ਸਪੋਰਟਸ ਡੈਸਕ- ਟੀਮ ਇੰਡੀਆ ਦੇ ਸਟਾਰ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਸੱਟ ਕਾਰਨ ਕ੍ਰਿਕਟ ਦੇ ਮੈਦਾਨ ਤੋਂ ਦੂਰ ਹਨ। ਬੁਮਰਾਹ ਨੂੰ ਬਾਰਡਰ ਗਾਵਸਕਰ ਟਰਾਫੀ ਦੇ ਆਖਰੀ ਮੈਚ ਵਿੱਚ ਸੱਟ ਲੱਗ ਗਈ ਸੀ, ਉਦੋਂ ਤੋਂ ਇਹ ਗੇਂਦਬਾਜ਼ ਬਾਹਰ ਹੈ। ਸੱਟ ਕਾਰਨ ਬੁਮਰਾਹ ਚੈਂਪੀਅਨਜ਼ ਟਰਾਫੀ ਵਿੱਚ ਵੀ ਨਹੀਂ ਖੇਡ ਸਕੇ। ਇਸ ਦੇ ਨਾਲ ਹੀ ਹੁਣ ਰਿਪੋਰਟਾਂ ਆ ਰਹੀਆਂ ਹਨ ਕਿ ਬੁਮਰਾਹ ਆਈਪੀਐਲ 2025 ਦੇ ਕੁਝ ਮੈਚਾਂ ਤੋਂ ਵੀ ਖੁੰਝ ਸਕਦੇ ਹਨ। ਹੁਣ ਨਿਊਜ਼ੀਲੈਂਡ ਦੇ ਸਾਬਕਾ ਕ੍ਰਿਕਟਰ ਸ਼ੇਨ ਬਾਂਡ ਨੇ ਜਸਪ੍ਰੀਤ ਬੁਮਰਾਹ ਦੇ ਕਰੀਅਰ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ ਹੈ।
ਇਹ ਵੀ ਪੜ੍ਹੋ- ਰਿਤਿਕ ਰੌਸ਼ਨ ਨੂੰ ਲੈ ਕੇ ਬੁਰੀ ਖ਼ਬਰ ਆਈ ਸਾਹਮਣੇ, ਸੂਟਿੰਗ ਦੌਰਾਨ ਹੋਏ ਗੰਭੀਰ ਜ਼ਖਮੀ
ਸ਼ੇਨ ਬਾਂਡ ਨੇ ਖਤਰੇ 'ਚ ਦੱਸਿਆ ਬੁਮਰਾਹ ਦਾ ਕਰੀਅਰ
ਨਿਊਜ਼ੀਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਸ਼ੇਨ ਬਾਂਡ ਅਤੇ ਮੌਜੂਦਾ ਰਾਜਸਥਾਨ ਰਾਇਲਜ਼ ਦੇ ਗੇਂਦਬਾਜ਼ੀ ਕੋਚ ਨੇ ਜਸਪ੍ਰੀਤ ਬੁਮਰਾਹ ਬਾਰੇ ਕਿਹਾ, “ਉਹ ਕਹਿ ਸਕਦੇ ਹਨ, ਦੇਖੋ, ਕੁੱਲ ਚਾਰ ਟੈਸਟ ਮੈਚ ਹਨ। ਜੇਕਰ ਅਸੀਂ ਉਨ੍ਹਾਂ ਨੂੰ ਇੰਗਲਿਸ਼ ਸਮਰ ਵਿੱਚ ਲੈ ਸਕਦੇ ਹਾਂ ਅਤੇ ਉਹ ਫਿੱਟ ਹੈ, ਤਾਂ ਅਸੀਂ ਸ਼ਾਇਦ ਵਿਸ਼ਵਾਸ ਕਰ ਸਕਦੇ ਹਾਂ ਕਿ ਅਸੀਂ ਉਨ੍ਹਾਂ ਨੂੰ ਦੂਜੇ ਫਾਰਮੈਟਾਂ ਵਿੱਚ ਲੈ ਜਾ ਸਕਦੇ ਹਾਂ। ਇਸ ਲਈ ਇਹ ਮੁਸ਼ਕਲ ਹੈ ਕਿਉਂਕਿ ਉਹ ਤੁਹਾਡਾ ਸਭ ਤੋਂ ਵਧੀਆ ਗੇਂਦਬਾਜ਼ ਹੈ, ਪਰ ਜੇਕਰ ਉਸਨੂੰ ਉਸੇ ਖੇਤਰ ਵਿੱਚ ਇੱਕ ਹੋਰ ਸੱਟ ਲੱਗ ਜਾਂਦੀ ਹੈ ਤਾਂ ਇਹ ਸੰਭਾਵੀ ਤੌਰ 'ਤੇ ਕਰੀਅਰ ਦਾ ਅੰਤ ਹੋ ਸਕਦਾ ਹੈ ਕਿਉਂਕਿ ਮੈਨੂੰ ਯਕੀਨ ਨਹੀਂ ਹੈ ਕਿ ਤੁਸੀਂ ਉਸ ਖੇਤਰ ਵਿੱਚ ਦੁਬਾਰਾ ਸਰਜਰੀ ਕਰਵਾ ਸਕਦੇ ਹੋ।"
ਇਹ ਵੀ ਪੜ੍ਹੋ- BSNL ਦਾ ਜ਼ਬਰਦਸਤ ਪਲਾਨ, ਰੋਜ਼ਾਨਾ 3 ਰੁਪਏ ਤੋਂ ਵੀ ਘੱਟ ਖਰਚ 'ਚ 150 ਦਿਨ ਦੀ ਵੈਲੇਡਿਟੀ
ਬਾਰਡਰ ਗਾਵਸਕਰ ਟਰਾਫੀ ਦੌਰਾਨ ਲੱਗੀ ਸੀ ਸੱਟ
ਜਸਪ੍ਰੀਤ ਬੁਮਰਾਹ ਬਾਰਡਰ ਗਾਵਸਕਰ ਟਰਾਫੀ ਦੇ ਆਖਰੀ ਮੈਚ ਦੌਰਾਨ ਜ਼ਖਮੀ ਹੋ ਗਏ ਸਨ। ਜਿਸ ਕਾਰਨ ਬੁਮਰਾਹ ਪਿਛਲੇ ਮੈਚ ਦੀ ਦੂਜੀ ਪਾਰੀ ਵਿੱਚ ਗੇਂਦਬਾਜ਼ੀ ਵੀ ਨਹੀਂ ਕਰ ਸਕੇ। ਦਰਅਸਲ ਮੈਚ ਦੌਰਾਨ ਬੁਮਰਾਹ ਨੂੰ ਪਿੱਠ ਵਿੱਚ ਕੜਵੱਲ ਹੋ ਗਈ ਸੀ ਅਤੇ ਮੈਚ ਦੇ ਵਿਚਕਾਰ ਉਨ੍ਹਾਂ ਨੂੰ ਸਕੈਨ ਕਰਵਾਉਣੀ ਪਈ। ਜਿਸ ਕਾਰਨ ਉਨ੍ਹਾਂ ਨੂੰ ਆਈਸੀਸੀ ਚੈਂਪੀਅਨਜ਼ ਟਰਾਫੀ ਤੋਂ ਬਾਹਰ ਹੋਣਾ ਪਿਆ। ਇਸ ਸਮੇਂ ਬੁਮਰਾਹ ਬੈਂਗਲੁਰੂ ਦੇ ਬੀਸੀਸੀਆਈ ਸੈਂਟਰ ਆਫ਼ ਐਕਸੀਲੈਂਸ ਵਿੱਚ ਰਿਹੈਬਿਲਿਟੇਸ਼ਨ ਤੋਂ ਗੁਜ਼ਰ ਰਹੇ ਹਨ।
ਇਹ ਵੀ ਪੜ੍ਹੋ- ਰਿਤਿਕ ਰੌਸ਼ਨ ਨੂੰ ਲੈ ਕੇ ਬੁਰੀ ਖ਼ਬਰ ਆਈ ਸਾਹਮਣੇ, ਸੂਟਿੰਗ ਦੌਰਾਨ ਹੋਏ ਗੰਭੀਰ ਜ਼ਖਮੀ
ਸਾਲ 2023 ਵਿੱਚ ਹੋਈ ਸੀ ਪਿੱਠ ਦੀ ਸਰਜਰੀ
ਇਸ ਤੋਂ ਪਹਿਲਾਂ ਵੀ ਬੁਮਰਾਹ ਨੂੰ ਪਿੱਠ ਦੀ ਸੱਟ ਨਾਲ ਜੂਝਦੇ ਦੇਖਿਆ ਗਿਆ ਸੀ। ਜਿਸ ਕਾਰਨ ਜਸਪ੍ਰੀਤ ਬੁਮਰਾਹ ਦੀ ਵੀ ਮਾਰਚ 2023 ਵਿੱਚ ਪਿੱਠ ਦੀ ਸਰਜਰੀ ਹੋਈ ਸੀ। ਇਹ ਪਹਿਲੀ ਵਾਰ ਹੈ ਜਦੋਂ ਬੁਮਰਾਹ ਨੂੰ ਆਪਣੀ ਸਰਜਰੀ ਤੋਂ ਬਾਅਦ ਪਿੱਠ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਹੈ। ਹੁਣ ਦੇਖਣਾ ਇਹ ਹੈ ਕਿ ਬੁਮਰਾਹ ਕ੍ਰਿਕਟ ਦੇ ਮੈਦਾਨ ਵਿੱਚ ਕਦੋਂ ਵਾਪਸੀ ਕਰੇਗਾ?
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਰਮਜ਼ਾਨ ਦੇ ਦਿਨਾਂ 'ਚ ਕੀ ਕਰਦੇ ਨੇ ਪਾਕਿ ਕ੍ਰਿਕਟਰ? ਸ਼ਮੀ ਨੂੰ ਲੈ ਕੇ ਸਾਬਕਾ ਦਿੱਗਜ਼ ਦਾ ਵੱਡਾ ਬਿਆਨ
NEXT STORY 
