ਪੈਰਿਸ : ਦੋ ਵਾਰ ਦੀ ਓਲੰਪਿਕ ਤਗਮਾ ਜੇਤੂ ਅਤੇ ਭਾਰਤੀ ਸਟਾਰ ਬੈਡਮਿੰਟਨ ਖਿਡਾਰਨ ਪੀ.ਵੀ. ਸਿੰਧੂ ਨੇ ਫ੍ਰੈਂਚ ਓਪਨ ਸੁਪਰ 750 ਟੂਰਨਾਮੈਂਟ ਦੇ ਫਾਈਨਲ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਸ਼ਨੀਵਾਰ ਨੂੰ ਖੇਡੇ ਗਏ ਮਹਿਲਾ ਏਕਲ ਦੇ ਸੈਮੀਫ਼ਾਈਨਲ ਮੁਕਾਬਲੇ ਵਿੱਚ ਸਿੰਧੂ ਨੇ ਜਾਪਾਨ ਦੀ 21 ਸਾਲਾ ਖਿਡਾਰਨ ਹੀਨਾ ਅਕੇਚੀ ਨੂੰ 1 ਘੰਟਾ 13 ਮਿੰਟ ਚੱਲੇ ਰੋਮਾਂਚਕ ਮੈਚ ਵਿੱਚ 21-10, 20-22, 21-16 ਨਾਲ ਹਰਾਇਆ।
ਮੈਚ ਦੀ ਸ਼ੁਰੂਆਤ ਵਿੱਚ ਸਿੰਧੂ ਨੇ ਦਬਦਬਾ ਬਣਾਉਂਦਿਆਂ ਪਹਿਲਾ ਗੇਮ ਮਹਿਜ਼ 18 ਮਿੰਟਾਂ ਵਿੱਚ 21-10 ਨਾਲ ਆਪਣੇ ਨਾਂ ਕੀਤਾ। ਦੂਜੇ ਗੇਮ ਵਿੱਚ ਜਾਪਾਨੀ ਖਿਡਾਰਨ ਨੇ ਜ਼ਬਰਦਸਤ ਵਾਪਸੀ ਕਰਦਿਆਂ 22-20 ਨਾਲ ਜਿੱਤ ਦਰਜ ਕੀਤੀ। ਨਿਰਣਾਇਕ ਗੇਮ ਵਿੱਚ 31 ਸਾਲਾ ਸਿੰਧੂ ਨੇ ਆਪਣੇ ਤਜਰਬੇ ਦਾ ਫ਼ਾਇਦਾ ਉਠਾਉਂਦਿਆਂ 21-16 ਨਾਲ ਮੁਕਾਬਲਾ ਜਿੱਤ ਲਿਆ।
ਇਸ ਸਾਲ ਜੁਲਾਈ ਵਿੱਚ ਜਾਪਾਨ ਓਪਨ ਦਾ ਖ਼ਿਤਾਬ ਜਿੱਤਣ ਵਾਲੀ ਸਿੰਧੂ ਦਾ ਇਹ ਇਸ ਸੀਜ਼ਨ ਦਾ ਦੂਜਾ ਸੁਪਰ 750 ਫਾਈਨਲ ਹੈ। ਹੁਣ ਖ਼ਿਤਾਬੀ ਮੁਕਾਬਲੇ ਵਿੱਚ ਸਿੰਧੂ ਦਾ ਸਾਹਮਣਾ ਦੱਖਣੀ ਕੋਰੀਆ ਦੀ ਵਿਸ਼ਵ ਦੀ ਨੰਬਰ ਇੱਕ ਖਿਡਾਰਨ ਆਨ ਸੇ ਯੰਗ ਨਾਲ ਹੋਵੇਗਾ।
ਅਭਿਨਵ ਬਿੰਦਰਾ ਨੇ ਆਈ.ਓ.ਏ. ਚੋਣਾਂ ਲੜਨ ਤੋਂ ਕੀਤਾ ਇਨਕਾਰ
NEXT STORY 
