ਹੁਲੁਨਬੁਇਰ (ਚੀਨ) : ਨੌਜਵਾਨ ਸਟ੍ਰਾਈਕਰ ਰਾਜਕੁਮਾਰ ਪਾਲ ਦੀ ਹੈਟ੍ਰਿਕ ਦੇ ਦਮ 'ਤੇ ਡਿਫੈਂਡਿੰਗ ਚੈਂਪੀਅਨ ਭਾਰਤ ਨੇ ਮਲੇਸ਼ੀਆ ਨੂੰ 8-1 ਨਾਲ ਹਰਾ ਕੇ ਬੁੱਧਵਾਰ ਨੂੰ ਇੱਥੇ ਲਗਾਤਾਰ ਤੀਜੀ ਜਿੱਤ ਨਾਲ ਹੀਰੋ ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਦੇ ਸੈਮੀਫਾਈਨਲ 'ਚ ਪ੍ਰਵੇਸ਼ ਕਰ ਲਿਆ। ਇਸ ਤੋਂ ਇਲਾਵਾ ਰਾਜਕੁਮਾਰ (ਤੀਜਾ, 25ਵੇਂ ਅਤੇ 33ਵੇਂ ਮਿੰਟ) ਤੋਂ ਇਲਾਵਾ ਅਰਾਈਜੀਤ ਸਿੰਘ ਹੁੰਦਲ (ਛੇਵਾਂ ਅਤੇ 39ਵਾਂ ਮਿੰਟ), ਜੁਗਰਾਜ ਸਿੰਘ (ਸੱਤਵਾਂ ਮਿੰਟ), ਕਪਤਾਨ ਹਰਮਨਪ੍ਰੀਤ ਸਿੰਘ (22ਵੇਂ ਮਿੰਟ) ਅਤੇ ਉੱਤਮ ਸਿੰਘ (40ਵਾਂ ਮਿੰਟ) ਨੇ ਗੋਲ ਦਾਗੇ। ਮਲੇਸ਼ੀਆ ਲਈ ਇਕਮਾਤਰ ਗੋਲ ਅਖਿਮੁੱਲ੍ਹਾ ਅਨਵਰ (34ਵਾਂ ਮਿੰਟ) ਨੇ ਕੀਤਾ। ਭਾਰਤ ਤਿੰਨ ਮੈਚ ਜਿੱਤ ਕੇ ਨੌਂ ਅੰਕਾਂ ਨਾਲ ਸਿਖਰ 'ਤੇ ਹੈ।
ਛੇ ਟੀਮਾਂ ਦਾ ਇਹ ਟੂਰਨਾਮੈਂਟ ਰਾਊਂਡ ਰੌਬਿਨ ਦੇ ਆਧਾਰ 'ਤੇ ਖੇਡਿਆ ਜਾ ਰਿਹਾ ਹੈ ਜਿਸ ਵਿਚ ਚੋਟੀ ਦੀਆਂ ਚਾਰ ਟੀਮਾਂ 16 ਸਤੰਬਰ ਨੂੰ ਹੋਣ ਵਾਲੇ ਸੈਮੀਫਾਈਨਲ ਵਿਚ ਪ੍ਰਵੇਸ਼ ਕਰ ਰਹੀਆਂ ਹਨ। ਫਾਈਨਲ 17 ਸਤੰਬਰ ਨੂੰ ਖੇਡਿਆ ਜਾਵੇਗਾ। ਭਾਰਤ ਨੇ ਇਸ ਤੋਂ ਪਹਿਲਾਂ ਮੇਜ਼ਬਾਨ ਚੀਨ ਨੂੰ 3-0 ਅਤੇ ਜਾਪਾਨ ਨੂੰ 5-1 ਨਾਲ ਹਰਾਇਆ ਸੀ। ਪੈਰਿਸ ਓਲੰਪਿਕ ਦੀ ਕਾਂਸੀ ਤਮਗਾ ਜੇਤੂ ਭਾਰਤੀ ਟੀਮ ਵੀਰਵਾਰ ਨੂੰ ਕੋਰੀਆ ਅਤੇ ਸ਼ਨੀਵਾਰ ਨੂੰ ਪਾਕਿਸਤਾਨ ਦਾ ਸਾਹਮਣਾ ਕਰੇਗੀ। ਭਾਰਤ ਅਤੇ ਮਲੇਸ਼ੀਆ ਵਿਚਾਲੇ 2023 ਏਸ਼ੀਅਨ ਚੈਂਪੀਅਨਸ ਟਰਾਫੀ 'ਚ ਭਾਰਤੀ ਟੀਮ ਅੱਧੇ ਸਮੇਂ ਤੱਕ 1-3 ਨਾਲ ਪਛੜ ਰਹੀ ਸੀ, ਜਿਸ ਤੋਂ ਬਾਅਦ ਇਸ ਨੇ ਵਾਪਸੀ ਕੀਤੀ ਅਤੇ 4-3 ਨਾਲ ਜਿੱਤ ਦਰਜ ਕਰਕੇ ਖਿਤਾਬ ਆਪਣੇ ਨਾਂ ਕੀਤਾ। ਭਾਰਤੀ ਸਟਰਾਈਕਰਾਂ ਨੇ ਆਪਣੀ ਵਧੀਆ ਫਾਰਮ ਨੂੰ ਜਾਰੀ ਰੱਖਦੇ ਹੋਏ ਪੰਜ ਮੈਦਾਨੀ ਗੋਲ ਕੀਤੇ ਜਦਕਿ ਜੁਗਰਾਜ, ਹਰਮਨਪ੍ਰੀਤ ਅਤੇ ਉੱਤਮ ਨੇ ਪੈਨਲਟੀ ਕਾਰਨਰ ਨੂੰ ਗੋਲ ਵਿੱਚ ਬਦਲਿਆ।
ਭਾਰਤ ਨੇ ਹਮਲਾਵਰ ਸ਼ੁਰੂਆਤ ਕੀਤੀ ਅਤੇ ਪਹਿਲੀ ਤਿਮਾਹੀ ਵਿੱਚ ਹੀ ਲਗਾਤਾਰ ਹਮਲੇ ਕੀਤੇ। ਰਾਜਕੁਮਾਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਤੀਜੇ ਹੀ ਮਿੰਟ 'ਚ ਇਕੱਲੇ ਗੇਂਦ ਨੂੰ ਗੋਲ 'ਚ ਪਾ ਦਿੱਤਾ। ਤਿੰਨ ਮਿੰਟ ਬਾਅਦ ਅਰਿਜੀਤ ਨੇ ਭਾਰਤ ਦੀ ਬੜ੍ਹਤ ਨੂੰ ਦੁੱਗਣਾ ਕਰ ਦਿੱਤਾ। ਇੱਕ ਮਿੰਟ ਬਾਅਦ ਜੁਗਰਾਜ ਨੇ ਪੈਨਲਟੀ ਕਾਰਨਰ ਨੂੰ ਗੋਲ ਵਿੱਚ ਬਦਲ ਕੇ ਭਾਰਤ ਨੂੰ ਪਹਿਲੇ ਕੁਆਰਟਰ ਵਿੱਚ 3-0 ਦੀ ਬੜ੍ਹਤ ਦਿਵਾਈ।
ਦੂਜੇ ਕੁਆਰਟਰ 'ਚ ਮਲੇਸ਼ੀਆ ਨੇ ਹਮਲਾਵਰ ਸ਼ੁਰੂਆਤ ਕੀਤੀ ਅਤੇ ਪੈਨਲਟੀ ਕਾਰਨਰ ਵੀ ਬਣਾਇਆ ਪਰ ਗੋਲ ਨਹੀਂ ਹੋ ਸਕਿਆ। ਭਾਰਤ ਨੂੰ 22ਵੇਂ ਮਿੰਟ ਵਿੱਚ ਦੋ ਪੈਨਲਟੀ ਕਾਰਨਰ ਮਿਲੇ, ਜਿਨ੍ਹਾਂ ਵਿੱਚੋਂ ਇੱਕ ਗੋਲ ਹਰਮਨਪ੍ਰੀਤ ਨੇ ਕੀਤਾ। ਕੁਝ ਮਿੰਟਾਂ ਬਾਅਦ, ਰਾਜਕੁਮਾਰ ਨੇ ਅਰਿਜੀਤ ਅਤੇ ਉੱਤਮ ਦੀ ਸ਼ਾਨਦਾਰ ਮੂਵ ਦੀ ਬਦੌਲਤ ਆਪਣਾ ਦੂਜਾ ਗੋਲ ਕੀਤਾ। ਦੂਜੇ ਹਾਫ ਦੇ ਤੀਜੇ ਮਿੰਟ 'ਚ ਰਾਜਕੁਮਾਰ ਨੇ ਸੀਨੀਅਰ ਪੱਧਰ 'ਤੇ ਆਪਣੀ ਪਹਿਲੀ ਹੈਟ੍ਰਿਕ ਪੂਰੀ ਕੀਤੀ ਅਤੇ ਵਿਵੇਕ ਸਾਗਰ ਪ੍ਰਸਾਦ ਦੇ ਪਾਸ 'ਤੇ ਤੀਜਾ ਗੋਲ ਕੀਤਾ। ਇਸ ਦੌਰਾਨ ਮਲੇਸ਼ੀਆ ਲਈ ਅਨਵਰ ਨੇ ਗੋਲ ਕੀਤਾ। ਭਾਰਤ ਲਈ ਅਰਿਜੀਤ ਨੇ ਨੀਲਕੰਤਾ ਦੇ ਪਾਸ 'ਤੇ ਗੋਲ ਕੀਤਾ ਜਦਕਿ ਉੱਤਮ ਨੇ ਪੈਨਲਟੀ ਕਾਰਨਰ 'ਤੇ ਰਿਬਾਉਂਡ ਰਾਹੀਂ ਗੋਲ ਕੀਤਾ। ਇਸ ਤੋਂ ਪਹਿਲਾਂ ਇੱਕ ਹੋਰ ਮੈਚ ਵਿੱਚ ਪਾਕਿਸਤਾਨ ਨੇ ਜਾਪਾਨ ਨੂੰ 2-1 ਨਾਲ ਹਰਾਇਆ ਸੀ।
ਲਾਬੂਸ਼ੇਨ ਨੂੰ ਅੰਪਾਇਰ ਦੇ ਫੈਸਲੇ 'ਤੇ ਅਸਹਿਮਤੀ ਜਤਾਉਣੀ ਪਈ ਭਾਰੀ
NEXT STORY 
