ਸਪੋਰਟਸ ਡੈਸਕ— ਕੋਵਿਡ-19 ਮਹਾਂਮਾਰੀ ਦੇ ਕਾਰਨ ਸਾਰੀਆਂ ਖੇਲ ਗਤੀਵਿਧੀਆਂ ਇਸ ਸਮੇਂ ਠੱਪ ਪਈਆਂ ਹਨ। ਅਜਿਹੇ ’ਚ ਖਿਡਾਰੀ ਘਰ ’ਚ ਰਹਿਣ ਨੂੰ ਮਜ਼ਬੂਰ ਹਨ। ਲਾਕਡਾਊਨ ਦੇ ਦੌਰਾਨ ਭਾਰਤੀ ਸਾਬਕਾ ਖਿਡਾਰੀ ਯੁਵਰਾਜ ਸਿੰਘ ਨੇ ਇਕ 'ਸਟੇਅ ਐਟ ਹੋਮ ਚੈਲੇਂਜ' ਸ਼ੁਰੂ ਕੀਤਾ ਸੀ ਜੋ ਕਿ ਸਚਿਨ ਤੇਂਦੁਲਕਰ ਦੇ ਨਾਲ ਹਰਭਜਨ ਸਿੰਘ ਅਤੇ ਰੋਹਿਤ ਸ਼ਰਮਾ ਨੂੰ ਨਾਮੀਨੇਟ ਕੀਤਾ ਸੀ। ਸਚਿਨ ਤੇਂਦੁਲਕਰ ਨੇ ਜਿੱਥੇ ਅੱਖਾਂ ’ਤੇ ਪੱਟੀ ਬੰਨ੍ਹ ਕੇ ਕਰਾਸ ਬੱਲੇ ’ਤੇ ਗੇਂਦ ਨੂੰ ਉਛਾਲ ਕੇ ਚੈਲੇਂਜ ਪੂਰਾ ਕੀਤਾ ਤਾਂ ਉਥੇ ਦੂਜੇ ਪਾਸੇ ਭੱਜੀ ਨੇ ਵੀ ਆਪਣੀ ਵੀਡੀਓ ਇੰਸਟਾਗ੍ਰਾਮ ’ਤੇ ਸ਼ੇਅਰ ਕੀਤੀ ਹੈ। ਹਾਲਾਂਕਿ, ਯੁਵੀ ਨੂੰ ਉਨ੍ਹਾਂ ਦਾ ਚੈਲੇਂਜ ਪੂਰਾ ਕਰਨ ਦਾ ਤਰੀਕਾ ਪੰਸਦ ਨਹੀਂ ਆਇਆ।
ਹਰਭਜਨ ਸਿੰਘ ਨੇ ਯੁਵੀ ਦੇ ਇਸ ਚੈਲੇਂਜ ਨੂੰ ਬੜੇ ਹੀ ਮਜ਼ਾਕਿਆ ਅੰਦਾਜ਼ ’ਚ ਪੂਰਾ ਕੀਤਾ ਹੈ। ਭੱਜੀ ਨੇ ਬੱਚਿਆਂ ਵਾਲਾ ਬੈਟ ਲਿਆ ਅਤੇ ਉਸ ’ਤੇ ਗੇਂਦ ਉਛਾਲਦੇ ਹੋਏ ਟਾਸਕ ਪੂਰਾ ਕੀਤਾ ਪਰ ਇਕ ਗੱਲ ਯੁਵੀ ਨੂੰ ਪਸੰਦ ਨਹੀਂ ਹੈ। ਉਹ ਇਹ ਕਿ ਸਪਿਨਰ ਨੇ ਸਿੱਧੇ ਬੱਲੇ ’ਤੇ ਗੇਂਦ ਨੂੰ ਉਛਾਲਿਅ, ਜਦ ਕਿ ਚੈਲੇਂਜ ਤਾਂ ਕਰਾਸ ਬੱਲੇ ਦਾ ਸੀ। ਇਸ ਤੋਂ ਬਾਅਦ ਯੁਵੀ ਨੇ ਵੀਡੀਓ ’ਤੇ ਹੀ ਕੁਮੈਂਟ ਕੀਤਾ - ਜਦੋਂ ਤੁਸੀਂ ਆਪਣੇ ਬਚਪਨ ਦੇ ਦੋਸਤ ਨੂੰ ਚੰਗੀ ਤਰ੍ਹਾਂ ਨਾਲ ਜਾਣਦੇ ਹੋਵੋ। ਮੈਨੂੰ ਪਤਾ ਸੀ ਕਿ ਉਹ ਕਰਾਸ ਬੱਲੇ ਨਾਲ ਨਹੀਂ ਕਰਨਗੇ। ਇਸ ਵੀਡੀਓ ’ਚ ਹਰਭਜਨ ਸਿੰਘ ਨੇ ਇਸ ਚੈਲੇਂਜ ਨੂੰ ਅੱਗੇ ਵਧਾਉਂਦੇ ਹੋਏ ਬੀ. ਸੀ. ਸੀ. ਆਈ .ਪ੍ਰਧਾਨ ਸੌਰਵ ਗਾਂਗੁਲੀ ਸਣੇ ਅਨਿਲ ਕੁੰਬਲੇ ਅਤੇ ਸ਼ਿਖਰ ਧਵਨ ਨੂੰ ਨਾਮੀਨੇਟ ਕੀਤਾ ਹੈ।
ਹਰਭਜਨ ਤੋਂ ਬਾਅਦ ਹੁਣ ਰੋਹਿਤ ਸ਼ਰਮਾ ਨੇ ਵੀ ਇਹ ਚੈਲੇਂਜ ਪੂਰਾ ਕਰ ਲਿਆ ਹੈ। ਰੋਹਿਤ ਨੇ ਇਸ ਚੈਲੇਂਜ ਨੂੰ ਹੋਰ ਵੀ ਮੁਸ਼ਕਿਲ ਬਣਾਉਂਦੇ ਹੋਏ ਬੈਟ ਦੀ ਹੱਤੀ ਨਾਲ ਨਾਕਿੰਗ ਕੀਤੀ ਹੈ। ਇਸ ਚੈਲੇਂਜ ਲਈ ਉਨ੍ਹਾਂ ਨੂੰ ਨਾਮੀਨੇਟ ਕਰਨ ਲਈ ਰੋਹਿਤ ਨੇ ਯੁਵੀ ਨੂੰ ਧੰਨਵਾਦ ਬੋਲਿਆ ਹੈ ਅਤੇ ਨਾਲ ਹੀ ਰਿਸ਼ਭ ਪੰਤ, ਸ਼੍ਰੇਅਸ ਅਈਯਰ ਅਤੇ ਅਜਿੰਕਿਆ ਰਹਾਨੇ ਨੂੰ ਨਾਮੀਨੇਟ ਕੀਤਾ ਹੈ।
ਓਲੰਪਿਕ ਜਾਣ ਵਾਲੇ ਹਾਕੀ ਖਿਡਾਰੀਆਂ ਨੂੰ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ ਅਭਿਆਸ : ਸਰਦਾਰ ਸਿੰਘ
NEXT STORY 
