ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ 2026 ਵਿੱਚ ਦਿੱਲੀ ਕੈਪੀਟਲਜ਼ ਅਤੇ ਗੁਜਰਾਤ ਟਾਈਟਨਸ ਵਿਚਾਲੇ ਖੇਡਿਆ ਗਿਆ ਮੁਕਾਬਲਾ ਬੇਹੱਦ ਰੋਮਾਂਚਕ ਰਿਹਾ, ਜਿੱਥੇ ਦਿੱਲੀ ਨੂੰ ਮਹਿਜ਼ 1 ਦੌੜ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਹਾਰ ਨੇ ਨਾ ਸਿਰਫ਼ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਕੀਤਾ ਹੈ, ਸਗੋਂ ਆਈਪੀਐਲ ਦੇ ਇੱਕ ਵਿਵਾਦਿਤ ਨਿਯਮ 'ਤੇ ਵੀ ਮੁੜ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।
ਮੈਚ ਦੌਰਾਨ 10ਵੇਂ ਓਵਰ ਵਿੱਚ ਇੱਕ ਵੱਡਾ ਵਿਵਾਦ ਉਦੋਂ ਸਾਹਮਣੇ ਆਇਆ ਜਦੋਂ ਨੀਤੀਸ਼ ਰਾਣਾ ਨੂੰ ਅੰਪਾਇਰ ਨੇ ਐਲਬੀਡਬਲਿਊ (LBW) ਆਊਟ ਦੇ ਦਿੱਤਾ। ਹਾਲਾਂਕਿ, ਗੇਂਦ ਰਾਣਾ ਦੇ ਦਸਤਾਨਿਆਂ ਨੂੰ ਲੱਗੀ ਸੀ ਅਤੇ ਇਸ ਦੌਰਾਨ ਉਨ੍ਹਾਂ ਨੇ ਇੱਕ ਦੌੜ (Run) ਵੀ ਪੂਰੀ ਕਰ ਲਈ ਸੀ। ਜਦੋਂ ਰਿਵਿਊ (DRS) ਲਿਆ ਗਿਆ ਤਾਂ ਉਹ ਨੌਟ ਆਊਟ ਸਾਬਤ ਹੋਏ ਪਰ ਆਈਸੀਸੀ ਅਤੇ ਆਈਪੀਐਲ ਦੇ ਨਿਯਮਾਂ ਅਨੁਸਾਰ ਅੰਪਾਇਰ ਦੇ ਫੈਸਲੇ ਤੋਂ ਬਾਅਦ ਗੇਂਦ 'ਡੈੱਡ' (Dead Ball) ਮੰਨੀ ਜਾਂਦੀ ਹੈ। ਨਤੀਜੇ ਵਜੋਂ, ਦਿੱਲੀ ਨੂੰ ਉਹ ਇੱਕ ਦੌੜ ਨਹੀਂ ਮਿਲੀ। ਜੇਕਰ ਉਹ ਦੌੜ ਦਿੱਲੀ ਦੇ ਖਾਤੇ ਵਿੱਚ ਜੁੜ ਜਾਂਦੀ, ਤਾਂ ਮੈਚ ਟਾਈ ਹੋ ਸਕਦਾ ਸੀ ਜਾਂ ਦਿੱਲੀ ਜਿੱਤ ਸਕਦੀ ਸੀ।
ਇਹ ਵੀ ਪੜ੍ਹੋ- 7 ਖਿਡਾਰੀਆਂ 'ਤੇ ਲੱਗ ਗਿਆ ਬੈਨ! ਕੋਚ 'ਤੇ ਵੀ ਲੱਗੇ ਮੈਚ ਫਿਕਸਿੰਗ ਦੇ ਦੋਸ਼
ਦਿੱਲੀ ਨੂੰ ਜਿੱਤ ਲਈ 210 ਦੌੜਾਂ ਬਣਾਉਣੀਆਂ ਸਨ। ਆਖਰੀ ਓਵਰ ਵਿੱਚ 13 ਦੌੜਾਂ ਦੀ ਲੋੜ ਸੀ ਅਤੇ ਡੇਵਿਡ ਮਿਲਰ ਸ਼ਾਨਦਾਰ ਬੱਲੇਬਾਜ਼ੀ ਕਰ ਰਹੇ ਸਨ। ਮੈਚ ਦੀਆਂ ਆਖਰੀ ਦੋ ਗੇਂਦਾਂ 'ਤੇ ਸਿਰਫ ਦੋ ਦੌੜਾਂ ਦੀ ਦਰਕਾਰ ਸੀ। ਪੰਜਵੀਂ ਗੇਂਦ 'ਤੇ ਮਿਲਰ ਨੇ ਸ਼ਾਟ ਖੇਡਿਆ ਪਰ ਉਨ੍ਹਾਂ ਨੇ ਜਾਣਬੁੱਝ ਕੇ ਦੌੜ ਨਹੀਂ ਲਈ, ਕਿਉਂਕਿ ਉਹ ਆਖਰੀ ਗੇਂਦ 'ਤੇ ਖੁਦ ਮੈਚ ਖਤਮ ਕਰਨਾ ਚਾਹੁੰਦੇ ਸਨ। ਪਰ ਅਫਸੋਸ, ਮਿਲਰ ਆਖਰੀ ਗੇਂਦ ਨੂੰ ਛੂਹ ਵੀ ਨਹੀਂ ਸਕੇ ਅਤੇ ਦੂਜੇ ਪਾਸੇ ਖੜ੍ਹੇ ਕੁਲਦੀਪ ਯਾਦਵ ਨੂੰ ਜੋਸ ਬਟਲਰ ਨੇ ਰਨ ਆਊਟ ਕਰ ਦਿੱਤਾ।
ਇਹ ਵੀ ਪੜ੍ਹੋ- ਟੀਮ ਲਈ ਬੁਰੀ ਖ਼ਬਰ, ਅਗਲੇ 2 IPL ਮੈਚਾਂ 'ਚ ਨਹੀਂ ਖੇਡੇਗਾ ਮੈਚ ਵਿਨਰ ਖਿਡਾਰੀ
ਇਸ ਤੋਂ ਪਹਿਲਾਂ, ਕੇਐੱਲ ਰਾਹੁਲ ਨੇ 92 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡ ਕੇ ਦਿੱਲੀ ਨੂੰ ਜਿੱਤ ਦੇ ਬਹੁਤ ਕਰੀਬ ਪਹੁੰਚਾਇਆ ਸੀ। ਗੁਜਰਾਤ ਵੱਲੋਂ ਵਾਸ਼ਿੰਗਟਨ ਸੁੰਦਰ (55 ਦੌੜਾਂ) ਅਤੇ ਸ਼ੁਭਮਨ ਗਿੱਲ ਦੀਆਂ ਪਾਰੀਆਂ ਸਦਕਾ ਟੀਮ ਨੇ ਵੱਡਾ ਸਕੋਰ ਖੜ੍ਹਾ ਕੀਤਾ ਸੀ। ਪਰ ਅੰਤ ਵਿੱਚ, ਇੱਕ ਵਿਵਾਦਿਤ ਨਿਯਮ ਅਤੇ ਮੈਦਾਨ 'ਤੇ ਲਏ ਗਏ ਕੁਝ ਗਲਤ ਫੈਸਲੇ ਦਿੱਲੀ 'ਤੇ ਭਾਰੀ ਪੈ ਗਏ। ਹੁਣ ਸੋਸ਼ਲ ਮੀਡੀਆ 'ਤੇ ਇਸ ਨਿਯਮ ਨੂੰ ਬਦਲਣ ਦੀ ਮੰਗ ਤੇਜ਼ ਹੋ ਗਈ ਹੈ।
ਇਹ ਵੀ ਪੜ੍ਹੋ- BCCI ਨੇ ਜਿਸ ਖਿਡਾਰੀ 'ਤੇ ਲਾਇਆ ਬੈਨ ਹੁਣ ਓਹੀ IPL 'ਚ ਪਾ ਰਿਹੈ ਧੱਕ
GT vs DC: 1 ਦੌੜ ਦੀ ਹਾਰ ਤੋਂ ਬਾਅਦ ਟੁੱਟੇ ਡੇਵਿਡ ਮਿਲਰ, DC ਕੋਚ ਨੇ ਗਲੇ ਲਗਾ ਕੇ ਦਿੱਤਾ ਹੌਸਲਾ
NEXT STORY 
