ਨਵੀਂ ਦਿੱਲੀ— ਸਾਬਕਾ ਭਾਰਤੀ ਕਪਤਾਨ ਅਤੇ ਦਿੱਗਜ ਆਲਰਾਊਂਡਰ ਕਪਿਲ ਦੇਵ ਦਾ ਮੰਨਣਾ ਹੈ ਕਿ ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਜਾਰੀ ਟੈਸਟ ਸੀਰੀਜ਼ ਮਹਿਮਾਨ ਟੀਮ ਲਈ ਮੌਕੇ ਖੁੰਝਣ ਦੀ ਕਹਾਣੀ ਹੈ। ਉਨ੍ਹਾਂ ਨੇ ਨਾਲ ਹੀ ਕਿਹਾ ਮੇਜ਼ਬਾਨ ਟੀਮ ਖਿਲਾਫ ਕਈ ਵਾਰ ਭਾਰਤ ਨੂੰ ਅੱਗੇ ਨਿਕਲਣ ਦਾ ਮੌਕਾ ਮਿਲਿਆ ਪਰ ਮਹਿਮਾਨ ਟੀਮ ਇਸਦਾ ਫਾਇਦਾ ਉਠਾਉਣ 'ਚ ਨਾਕਾਮ ਰਹੀ। ਇੰਗਲੈਂਡ ਤੋਂ ਚੌਥਾ ਟੈਸਟ ਹਾਰ ਕੇ ਭਾਰਤ ਇਸ ਸੀਰੀਜ਼ 'ਚ 1-3 ਤੋਂ ਪਿਛੜ ਗਿਆ ਹੈ। ਭਾਰਤੀ ਟੀਮ ਨੂੰ ਆਪਣੀ ਕਪਤਾਨੀ 'ਚ 1983 ਦਾ ਵਰਲਡ ਕੱਪ ਦਿਵਾਉਣ ਵਾਲੇ ਕਪਿਲ ਦੇਵ ਨੇ ਕਿਹਾ,' ਸਾਊਥੈਮਪਟਨ ਟੈਸਟ 'ਚ ਇਕ ਵਾਰ ਭਾਰਤੀ ਟੀਮ ਦੇ ਕੋਲ ਇੰਗਲੈਂਡ ਨੂੰ ਪਿਛਾੜਣ ਦਾ ਮੌਕਾ ਸੀ, ਜਦੋਂ ਉਸਦੇ 6 ਵਿਕਟਾਂ 'ਤੇ 86 ਦੌੜਾਂ ਸਨ। ਪਰ ਮੇਜ਼ਬਾਨਾਂ ਨੇ ਇਸ ਸਕੋਰ ਤੱਕ 246 ਤੱਕ ਪਹੁੰਚਾ ਦਿੱਤਾ। ਇਸ ਤੋਂ ਪਤਾ ਚੱਲਦਾ ਹੈ ਕਿ ਭਾਰਤੀ ਟੀਮ ਸਾਊਥੈਮਪਟਨ 'ਚ ਮੌਕੇ ਲੱਭਣ 'ਚ ਨਾਕਾਮ ਰਹੀ।'
ਉਨ੍ਹਾਂ ਨੇ ਨਾਲ ਹੀ ਕਿਹਾ ਕਿ ਭਾਰਤੀ ਟੀਮ ਬਹੁਤ ਹੱਦ ਤੱਕ ਕੈਪਟਨ ਵਿਰਾਟ ਕੋਹਲੀ 'ਤੇ ਨਿਰਭਰ ਕਰਦੀ ਹੈ ਅਤੇ ਇਹ ਦੂਜਾ ਕਾਰਨ ਹੈ ਕਿ ਇਕ ਟੀਮ ਦੇ ਤੌਰ 'ਤੇ ਇਸਦੇ ਖਿਡਾਰੀ ਪ੍ਰਦਰਸ਼ਨ ਨਹੀਂ ਕਰ ਪਾ ਰਹੇ ਹਨ। ਕਪਿਲ ਨੇ ਕਿਹਾ,' ਇਹ ਸਹੀ ਨਹੀਂ ਹੈ ਕਿ ਤੁਸੀਂ ਸਿਰਫ ਕੋਹਲੀ 'ਤੇ ਇੰਨਾ ਜ਼ਿਆਦਾ ਨਿਰਭਰ ਕਰਨ ਲੱਗੋ। ਇਕ ਟੀਮ ਦੇ ਤੌਰ 'ਤੇ ਭਾਰਤ ਪ੍ਰਦਰਸ਼ਨ ਨਹੀਂ ਕਰ ਸਕਿਆ। ਸਿਰਫ ਸਾਊਥੈਮਪਟਨ 'ਚ ਹੀ ਨਹੀਂ, ਬਲਕਿ ਪਹਿਲੇ ਟੈਸਟ 'ਚ ਵੀ ਟੀਮ ਇੰਡੀਆ ਜਿੱਤ ਦਰਜ ਕਰ ਸਕਦੀ ਸੀ ਪਰ ਮੌਕੇ ਤੋਂ ਖੁੰਝ ਗਈ। 'ਮੈਂ ਇਸ 'ਚ ਨਹੀਂ ਪੈਣਾ ਚਾਹੁੰਦਾ ਕਿ ਟੀਮ 'ਚ ਕਿਸੇ ਰੱਖਿਆ ਗਿਆ ਜਾਂ ਕਿਸ ਨੂੰ ਛੱਡਿਆ ਗਿਆ ਪਰ ਖੁਸ਼ ਹਾਂ ਕਿ ਪੂਰੀ ਸੀਰੀਜ਼ 'ਚ ਭਾਰਤੀ ਤੇਜ਼ ਗੇਂਦਬਾਜ਼ੀ ਹਮਲਾ ਸਫਲ ਰਿਹਾ।' ਉਨ੍ਹਾਂ ਨੇ ਨੌਜਵਾਨ ਪੇਸਰ ਜਸਪ੍ਰੀਤ ਬੁਮਰਾਹ, ਭੁਵਨੇਸ਼ਵਰ ਕੁਮਾਰ, ਮੁਹੰਮਦ ਸ਼ਮੀ ਅਤੇ ਉਮੇਸ਼ ਯਾਦਵ ਨੂੰ ਗੇਂਦਬਾਜ਼ੀ 'ਚ ਆਪਣੀ ਪਸੰਦ ਦੱਸਿਆ।
ਕੀ ਕੋਹਲੀ-ਸ਼ਾਸਤਰੀ ਖਿਲਾਫ ਟੀਮ ਇੰਡੀਆ 'ਚ ਬਗਾਵਤ ਹੋਣ ਵਾਲੀ ਹੈ!
NEXT STORY 
