ਲਿਓਨ (ਸਪੇਨ) : ਭਾਰਤੀ ਵੇਟਲਿਫਟਰ ਲੋਗਾਨਾਥਨ ਧਨੁਸ਼ ਨੇ ਸ਼ੁੱਕਰਵਾਰ ਨੂੰ ਇੱਥੇ ਆਈਡਬਲਿਊਐੱਫ ਜੂਨੀਅਰ ਵਿਸ਼ਵ ਵੇਟਲਿਫਟਿੰਗ ਚੈਂਪੀਅਨਸ਼ਿਪ 'ਚ 55 ਕਿਲੋਗ੍ਰਾਮ ਭਾਰ ਵਰਗ 'ਚ ਕਾਂਸੀ ਦਾ ਤਗਮਾ ਜਿੱਤਿਆ। ਜੂਨੀਅਰ ਵੇਟਲਿਫਟਿੰਗ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਕਿਸੇ ਭਾਰਤੀ ਪੁਰਸ਼ ਅਥਲੀਟ ਦਾ ਇਹ ਪਹਿਲਾ ਤਮਗਾ ਹੈ। 17 ਸਾਲਾ ਲਿਫਟਰ ਨੇ ਕੁੱਲ 231 ਕਿਲੋ ਭਾਰ ਚੁੱਕਿਆ ਅਤੇ ਸਨੈਚ ਮੁਕਾਬਲੇ ਵਿਚ 107 ਕਿਲੋਗ੍ਰਾਮ ਭਾਰ ਚੁੱਕ ਕੇ ਕਾਂਸੀ ਦਾ ਤਗਮਾ ਜਿੱਤਿਆ।
ਧਨੁਸ਼ ਨੇ ਗਰੁੱਪ ਬੀ ਵਿਚ ਹਿੱਸਾ ਲਿਆ। ਜ਼ਿਆਦਾ ਭਾਰ ਚੁੱਕਣ ਵਾਲੇ ਲਿਫਟਰਾਂ ਨੂੰ ਗਰੁੱਪ-ਏ ਵਿਚ ਰੱਖਿਆ ਜਾਂਦਾ ਹੈ। ਇਸ ਤੋਂ ਬਾਅਦ ਗਰੁੱਪ ਬੀ ਅਤੇ ਹੋਰ ਗਰੁੱਪ ਹਨ। ਉਹ ਕਲੀਨ ਐਂਡ ਜਰਕ ਵਰਗ ਵਿਚ 124 ਕਿਲੋ ਭਾਰ ਚੁੱਕ ਕੇ 13ਵੇਂ ਸਥਾਨ ’ਤੇ ਰਿਹਾ। ਧਨੁਸ਼ ਗਰੁੱਪ ਏ ਸੈਸ਼ਨ ਦੇ ਅੰਤ ਤੱਕ ਬੈਠੇ ਰਹੇ। ਉਸਨੇ ਆਈਡਬਲਯੂਐੱਫ ਨੂੰ ਦੱਸਿਆ, 'ਜਿਵੇਂ-ਜਿਵੇਂ ਮੁਕਾਬਲਾ ਵਧਦਾ ਗਿਆ, ਮੈਂ ਹੋਰ ਜ਼ਿਆਦਾ ਘਬਰਾ ਗਿਆ, ਪਰ ਮੈਂ ਮੈਡਲ ਜਿੱਤਣ ਬਾਰੇ ਕਦੇ ਨਹੀਂ ਸੋਚਿਆ।
ਵੀਅਤਨਾਮ ਦੇ ਕੇ. ਡੁਆਂਗ ਨੇ 253 ਕਿਲੋਗ੍ਰਾਮ ਦੇ ਨਾਲ ਸੋਨ ਤਗਮਾ ਜਿੱਤਿਆ, ਜਦਕਿ ਜਾਪਾਨ ਦੀ ਤੋਮਾਰੀ ਕੋਟਾਰੋ ਨੇ 247 ਕਿਲੋਗ੍ਰਾਮ ਨਾਲ ਚਾਂਦੀ ਦਾ ਤਗਮਾ ਜਿੱਤਿਆ। ਮਹਿਲਾ ਮੁਕਾਬਲੇ ਵਿਚ ਪਾਇਲ ਨੇ 45 ਕਿਲੋ ਭਾਰ ਵਰਗ ਵਿਚ ਕੁੱਲ 150 ਕਿਲੋ ਭਾਰ ਚੁੱਕ ਕੇ ਛੇਵੇਂ ਸਥਾਨ ’ਤੇ ਰਹੀ। ਇਸ ਟੂਰਨਾਮੈਂਟ ਵਿਚ ਨੌਂ ਭਾਰਤੀ ਵੇਟਲਿਫਟਰ ਹਿੱਸਾ ਲੈ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
IND vs BAN, 1st Test, Day 2 Stumps : ਭਾਰਤ ਨੇ ਬਣਾਈ 308 ਦੌੜਾਂ ਦੀ ਬੜ੍ਹਤ, ਸਕੋਰ 81/3
NEXT STORY 
