ਨਵੀਂ ਦਿੱਲੀ— ਦਿੱਲੀ ਕੈਪੀਟਲਸ ਦੇ ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਨੂੰ ਇਹ ਮੰਨਣ 'ਚ ਕੋਈ ਝਿਜਕ ਨਹੀਂ ਹੈ ਕਿ ਟੀਮ ਕੋਲ ਚੱਲ ਰਹੇ ਆਈ.ਪੀ.ਐੱਲ. 'ਚ ਪਲੇਆਫ ਦੀ ਦੌੜ 'ਚ ਬਣੇ ਰਹਿਣ ਲਈ ਬਾਕੀ ਸਾਰੇ ਮੈਚ ਜਿੱਤਣ ਤੋਂ ਇਲਾਵਾ ਕੋਈ ਵਿਕਲਪ ਨਹੀਂ ਬਚਿਆ ਹੈ। ਆਪਣੇ ਅੱਠ ਮੈਚਾਂ ਵਿੱਚੋਂ ਪੰਜ ਹਾਰਨ ਤੋਂ ਬਾਅਦ ਦਿੱਲੀ ਦੀ ਨਜ਼ਰ ਬੁੱਧਵਾਰ ਨੂੰ ਇੱਥੇ ਗੁਜਰਾਤ ਟਾਈਟਨਜ਼ ਖ਼ਿਲਾਫ਼ ਜਿੱਤ 'ਤੇ ਹੋਵੇਗੀ।
ਵਾਰਨਰ ਨੇ ਕਿਹਾ, 'ਅਸੀਂ ਉੱਥੇ ਨਹੀਂ ਹਾਂ ਜਿੱਥੇ ਸਾਨੂੰ ਟੀਮ ਦੀ ਖ਼ਾਤਰ ਹੋਣਾ ਚਾਹੀਦਾ ਹੈ। ਅਸੀਂ ਕੁਝ ਹੋਰ ਮੈਚ ਜਿੱਤਣਾ ਚਾਹੁੰਦੇ ਹਾਂ। ਪਰ ਫਾਈਨਲ 'ਚ ਚੁਣੌਤੀ ਪੇਸ਼ ਕਰਨ ਲਈ ਬੇਸ਼ੱਕ ਸਾਨੂੰ ਬਾਕੀ ਬਚੇ ਮੈਚ ਜਿੱਤਣੇ ਹੋਣਗੇ। ਉਨ੍ਹਾਂ ਨੇ ਕਿਹਾ, 'ਇਸ ਲਈ ਸਾਡੇ ਲਈ ਇਹ ਆਪਣਾ ਸਰਵੋਤਮ ਪ੍ਰਦਰਸ਼ਨ ਦੇਣ ਬਾਰੇ ਹੈ। ਉਮੀਦ ਹੈ ਕਿ ਅਸੀਂ ਹਰ ਮੈਚ ਉਸੇ ਤਰ੍ਹਾਂ ਖੇਡ ਸਕਾਂਗੇ ਜਿਸ ਤਰ੍ਹਾਂ ਅਸੀਂ ਗੁਜਰਾਤ ਖਿਲਾਫ ਖੇਡਿਆ ਸੀ।
ਆਸਟ੍ਰੇਲੀਆ ਦੇ ਇਸ ਤਜਰਬੇਕਾਰ ਬੱਲੇਬਾਜ਼ ਨੇ ਕਿਹਾ, 'ਸਾਨੂੰ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਥੋੜ੍ਹਾ ਸੁਧਾਰ ਕਰਨਾ ਹੋਵੇਗਾ। ਜੇਕਰ ਅਸੀਂ ਕੁੱਲ ਸਕੋਰ ਘੱਟ ਰੱਖਣ 'ਚ ਸਫਲ ਹੁੰਦੇ ਹਾਂ ਤਾਂ ਇਹ ਬਹੁਤ ਵਧੀਆ ਹੋਵੇਗਾ। ਅਤੇ ਫਿਰ ਜੇਕਰ ਅਸੀਂ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹਾਂ ਤਾਂ ਵੱਡਾ ਸਕੋਰ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ ਅਤੇ ਇਸ ਦਾ ਬਚਾਅ ਕਰਦੇ ਹਾਂ। ਵਾਰਨਰ ਨੇ ਕਿਹਾ ਕਿ ਦਿੱਲੀ ਕੋਲ ਖਤਰਨਾਕ ਗੇਂਦਬਾਜ਼ੀ ਹਮਲਾ ਹੈ ਜਿਸ ਨੇ ਪਹਿਲੇ ਗੇੜ ਦੇ ਮੈਚ 'ਚ ਗੁਜਰਾਤ ਟਾਈਟਨਸ ਨੂੰ 89 ਦੌੜਾਂ 'ਤੇ ਆਊਟ ਕਰ ਦਿੱਤਾ ਸੀ।
ਉਨ੍ਹਾਂ ਕਿਹਾ, ‘ਲੋਕ ਜਿਸ ਤਰ੍ਹਾਂ ਸਿਖਲਾਈ ਅਤੇ ਤਿਆਰੀ ਕਰ ਰਹੇ ਹਨ, ਉਸ ਵਿੱਚ ਕੋਈ ਗਲਤੀ ਨਹੀਂ ਹੈ। ਕਈ ਵਾਰ ਮੈਚਾਂ ਵਿੱਚ ਅਜਿਹਾ ਹੁੰਦਾ ਹੈ ਕਿ ਤੁਸੀਂ ਚੀਜ਼ਾਂ ਨੂੰ ਲਾਗੂ ਨਹੀਂ ਕਰ ਪਾਉਂਦੇ ਅਤੇ ਅਸੀਂ ਜਾਣਦੇ ਹਾਂ ਕਿ ਜਦੋਂ ਅਸੀਂ ਜਲਦੀ ਵਿਕਟਾਂ ਲੈਂਦੇ ਹਾਂ ਤਾਂ ਸਾਡਾ ਗੇਂਦਬਾਜ਼ੀ ਹਮਲਾ ਬਹੁਤ ਖਤਰਨਾਕ ਹੋ ਜਾਂਦਾ ਹੈ। ਵਾਰਨਰ ਤੋਂ ਜਦੋਂ ਮੌਜੂਦਾ ਸੀਜ਼ਨ ਵਿੱਚ ਪ੍ਰਭਾਵਿਤ ਕਰਨ ਵਾਲੇ ਦੋ ਨੌਜਵਾਨ ਖਿਡਾਰੀਆਂ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਕਿਹਾ, 'ਜੈਕ (ਜੈਕ ਫਰੇਜ਼ਰ-ਮੈਕਗੁਰਕ) ਬਹੁਤ ਵਧੀਆ ਪ੍ਰਦਰਸ਼ਨ ਕਰ ਰਿਹਾ ਹੈ। ਅਸੀਂ ਜਾਣਦੇ ਹਾਂ ਕਿ ਉਨ੍ਹਾਂ ਕੋਲ ਹਮੇਸ਼ਾ ਪ੍ਰਤਿਭਾ ਸੀ। ਅਭਿਸ਼ੇਕ ਪੋਰੇਲ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੇ ਹਨ।
ਓਲੰਪਿਕ ਭਾਰ ਵਰਗ ਵਿੱਚ ਵਿਸ਼ਵ ਚੈਂਪੀਅਨ ਬਣਨਾ ਬਹੁਤ ਸ਼ਾਨਦਾਰ ਸੀ : ਲਵਲੀਨਾ
NEXT STORY 
