ਸਪੋਰਟਸ ਡੈਸਕ :ਇੰਡੀਅਨ ਪ੍ਰੀਮੀਅਰ ਲੀਗ (ਆਈ. ਪੀ. ਐੱਲ.) 2020 ਲਈ ਖਿਡਾਰੀਆਂ ਦੀ ਨਿਲਾਮੀ ਬੀਤੇ ਦਿਨ ਵੀਰਵਾਰ ਨੂੰ ਕੋਲਕਾਤਾ 'ਚ ਹੋਈ। ਨਿਲਾਮੀ 'ਚ 8 ਟੀਮਾਂ ਨੇ 73 ਸਲਾਟਸ ਲਈ 338 ਖਿਡਾਰੀਆਂ 'ਤੇ ਬੋਲੀ ਲਗਾਈ। ਉਥੇ ਇਸ ਨਿਲਾਮੀ 'ਚ ਕਈ ਨਵੇਂ ਅਤੇ ਪੁਰਾਣੇ ਖਿਡਾਰੀਆਂ ਦੇ ਭਵਿੱਖ ਦੇ ਪ੍ਰਦਰਸ਼ਨ 'ਤੇ ਬੋਲੀ ਲੱਗੀ। ਅਜਿਹੇ 'ਚ ਵਿੰਡੀਜ਼ ਦੇ ਸਟਾਰ ਖਿਡਾਰੀ ਸ਼ਿਮਰੌਨ ਹੈੱਟਮਾਇਰ ਨੂੰ ਉਸ ਦੇ ਬੇਸ ਪ੍ਰਾਈਜ਼ ਦੀ ਰਕਮ ਤੋਂ ਜ਼ਿਆਦਾ 7.75 ਕਰੋੜ 'ਚ ਦਿੱਲੀ ਕੈਪੀਟਲਸ ਨੇ ਖਰੀਦਿਆ, ਜਿਸ ਤੋਂ ਬਾਅਦ ਉਸ ਦੀ ਇਕ ਡਾਂਸਿੰਗ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
ਦਰਅਸਲ, ਆਈ. ਪੀ. ਐੱਲ. ਦੀ ਟੀਮ ਦਿੱਲੀ ਕੈਪੀਟਲਸ ਨੇ ਨਿਲਾਮੀ 'ਚ ਹੈੱਟਮਾਇਰ 'ਤੇ 7.75 ਕਰੋੜ 'ਚ ਖਰੀਦਿਆ। ਨਿਲਾਮੀ 'ਚ ਇੰਨੀ ਵੱਡੀ ਬੋਲੀ ਲੱਗਣ ਤੋਂ ਬਾਅਦ ਦਿੱਲੀ ਦੀ ਟੀਮ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਹੈੱਮਾਇਰ ਦੀ ਇਕ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ, ਤੁਹਾਡਾ ਦਿੱਲੀ ਦੀ ਟੀਮ 'ਚ ਸਵਾਗਤ ਹੈ... ਕੀ ਤੁਸੀਂ ਆਪਣੇ ਫੈਨਜ਼ ਨੂੰ ਇਹ ਮੈਸੇਜ ਸ਼ੇਅਰ ਕਰ ਸਕਦੇ ਹੋ। ਦੱਸ ਦੇਈਏ ਦਿੱਲੀ ਦੀ ਟੀਮ ਨੇ ਹੈੱਟਮਾਇਰ ਦਾ ਨੱਚਦੇ ਹੋਏ ਵੀਡੀਓ ਸ਼ੇਅਰ ਕੀਤੀ। ਜਿੱਥੇ ਹੈੱਟਮਾਇਰ ਆਪਣੇ ਕਮਰੇ 'ਚ ਬੈੱਡ ਦੇ 'ਤੇ ਨਿੱਕਰ 'ਚ ਡਾਂਸ ਕਰ ਰਹੇ ਹਨ। ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਟ੍ਰੈਡਿੰਗ ਕਰ ਰਹੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਆਈ. ਪੀ. ਐੱਲ. 2020 ਦੀ ਨਿਲਾਮੀ ਪੂਰੀ ਹੋ ਚੁੱਕੀ ਹੈ ਅਤੇ ਇਸ ਦੇ ਨਾਲ ਹੀ ਸਾਰੀਆਂ ਟੀਮਾਂ ਤਿਆਰ ਹੋ ਚੁੱਕੀਆਂ ਹਨ। ਹੁਣ ਤਾਂ ਫੈਨਜ਼ ਅਤੇ ਖਿਡਾਰੀਆਂ ਨੂੰ ਸਿਰਫ ਇੰਤਜ਼ਾਰ ਹੈ ਆਈ. ਪੀ. ਐੱਲ. ਦੇ ਅਗਲੇ ਸੀਜ਼ਨ ਦੇ ਆਗਾਜ਼ ਦਾ ਪਰ ਇਸ ਤੋਂ ਪਹਿਲਾਂ ਨਿਲਾਮੀ ਦੇ ਪੂਰੇ ਹੋਣ ਤੋਂ ਬਾਅਦ ਤੁਹਾਨੂੰ ਦਿਖਾਉਂਦੇ ਹਾਂ ਦਿੱਲੀ ਕੈਪੀਟਲਸ ਦੀ ਪੂਰੀ ਟੀਮ।.. ... .
ਦਿੱਲੀ ਕੈਪੀਟਲਸ ਦੀ ਟੀਮ ਇਸ ਤਰ੍ਹਾਂ ਹੈ.....
ਸ਼ਿਖਰ ਧਵਨ, ਸ਼੍ਰੇਅਸ ਅਈਯਰ, ਪ੍ਰਿਥਵੀ ਸ਼ਾਹ, ਰਿਸ਼ਭ ਪੰਤ, ਅਜਿੰਕਿਆ ਰਹਾਣੇ, ਆਰ ਅਸ਼ਵਿਨ, ਇਸ਼ਾਂਤ ਸ਼ਰਮਾ, ਅਮਿਤ ਮਿਸ਼ਰਾ, ਅਕਸ਼ਰ ਪਟੇਲ, ਹਰਸ਼ਲ ਪਟੇਲ, ਆਵੇਸ਼ ਖਾਨ, ਕਗਿਸੋ ਰਬਾਡਾ, ਕੀਮੋ ਪੌਲ, ਸੰਦੀਪ ਲਾਮਿਛਨੇ, ਜੇਸਨ ਰਾਏ, ਐਲੇਕਸ ਕੈਰੀ, ਕ੍ਰਿਸ ਵੋਕਸ, ਸ਼ਿਮਰੋਨ ਹੈੱਟਮਾਇਰ, ਮੋਹਿਤ ਸ਼ਰਮਾ, ਤੁਸ਼ਾਰ ਦੇਸ਼ਪਾਂਡੇ, ਮਾਰਕਸ ਸਟੋਇੰਸ, ਲਲਿਤ ਯਾਦਵ।
Year Ender 2019 : WWE ਦੇ ਉਹ ਬੇਹੱਦ ਖਾਸ ਈਵੈਂਟ ਜੋ ਪ੍ਰਸ਼ੰਸਕਾਂ ਨੂੰ ਕਰ ਗਏ ਨਿਰਾਸ਼
NEXT STORY 
