ਚੰਡੀਗੜ੍ਹ (ਸ਼ੀਨਾ) : ਮਾਰਚ 2026 ਦੇ ਅਖੀਰ ’ਚ ਸੈਕਟਰ-33 ਬੀ ਦੀ ਸੀ.ਸੀ.ਟੀ.ਵੀ. ਫੁਟੇਜ ’ਚ ਇਕ ਡਿਲੀਵਰੀ ਬੁਆਏ ਨੂੰ ਲਗਭਗ ਦੋ ਘੰਟਿਆਂ ਲਈ ਅਜੀਬ ਕਿਸਮ ਦਾ ਨਸ਼ਾ ਜਿਸ ਨੂੰ ਲੋਕਾਂ ਵਲੋਂ ਜ਼ੌਂਬੀ ਡਰੱਗ ਕਿਹਾ ਗਿਆ ਹੈ, ਇਸ ’ਚ ਵਿਅਕਤੀ ਇਸ ਨਸ਼ੇ ਨਾਲ ਇੱਕੋ ਥਾਂ ’ਤੇ ਖੜ੍ਹਾ ਦੇਖਿਆ ਗਿਆ। ਇਸੇ ਤਰ੍ਹਾਂ ਇਕ ਹੋਰ ਵੀਡੀਓ ਸਾਹਮਣੇ ਆਈ, ਜਿਸ ’ਚ ਇਕ ਮਜ਼ਦੂਰ ਸੜਕ ’ਤੇ ਨਸ਼ਾ ਕਰਕੇ ਲਗਾਤਾਰ ਕਈ ਘੰਟੇ ਖੜੇ ਰਿਹਾ। ਜਿਹੜੇ ਲੋਕਾਂ ਨੇ ਉਸ ਨੂੰ ਦੇਖਿਆ ਉਹ ਦੇਖ ਕੇ ਹੈਰਾਨ ਵੀ ਸਨ ਤੇ ਘਬਰਾ ਰਹੇ ਸਨ। ਕੁਝ ਨੇ ਇਸ ਨੂੰ ਜ਼ੌਂਬੀ ਵਰਗਾ ਕਿਹਾ ਪਰ ਅਜਿਹੇ ਹੁਣ 5 ਕੇਸ ਦੇਖਣ ਨੂੰ ਮਿਲੇ ਹਨ ਜਿਸ ਨਾਲ ਲੋਕਾਂ ’ਚ ਡਰ ਦਾ ਮਾਹੌਲ ਹੈ ਪਰ ਇਸ ਲਈ ਪੀ.ਜੀ.ਆਈ. ਦੇ ਮਨੋਵਿਗਿਆਨ ਵਿਭਾਗ ਦੇ ਡਾ. ਸ਼ਿਤਿਜ ਤੇ ਡਾ. ਰਾਹੁਲ ਨੇ ਖਾਸ ਜਾਣਕਾਰੀ ਸਾਂਝੀ ਕੀਤੀ ਹੈ ਜਿਸ ਲਈ ਲੋਕਾਂ ’ਚ ਇਸ ਦੇ ਡਰ ਨੂੰ ਕੱਢਿਆ ਜਾਵੇ।
ਇਹ ਵੀ ਪੜ੍ਹੋ : ਫਰਦ ਕੇਂਦਰ 'ਚ ਜਾਣ ਵਾਲੇ ਦੇਣ ਧਿਆਨ, ਨਹੀਂ ਤਾਂ ਹੋਣਾ ਪਵੇਗਾ ਖੱਜਲ
ਕੀ ਹੁੰਦਾ ਹੈ ਜ਼ੌਂਬੀ ਡਰੱਗ?
ਪੀ.ਜੀ.ਆਈ. ਦੇ ਮਨੋਵਿਗਿਆਨ ਵਿਭਾਗ ਦੇ ਡਾ. ਸ਼ਿਤਿਜ ਨੇ ਦੱਸਿਆ ਕਿ ਇਹ ਇਕ ਜਾਇਲਾਜਿਨ ਤੇ ਫੈਟਾਮਿਨ ਡਰੱਗ ਦਾ ਸੁਮੇਲ ਹੈ। ਜਾਇਲਾਜਿਨ ਇਕ ਅਜਿਹਾ ਡਰੱਗ ਹੈ ਜੋ ਕਿ ਆਮ ਤੌਰ ’ਤੇ ਜਾਨਵਰਾਂ ਨੂੰ ਸੁਲਾਉਣ ਲਈ ਵਰਤਿਆ ਜਾਂਦਾ ਹੈ। ਹੁਣ ਤੱਕ ਜਿੰਨਿਆਂ ਦੀਆਂ ਰਿਪੋਰਟਾਂ ਆਈਆਂ ਹਨ ਉਨ੍ਹਾਂ ’ਚ ਜਾਇਲਾਜਿਨ ਦਾ ਇਸਤੇਮਾਲ ਹੀ ਪਾਇਆ ਗਿਆ ਹੈ। ਕਈ ਕੇਸਾਂ ’ਚ ਇਸ ਨਾਲ ਫੈਂਟਾਮਿਨ ਵੀ ਵਰਤੀ ਜਾਂਦੀ ਹੈ ਜੋ ਕਿ ਹੈਰੋਇਨ ਤੋਂ ਵੀ ਤੇਜ਼ ਤੇ ਖਤਰਨਾਕ ਡਰੱਗ ਹੈ। ਇਸ ਨੂੰ ਲੈਣ ਨਾਲ ਇਨਸਾਨ ਦਾ ਸੁਭਾਅ ਇਕਦਮ ਬੇਹੋਸ਼ੀ ਵਾਲਾ ਹੋ ਜਾਂਦਾ ਹੈ ਜਿਸ ਕਾਰਨ ਉਹ ਕਈ ਸਮਾਂ ਘੰਟਿਆਂ ਬੱਧੀ ਇੱਕੋ ਪੋਜ਼ੀਸ਼ਨ ’ਚ ਰਹਿੰਦੇ ਹਨ। ਇਸ ਨਾਲ ਆਮ ਲੋਕਾਂ ਦੇਖਣ ’ਚ ਉਹ ਇਨਸਾਨ ਖਤਰਨਾਕ ਲੱਗਦਾ ਹੈ ਜਿਸ ਨੂੰ ਆਮ ਭਾਸ਼ਾ ’ਚ ਅਸੀਂ ਜ਼ੌਂਬੀ ਵੀ ਕਹਿ ਦਿੰਦੇ ਹਾਂ।
ਇਹ ਵੀ ਪੜ੍ਹੋ : ਪੰਜਾਬ ਦੇ ਸਕੂਲਾਂ ਲਈ ਹੋ ਗਿਆ ਵੱਡਾ ਐਲਾਨ, 11 ਮਈ ਨੂੰ ਲੈ ਕੇ ਜਾਰੀ ਹੋਏ ਹੁਕਮ
ਜਾਇਲਾਜਿਨ ਕੀ ਹੈ?
ਜਾਇਲਾਜਿਨ ਅਸਲ ’ਚ ਇਕ ਤਰ੍ਹਾਂ ਦਾ ਡਰੱਗ ਹੈ ਜੋ ਕਿ ਖਤਰਨਾਕ ਜਾਨਵਰਾਂ ਨੂੰ ਸ਼ਾਂਤ ਕਰਨ ਜਾਂ ਉਨ੍ਹਾਂ ਨੂੰ ਸੁਲਾਉਣ ਲਈ ਵਰਤਿਆ ਜਾਂਦਾ ਹੈ। ਜਦੋਂ ਕਿਸੇ ਖੂੰਖਾਰ ਜਾਨਵਰ ਨੂੰ ਸ਼ਾਂਤ ਕਰਨਾ ਹੋਵੇ ਜਾਂ ਉਸ ਦਾ ਇਲਾਜ ਕਰਨਾ ਹੋਵੇ ਤਾਂ ਉਸ ਨੂੰ ਸ਼ਾਂਤ ਕਰਨ ਜਾਂ ਸੁਲਾਉਣ ਲਈ ਇਸ ਡਰੱਗ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜਿਸ ਨਾਲ ਉਹ ਲੰਬੇ ਸਮੇਂ ਲਈ ਨੀਂਦ ’ਚ ਚਲੇ ਜਾਂਦੇ ਹਨ। ਜਦੋਂ ਇਸ ਤਰ੍ਹਾਂ ਦੇ ਡਰੱਗ ਦੀ ਮਾਰਕੀਟ ’ਚ ਕਮੀ ਹੋ ਜਾਂਦੀ ਹੈ ਤਾਂ ਉਸ ਦੀ ਥਾਂ ਦੂਜੀ ਡਰੱਗ ਮਾਰਕੀਟ ’ਚ ਸਪਲਾਈ ਕੀਤੀ ਜਾਂਦੀ ਹੈ। ਉਸ ਦੀ ਲੋਕਾਂ ਵੱਲੋਂ ਪਹਿਲਾਂ ਕਦੇ ਵਰਤੋਂ ਨਹੀਂ ਕੀਤੀ ਹੁੰਦੀ ਜਾਂ ਉਸ ਬਾਰੇ ਮੌਜੂਦਾ ਜਾਣਕਾਰੀ ਨਹੀਂ ਹੁੰਦੀ ਪਰ ਉਹ ਇਸ ਦੀ ਵਰਤੋਂ ਕਰਦੇ ਹਨ ਤਾਂ ਅਜਿਹੇ ਮਾਮਲੇ ਦੇਖਣ ਨੂੰ ਮਿਲਦੇ ਹਨ।
ਇਹ ਵੀ ਪੜ੍ਹੋ : ਪੰਜਾਬ ਦੇ ਸਕੂਲਾਂ ਵਿਚ ਇਨ੍ਹਾਂ ਤਾਰੀਖਾਂ ਨੂੰ ਹੋ ਸਕਦਾ ਹੈ ਗਰਮੀਆਂ ਦੀਆਂ ਛੁੱਟੀਆਂ ਦਾ ਐਲਾਨ
ਫੈਂਟਾਲਿਨ ਕੀ ਹੈ?
ਅਮਰੀਕਾ ’ਚ ਫੈਂਟਾਲਿਨ ਡਰੱਗ ਆਮ ਹੈ ਜਿਸ ਦੀ ਵਰਤੋਂ ਗਲਤ ਤਰੀਕੇ ਨਾਲ ਕਰਨ ’ਤੇ ਲੋਕ ਕਈ ਘੰਟੇ ਇੱਕੋ ਹਾਲਤ ’ਚ ਬੈਠੇ ਰਹਿੰਦੇ ਹਨ ਪਰ ਹੁਣ ਇਹ ਇੰਡੀਆ ’ਚ ਵੀ ਆ ਗਿਆ ਹੈ। ਫੈਂਟਾਲਿਨ ਨੂੰ ਜੇਕਰ ਚੰਗੇ ਤਰੀਕੇ ਨਾਲ ਵਰਤਿਆ ਜਾਵੇ ਤਾਂ ਇਹ ਇਕ ਬਹੁਤ ਵਧੀਆ ਦਵਾਈ ਹੈ ਪਰ ਇਸ ਦੀ ਵਰਤੋਂ ਗਲਤ ਤਰੀਕੇ ਨਾਲ ਕਰਨ ਨਾਲ ਇਹ ਨਸ਼ੇ ਵਜੋਂ ਕੰਮ ਕਰਦਾ ਹੈ ਤੇ ਬਹੁਤ ਖਤਰਨਾਕ ਵੀ ਹੈ। ਫੈਂਟਾਮਿਨ ਹੈਰੋਇਨ ਤੋਂ ਵੀ ਤੇਜ਼ ਤੇ ਖਤਰਨਾਕ ਡਰੱਗ ਹੈ। ਸੋਸ਼ਲ ਮੀਡੀਆ ’ਤੇ ਲੋਕਾਂ ਦਾ ਆਪਸ ’ਚ ਜੁੜੇ ਹੋਣ ਨਾਲ ਇਸ ’ਚ ਵਾਧਾ ਹੋਣਾ ਜਾਇਜ਼ ਹੈ। ਇਸ ਬਾਰੇ ਸਾਨੂੰ ਜਲਦੀ ਜਾਗਰੂਕ ਹੋਣਾ ਚਾਹੀਦਾ ਹੈ ਤੇ ਸਿਟੀ ਬਿਊਟੀਫੁੱਲ ’ਚ ਇਸ ਦੀ ਵਰਤੋਂ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਇਸ ਬਾਰੇ ਪੁਰੀ ਜਾਂਚ-ਪੜਤਾਲ ਕਰਕੇ ਇਸ ਡਰੱਗ ਨੂੰ ਰੋਕਣ ਦੇ ਕਦਮ ਉਠਾਉਣੇ ਚਾਹੀਦੇ ਹਨ ਤੇ ਚੋਰੀ ਜਾਂ ਨਾਜਾਇਜ਼ ਵੇਚਣ ਵਾਲਿਆਂ ਵਿਰੁੱਧ ਸਖ਼ਤ ਕਾਰਵਾਈ ਹੋਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਲੋਡ ਤੋਂ ਵੱਧ ਬਿਜਲੀ ਵਰਤਣ ਵਾਲਿਆਂ 'ਤੇ ਹੋਵੇਗੀ ਕਾਰਵਾਈ, PSPCL ਨੇ ਜਾਰੀ ਕੀਤੇ ਸਖ਼ਤ ਹੁਕਮ
ਦਿਮਾਗ ਨੂੰ ਸੁੰਨ ਕਰ ਰਿਹਾ ਜਾਇਲਾਜਿਨ-ਫੈਂਟਾਮਿਨ
ਪੀ.ਜੀ.ਆਈ. ਦੇ ਮਨੋਵਿਗਿਆਨ ਵਿਭਾਗ ਦੇ ਸਹਾਇਕ ਪ੍ਰੋਫੈਸਰ ਡਾ. ਰਾਹੁਲ ਚੱਕਰਵਰਤੀ ਨੇ ਕਿਹਾ ਕਿ ਇਸ ਡਰੱਗ ਦਾ ਕੰਮ ਬੇਸ਼ੱਕ ਖੂੰਖਾਰ ਜਾਨਵਰਾਂ ਨੂੰ ਕੰਟਰੋਲ ਕਰਨਾ ਹੈ ਪਰ ਇਸ ਦੀ ਇਨਸਾਨੀ ਸਰੀਰ ’ਚ ਲੋੜ ਤੋਂ ਵੱਧ ਮਾਤਰਾ ਇਕ ਖਤਰਨਾਕ ਤੇ ਮਾਰੂ ਨਸ਼ੇ ਵਾਂਗ ਕੰਮ ਕਰਦੀ ਹੈ। ਮੰਨ ਲਓ ਕੋਈ ਹੈਰੋਇਨ ਲੈ ਰਿਹਾ ਹੈ ਤੇ ਉਸ ਨੂੰ ਪਤਾ ਹੈ ਕਿ ਉਸ ਨੂੰ ਇਸ ਦੀ ਕਿੰਨੀ ਮਾਤਰਾ ਨਾਲ ਕਿਸ ਤਰ੍ਹਾਂ ਦਾ ਨਸ਼ਾ ਹੋਵੇਗਾ ਪਰ ਜੋ ਜਾਇਲਾਜਿਨ ਜਾਂ ਫੈਂਟਾਮਿਨ ਨੂੰ ਮਿਲਾ ਕੇ ਲੈ ਰਹੇ ਹਨ ਉਨ੍ਹਾਂ ਨੂੰ ਇਸ ਗੱਲ ਦਾ ਬਿਲਕੁਲ ਨਹੀਂ ਪਤਾ ਕਿ ਇਸ ਦਾ ਸਰੀਰ ’ਤੇ ਕੀ ਅਸਰ ਹੋਵੇਗਾ। ਇਹ ਨਸ਼ਾ ਇਕ ਦਮ ਦਿਮਾਗ ਤੇ ਹਿਟ ਕਰਦਾ ਹੈ ਤੇ ਇਨਸਾਨ ਨੂੰ ਬੇਸੁੱਧ ਕਰ ਦਿੰਦਾ ਹੈ ਜਿਸ ਨਾਲ ਉਹ ਅੱਧਮਰੀ ਹਾਲਤ ’ਚ ਦਿਖਦੇ ਹਨ।ਦੂਜੇ ਪਾਸੇਸਚੰਡੀਗੜ੍ਹ ਦੇ ਐੱਸ.ਐੱਸ.ਪੀ ਕੰਵਰਦੀਪ ਕੌਰ ਨੇ ਜਾਰੀ ਵੀਡੀਓ ’ਚ ਜਾਣਕਾਰੀ ਦਿੰਦਿਆ ਕਿਹਾ ਕਿ ਸਾਡੇ ਕੋਲ ਅਜਿਹੀਆਂ ਕਈ ਵੀਡੀਓ ਆਈਆਂ ਸਨ ਜਿਨ੍ਹਾਂ ’ਚੋਂ ਇਕ ਵੀਡੀਓ ’ਚ ਮੁੰਡਾ ਚੰਡੀਗੜ੍ਹ ਦਾ ਸੀ ਜੋ ਕਿ ਇਕ ਡਿਲੀਵਰੀ ਵਜੋਂ ਕੰਮ ਕਰਦਾ ਹੈ ਤੇ ਧਨਾਸ ਦਾ ਵਾਸੀ ਹੈ। ਉਹ ਡਰਾਈਵਰ ਹੈ ਤੇ ਡਿਲੀਵਰੀ ਦਾ ਕੰਮ ਕਰਦਾ ਹੈ ਤੇ ਮੋਹਾਲੀ ਤੋਂ ਉਸ ਨੇ ਹੈਰੋਇਨ ਲੈ ਕੇ ਉਸ ਦਾ ਇਸਤੇਮਾਲ ਕੀਤਾ ਸੀ। ਜਦ ਉਹ ਚੰਡੀਗੜ੍ਹ ਵੱਲ ਪੁਹੰਚਿਆ ਤਾਂ ਉਸ ਨੂੰ ਅਚਾਨਕ ਤੇਜ ਨਸ਼ਾ ਮਹਿਸੂਸ ਹੋਇਆ ਜਿਸ ਕਾਰਨ ਉਹ ਰੁਕ ਗਿਆ। ਬਾਕੀ ਵੀਡੀਓ ਹੋਰ ਸੂਬਿਆਂ ਦੀਆਂ ਹਨ। ਫਿਲਹਾਲ ਸਾਡੇ ਕੋਲ ਅਜਿਹਾ ਕੋਈ ਹੋਰ ਮਾਮਲਾ ਨਹੀਂ ਆਇਆ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਉਸ ਬਾਰੇ ਪੁਖਤਾ ਜਾਣਕਾਰੀ ਲੈ ਕੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ ਤੇ ਪੁਲਸ ਪ੍ਰਸ਼ਾਸਨ ਇਸ ਡਰੱਗ ਬਾਰੇ ਸਬੰਧਤ ਜਾਣਕਾਰੀ ਰੱਖ ਰਹੀ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਪੰਜਾਬ 'ਚ ਪ੍ਰੀਪੇਡ ਮੀਟਰਾਂ ਨੇ ਖੜ੍ਹਾ ਕੀਤਾ ਵੱਡਾ ਸੰਕਟ, ਕਈ ਸਕੂਲਾਂ ਤੇ ਸਰਕਾਰੀ ਦਫ਼ਤਰਾਂ ਦੀ ਬਿਜਲੀ ਹੋਈ ਬੰਦ
NEXT STORY 
