘੇਰਾ ਪਾ ਲਿਆ।
ਉਧਰ ਗੌਂਡਰ ਦੇ ਤਾਏ ਨੇ ਦੋਸ਼ ਲਗਾਉਂਦੇ ਹੋਏ ਕਿਹਾ ਕਿ ਪੁਲਸ ਨੇ ਵਿੱਕੀ ਨੂੰ ਝੂਠਾ ਐਨਕਾਊਂਟਰ ਬਣਾ ਕੇ ਮਾਰਿਆ ਹੈ। ਤਾਏ ਹਰਜੀਤ ਸਿੰਘ ਨੇ ਕਿਹਾ ਕਿ ਪੁਲਸ ਨੇ ਇਹ ਕਾਰਵਾਈ ਕਰਨ ਤੋਂ ਪਹਿਲਾਂ ਰਾਜਸਥਾਨ ਪੁਲਸ ਨੂੰ ਵੀ ਸੂਚਨਾ ਨਹੀਂ ਦਿੱਤੀ। ਉਨ੍ਹਾਂ ਕਿਹਾ ਕਿ ਪੁਲਸ ਕਦੇ ਵੀ ਸੱਚ ਨਹੀਂ ਦੱਸਦੀ ਸਿਰਫ ਆਪਣੇ ਮੋਢੇ ਦੀਆਂ ਫੀਤੀਆਂ ਵਧਾਉਣ ਲਈ ਅਜਿਹੇ ਝੂਠੇ ਮੁਕਾਬਲੇ ਵਿਖਾ ਦਿੰਦੀ ਹੈ।
ਪਲਸ ਪੋਲੀਓ ਮੁਹਿੰਮ ਤਹਿਤ ਪਿਲਾਈਆਂ ਪੋਲਿਓ ਬੂੰਦਾਂ
NEXT STORY 
