ਓਰਲੀਅਨਜ਼ (ਫਰਾਂਸ), (ਭਾਸ਼ਾ) ਕ੍ਰਿਸ਼ਨ ਪ੍ਰਸਾਦ ਗਰਾਗਾ ਅਤੇ ਸਾਈ ਪ੍ਰਤੀਕ ਦੀ ਭਾਰਤੀ ਜੋੜੀ ਨੂੰ ਇੱਥੇ ਓਰਲੀਅਨਜ਼ ਮਾਸਟਰਜ਼ ਬੈਡਮਿੰਟਨ ਦੇ ਪੁਰਸ਼ ਡਬਲਜ਼ ਦੇ ਕੁਆਰਟਰ ਫਾਈਨਲ ਵਿੱਚ ਸਿੱਧੇ ਗੇਮਾਂ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਜਿਸ ਕਾਰਨ ਇਸ ਸੁਪਰ 300 ਟੂਰਨਾਮੈਂਟ ਵਿੱਚ ਭਾਰਤੀ ਮੁਹਿੰਮ ਵੀ ਖਤਮ ਹੋ ਗਈ। ਦੁਨੀਆ ਦੀ 70ਵੇਂ ਨੰਬਰ ਦੀ ਭਾਰਤੀ ਜੋੜੀ ਸ਼ੁੱਕਰਵਾਰ ਰਾਤ ਨੂੰ ਆਂਡ੍ਰੇਸ ਸੌਂਡਰਗਾਰਡ ਅਤੇ ਜੇਸਪਰ ਟੋਫਟ ਦੀ ਸੱਤਵਾਂ ਦਰਜਾ ਪ੍ਰਾਪਤ ਡੈਨਮਾਰਕ ਦੀ ਜੋੜੀ ਤੋਂ 40 ਮਿੰਟਾਂ ਵਿੱਚ 17-21, 16-21 ਨਾਲ ਹਾਰ ਗਈ।
ਦੇਸ਼ ਦੀ ਇਕਲੌਤੀ ਭਾਰਤੀ ਜੋੜੀ ਨੇ ਲੂਕਾਸ ਰੇਨੋਇਰ ਅਤੇ ਮੇਲ ਕਾਟੋਏਨ ਨੂੰ 21-14, 21-9 ਨਾਲ ਹਰਾ ਕੇ ਆਖਰੀ ਅੱਠਾਂ ਵਿੱਚ ਥਾਂ ਬਣਾਈ ਸੀ। ਸ਼ੁਰੂਆਤੀ ਮੈਚ ਵਿੱਚ ਕ੍ਰਿਸ਼ਨਾ ਅਤੇ ਪ੍ਰਤੀਕ ਦੀ ਜੋੜੀ ਨੇ ਬੁਲਗਾਰੀਆ ਦੇ ਇਵਾਨ ਰੁਸੇਵ ਅਤੇ ਲਿਓਯਾਨ ਸਟੋਯਾਨੋਵ ਨੂੰ ਹਰਾਇਆ ਸੀ। ਮਹਿਲਾ ਸਿੰਗਲਜ਼ ਵਿੱਚ ਅੱਠਵਾਂ ਦਰਜਾ ਪ੍ਰਾਪਤ ਮਾਲਵਿਕਾ ਬੰਸੋਦ, ਤਾਨਿਆ ਹੇਮੰਤ ਅਤੇ ਇਮਾਦ ਫਾਰੂਕੀ ਸਾਮੀਆ ਟੂਰਨਾਮੈਂਟ ਵਿੱਚ ਜਲਦੀ ਹਾਰ ਕੇ ਬਾਹਰ ਹੋ ਗਈਆਂ। ਪੁਰਸ਼ ਸਿੰਗਲਜ਼ ਵਿੱਚ ਤੀਜਾ ਦਰਜਾ ਪ੍ਰਾਪਤ ਕਿਰਨ ਜਾਰਜ, ਮਿਥੁਨ ਮੰਜੂਨਾਥ ਅਤੇ ਐਸ ਸ਼ੰਕਰ ਮੁਥੁਸਾਮੀ ਸੁਬਰਾਮਨੀਅਮ ਵੀ ਸ਼ੁਰੂਆਤੀ ਦੌਰ ਵਿੱਚ ਹਾਰ ਕੇ ਬਾਹਰ ਹੋ ਗਏ।
ਪੰਤ ਦੀ ਸਿਹਤਯਾਬੀ ਸਮੇਂ ਤੋਂ ਪਹਿਲਾਂ ਹੋਈ, ਜਿਮਨਾਸਟਿਕ ਤੋਂ ਮਿਲਿਆ ਫਾਇਦਾ : ਐੱਨ. ਸੀ. ਏ. ਸਟਾਫ਼
NEXT STORY 
