ਨਵੀਂ ਦਿੱਲੀ (ਨਿਕਲੇਸ਼ ਜੈਨ) — ਤੀਜੀ ਸ਼ਾਰਜਾਹ ਮਾਸਟਰਸ ਇੰਟਰਨੈਸ਼ਨਲ ਸ਼ਤਰੰਜ ਚੈਂਪੀਅਨਸ਼ਿਪ ਦੇ ਪਹਿਲੇ 2 ਰਾਊਂਡਾਂ ਵਿਚ ਹੀ ਕਈ ਵੱਡੇ ਧਾਕੜਾਂ ਨੂੰ ਲਗਾਤਾਰ 2 ਜਿੱਤਾਂ ਨਸੀਬ ਨਹੀਂ ਹੋਈਆਂ। ਪਹਿਲੇ ਦੋਵੇਂ ਸੀਡ ਚੀਨ ਦੇ ਹਾਓ ਵਾਂਗ ਤੇ ਰੂਸ ਦੇ ਵਲਾਦੀਮਿਰ ਫੇਡੋਸੀਵ ਨੂੰ ਦੂਜੇ ਰਾਊਂਡ ਦੇ ਮੁਕਾਬਲੇ ਡਰਾਅ ਖੇਡਣੇ ਪਏ। ਹਾਓ ਵਾਂਗ ਦੇ ਪਿਰਕ ਡਿਫੈਂਸ ਦਾ ਈਰਾਨ ਦੇ ਨੌਜਵਾਨ ਇੰਟਰਨੈਸ਼ਨਲ ਮਾਸਟਰ ਅਹਿਮਦ ਅਸਗਰੀਜਾਦੇਹ ਨੇ ਮਜ਼ਬੂਤ ਜਵਾਬ ਦਿੱਤਾ ਤੇ ਮੈਚ ਵਿਚ ਵਾਂਗ ਹਾਓ ਕਦੇ ਵੀ ਬੜ੍ਹਤ ਬਣਾਉਣ ਦੀ ਸਥਿਤੀ ਵਿਚ ਨਹੀਂ ਸੀ ਤੇ ਮਜਬੂਰਨ ਖੇਡ ਦੀ 31ਵੀਂ ਚਾਲ ਵਿਚ ਉਸ ਨੂੰ ਡਰਾਅ ਖੇਡਣ 'ਤੇ ਮਜਬੂਰ ਹੋਣਾ ਪਿਆ ਜਦਕਿ ਦੂਜੇ ਬੋਰਡ 'ਤੇ ਭਾਰਤ ਦੇ 13 ਸਾਲਾ ਲਿਆਨ ਨੇ ਰੂਸ ਦੇ ਧਾਕੜ ਖਿਡਾਰੀ ਵਲਾਦੀਮਰ ਫੇਡੋਸੀਵ ਨੂੰ ਅੰਕ ਵੰਡਣ ਲਈ ਮਜਬੂਰ ਕਰ ਦਿੱਤਾ।
ਕਵੀਨਸ ਇੰਡੀਅਨ ਓਪਨਿੰਗ ਵਿਚ ਸਫੈਦ ਮੋਹਰਿਆਂ ਨਾਲ ਖੇਡ ਰਹੇ ਫੇਡੋਸੀਵ ਲਈ ਆਪਣੇ ਪਿਆਦਿਆਂ ਦੀ ਸਰੰਚਨਾ ਨੂੰ ਖਰਾਬ ਕਰਦੇ ਹੋਏ ਮੋਹਰਿਆਂ ਦੀ ਸਰਗਰਮੀ ਨਾਲ ਫਾਇਦਾ ਲੈਣ ਦੀ ਕੋਸ਼ਿਸ਼ ਕੰਮ ਨਹੀਂ ਆਈ ਤੇ ਲਿਆਨ ਨੇ ਪਰਪੱਕ ਖਿਡਾਰੀ ਦੀ ਤਰ੍ਹਾਂ ਖੇਡਦੇ ਹੋਏ ਫੇਡੋਸੀਵ ਨੂੰ ਡਰਾਅ ਖੇਡਣ 'ਤੇ ਮਜਬੂਰ ਕੀਤਾ। ਇਸਦੇ ਇਲਾਵਾ ਭਾਰਤ ਦੇ ਚੋਟੀ ਖਿਡਾਰੀ ਸੂਰਯ ਸ਼ੇਖਰ ਗਾਂਗੁਲੀ ਤੇ ਅਭਿਜੀਤ ਗੁਪਤਾ ਆਪਣੇ ਪਹਿਲੇ ਦੋਵੇਂ ਮੈਚ ਜਿੱਤ ਕੇ ਸਾਂਝੇ ਤੌਰ 'ਤੇ ਬੜ੍ਹਤ 'ਤੇ ਹਨ।
ਸ਼੍ਰੀਲੰਕਾ ਨੂੰ 45 ਦੌੜਾਂ ਨਾਲ ਹਰਾ ਦੱ. ਅਫਰੀਕਾ ਨੇ ਟੀ-20 ਸੀਰੀਜ਼ 'ਚ ਕੀਤਾ ਕਲੀਨ ਸਵੀਪ
NEXT STORY