ਅਹਿਮਦਾਬਾਦ (ਭਾਸ਼ਾ)- ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ ਵੱਲੋਂ ਭਾਰਤ ਵਿੱਚ ਹੋਣ ਵਾਲੇ ਇੱਕ ਰੋਜ਼ਾ ਵਿਸ਼ਵ ਕੱਪ ਦਾ ਸ਼ੈਡਿਊਲ ਜਾਰੀ ਕਰ ਦਿੱਤਾ ਗਿਆ ਹੈ। ਉਥੇ ਹੀ 15 ਅਕਤੂਬਰ ਨੂੰ ਅਹਿਮਦਾਬਾਦ ਵਿਚ ਭਾਰਤ-ਪਾਕਿਸਤਾਨ ਵਿਚਾਲੇ ਹੋਣ ਵਾਲੇ ਮੈਚ ਵਾਲੇ ਦਿਨ ਇੱਥੇ ਹੋਟਲਾਂ ਦੇ ਕਿਰਾਏ ਪਹਿਲਾਂ ਹੀ ਅਸਮਾਨ ਛੂਹਣ ਲੱਗੇ ਹਨ ਅਤੇ ਕੁੱਝ ਹੋਟਲਾਂ ਨੇ ਤਾਂ 10 ਗੁਣਾ ਵਾਧਾ ਕਰ ਦਿੱਤਾ। ਵੱਖ-ਵੱਖ ਹੋਟਲ ਬੁਕਿੰਗ ਵੈੱਬਸਾਈਟਾਂ 'ਤੇ ਜੋ ਕੀਮਤਾਂ ਦਿਖਾਈਆਂ ਜਾ ਰਹੀਆਂ ਹਨ, ਉਸ ਤੋਂ ਪਤਾ ਲੱਗਦਾ ਹੈ ਕਿ 15 ਅਕਤੂਬਰ ਨੂੰ ਨਰਿੰਦਰ ਮੋਦੀ ਸਟੇਡੀਅਮ 'ਚ ਭਾਰਤ-ਪਾਕਿਸਤਾਨ ਮੈਚ ਲਈ ਬੇਮਿਸਾਲ ਮੰਗ ਰਹਿਣ ਵਾਲੀ ਹੈ।
ਇਹ ਵੀ ਪੜ੍ਹੋ: ਵਿਸ਼ਵ ਕੱਪ: 34 ਦਿਨਾਂ ਦੇ ਅੰਦਰ 9 ਸ਼ਹਿਰਾਂ 'ਚ 9 ਲੀਗ ਮੈਚ ਖੇਡਣ ਲਈ 8400 KM ਦਾ ਸਫ਼ਰ ਤੈਅ ਕਰੇਗੀ ਟੀਮ ਇੰਡੀਆ
ਹੋਟਲਾਂ ਦੇ ਕਮਰਿਆਂ ਦੇ ਰੇਟ ਤਕਰੀਬਨ 10 ਗੁਣਾ ਵੱਧ ਗਏ ਹਨ ਅਤੇ ਕੁਝ ਹੋਟਲ ਉਸ ਦਿਨ ਲਈ ਇੱਕ ਲੱਖ ਰੁਪਏ ਮੰਗ ਰਹੇ ਹਨ। ਕਈ ਹੋਟਲਾਂ ਦੇ ਕਮਰੇ ਪਹਿਲਾਂ ਹੀ ਬੁੱਕ ਕੀਤੇ ਹੋਏ ਹਨ। ਆਮ ਤੌਰ 'ਤੇ ਲਗਜ਼ਰੀ ਹੋਟਲ ਦਾ ਇਕ ਦਿਨ ਦਾ ਕਿਰਾਇਆ 5 ਤੋਂ 8 ਹਜ਼ਾਰ ਹੁੰਦਾ ਹੈ, ਜੋ 15 ਅਕਤੂਬਰ ਲਈ ਵਧ ਕੇ 40 ਹਜ਼ਾਰ ਤੋਂ 1 ਲੱਖ ਰੁਪਏ ਤੱਕ ਹੋ ਗਿਆ ਹੈ। 'booking.com' ਮੁਤਾਬਕ 2 ਜੁਲਾਈ ਨੂੰ ਆਈ.ਟੀ.ਸੀ. ਵੈਲਕਮ ਹੋਟਲ ਦਾ ਕਿਰਾਇਆ 5699 ਰੁਪਏ ਪ੍ਰਤੀ ਦਿਨ ਹੈ ਪਰ 15 ਅਕਤੂਬਰ ਨੂੰ ਇਹ 71999 ਰੁਪਏ ਹੈ।
ਇਹ ਵੀ ਪੜ੍ਹੋ: ਕ੍ਰਿਕਟ ਵਿਸ਼ਵ ਕੱਪ 2023: ਮੇਜ਼ਬਾਨ ਸ਼ਹਿਰਾਂ ਦੀ ਸੂਚੀ 'ਚੋਂ ਮੋਹਾਲੀ ਨੂੰ ਬਾਹਰ ਰੱਖਣ 'ਤੇ ਮੀਤ ਹੇਅਰ ਦੀ ਤਿੱਖੀ ਪ੍ਰਤੀ
ਰੇਨੇਸੈਂਸ ਅਹਿਮਦਾਬਾਦ ਹੋਟਲ ਦਾ ਮੌਜੂਦਾ ਕਿਰਾਇਆ 8000 ਰੁਪਏ ਪ੍ਰਤੀ ਦਿਨ ਹੈ, ਜੋ ਕਿ 15 ਅਕਤੂਬਰ ਨੂੰ 90679 ਰੁਪਏ ਦਿਖਾਈ ਦੇ ਰਿਹਾ ਹੈ। ਇਸੇ ਤਰ੍ਹਾਂ ਐੱਸ.ਜੀ. ਹਾਈਵੇਅ ’ਤੇ ਸਥਿਤ ਪ੍ਰਾਈਡ ਪਲਾਜ਼ਾ ਹੋਟਲ ਦਾ ਉਸ ਦਿਨ ਦਾ ਕਿਰਾਇਆ 36,180 ਰੁਪਏ ਹੈ। ਸਾਬਰਮਤੀ ਰਿਵਰਫਰੰਟ 'ਤੇ ਕਾਮਾ ਹੋਟਲ ਦਾ ਕਿਰਾਇਆ ਆਉਣ ਵਾਲੇ ਐਤਵਾਰ ਲਈ 3000 ਰੁਪਏ ਹੈ ਪਰ 15 ਅਕਤੂਬਰ ਨੂੰ ਇਹ 27233 ਰੁਪਏ ਹੋਵੇਗਾ। ਆਈ.ਟੀ.ਸੀ. ਨਰਮਦਾ, ਕੋਰਟਯਾਰਡ ਬਾਏ ਮੈਰੀਅਟ, ਹਯਾਤ ਅਤੇ ਤਾਜ ਸਕਾਈਲਾਈਨ ਵਰਗੇ 5 ਤਾਰਾ ਹੋਟਲਾਂ ਵਿੱਚ ਉਸ ਦਿਨ ਲਈ ਕਮਰੇ ਵੀ ਉਪਲਬਧ ਨਹੀਂ ਹਨ। ਗੁਜਰਾਤ ਦੇ ਹੋਟਲ ਅਤੇ ਰੈਸਟੋਰੈਂਟ ਐਸੋਸੀਏਸ਼ਨ ਦੇ ਬੁਲਾਰੇ ਅਭਿਜੀਤ ਦੇਸ਼ਮੁਖ ਨੇ ਕਿਹਾ, “ਜੇਕਰ ਹੋਟਲ ਮਾਲਕਾਂ ਨੂੰ ਲੱਗਦਾ ਹੈ ਕਿ ਇੱਕ ਨਿਸ਼ਚਿਤ ਸਮੇਂ ਵਿੱਚ ਮੰਗ ਬਹੁਤ ਜ਼ਿਆਦਾ ਹੋਣ ਵਾਲੀ ਹੈ, ਤਾਂ ਉਹ ਕਮਾਈ ਕਰਨ ਬਾਰੇ ਸੋਚਣਗੇ ਕਿਉਂਕਿ ਉਨ੍ਹਾਂ ਨੂੰ ਪਤਾ ਹੈ ਕਿ ਬੁਕਿੰਗ ਫੁੱਲ ਰਹਿਣ ਵਾਲੀ ਹੈ। ਮੰਗ ਘੱਟ ਹੁੰਦੇ ਹੀ ਕੀਮਤਾਂ ਵੀ ਘੱਟ ਜਾਣਗੀਆਂ।
ਇਹ ਵੀ ਪੜ੍ਹੋ: ਸਪੈਸ਼ਲ ਓਲੰਪਿਕ ਖੇਡਾਂ: 202 ਤਮਗੇ ਜਿੱਤ ਕੇ ਪਰਤੇ ਭਾਰਤੀ ਖਿਡਾਰੀਆਂ ਦਾ ਸ਼ਾਨਦਾਰ ਸਵਾਗਤ, PM ਮੋਦੀ ਨੇ ਦਿੱਤੀ ਵਧਾਈ
ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
World Cup 2023 : ਮੋਹਾਲੀ 'ਚ ਮੈਚ ਨਾ ਹੋਣ 'ਤੇ ਆਇਆ BCCI ਦਾ ਬਿਆਨ, ਦੱਸੀ ਵਜ੍ਹਾ
NEXT STORY 
