ਵਾਸ਼ਿੰਗਟਨ : ਓਲੰਪਿਕ ਸੋਨ ਤਮਗਾ ਜੇਤੂ ਅਥੇ ਜਾਰਜਟਾਊਨ ਯੂਨੀਵਰਸਿਟੀ ਪੁਰਸ਼ ਬਾਸਕਟਬਾਲ ਟੀਮ ਦੇ ਕੋਚ ਪੈਟ੍ਰਿਕ ਈਵਿੰਗ ਕੋਰੋਨਾ ਨਾਲ ਇਨਫੈਕਟਡ ਪਾਏ ਗਏ ਹਨ। ਯੂਨੀਵਰਸਿਟੀ ਨੇ ਕਿਹਾ ਕਿ ਈਵਿੰਗ ਦਾ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ।
57 ਸਾਲਾ ਈਵਿੰਗ ਨੇ ਬਿਆਨ ਜਾਰੀ ਕਰ ਕਿਹਾ, ''ਇਹ ਵਾਇਰਸ ਕਾਫੀ ਗੰਭੀਰ ਹੈ ਅਤੇ ਇਸ ਨੂ ਹਲਕੇ 'ਚ ਨਹੀਂ ਲਿਆ ਜਾ ਸਕਦਾ। ਮੈਂ ਚਾਹੁੰਦਾ ਹਾਂ ਕਿ ਸਾਰੇ ਸਿਹਤਮੰਦ ਰਹਿਣ। ਮੈਂ ਸਿਹਤ ਕਰਮਚਾਰੀਆਂ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ।'' ਈਵਿੰਗ ਨੇ ਆਪਣਾ ਬਾਕੀ ਐੱਨ. ਬੀ. ਏ. ਕਰੀਅਰ ਨਿਊਯਾਰਕ ਨਿਕਸ ਦੇ ਨਾਲ ਬਿਤਾਇਆ। ਉਸ ਨੇ 17 ਸਾਲ ਦੇ ਆਪਣੇ ਕਰੀਅਰ ਵਿਚ ਕਰੀਬ 25000 ਅੰਕ ਸਕੋਰ ਕੀਤੇ ਹਨ। ਉਹ 2 ਵਾਰ ਓਲੰਪਿਕ ਸੋਨ ਤਮਗਾ ਜੇਤੂ ਰਹੇ ਹਨ। ਈਵਿੰਗ ਨੂੰ 2008 ਵਿਚ ਨਾਈਸਮਿਥ ਮੈਮੋਰੀਅਲ ਬਾਸਕਟਬਾਲ ਹਾਲ ਆਫ ਫੇਮ ਵਿਚ ਸ਼ਾਮਲ ਕੀਤਾ ਗਿਆ ਸੀ। ਉਹ 2017 ਤੋਂ ਜਾਰਜਟਾਊਨ ਦੇ ਕੋਚ ਹਨ।
ਜੈਮੀ ਹੈਂਪਟਨ ਨੇ 30 ਸਾਲ ਦੀ ਉਮਰ ’ਚ ਪੇਸ਼ੇਵਰ ਟੈਨਿਸ ਨੂੰ ਕਿਹਾ ਅਲਵਿਦਾ
NEXT STORY