ਸਿੰਗਾਪੁਰ- ਸਿੰਗਾਪੁਰ ਸਮੈਸ਼ ਟੇਬਲ ਟੈਨਿਸ ਟੂਰਨਾਮੈਂਟ 'ਚ ਭਾਰਤ ਦੀ ਚੁਣੌਤੀ ਮੰਗਲਵਾਰ ਨੂੰ ਇੱਥੇ ਮਹਿਲਾ ਅਤੇ ਮਿਕਸਡ ਡਬਲਜ਼ ਦੋਵੇਂ ਮੈਚਾਂ 'ਚ ਮਨਿਕਾ ਬੱਤਰਾ ਦੇ ਹਾਰਨ ਨਾਲ ਖਤਮ ਹੋ ਗਈ। ਮਨਿਕਾ ਅਤੇ ਜੀ ਸਾਥੀਆਨ ਮਿਕਸਡ ਡਬਲਜ਼ ਦੇ ਕੁਆਰਟਰ ਫਾਈਨਲ ਵਿੱਚ ਜਾਪਾਨ ਦੀ ਵਿਸ਼ਵ ਚੈਂਪੀਅਨਸ਼ਿਪ ਦੀ ਚਾਂਦੀ ਦਾ ਤਗ਼ਮਾ ਜੇਤੂ ਹਿਨਾ ਹਯਾਤਾ ਅਤੇ ਤੋਮੋਕਾਜ਼ੂ ਹਰੀਮੋਟੋ ਤੋਂ ਹਾਰ ਗਏ।
ਮਨਿਕਾ ਅਤੇ ਸਾਥੀਆਨ ਦੀ ਛੇਵਾਂ ਦਰਜਾ ਪ੍ਰਾਪਤ ਜੋੜੀ 52 ਮਿੰਟਾਂ ਵਿੱਚ ਆਖਰੀ ਅੱਠਾਂ ਵਿੱਚ ਚੌਥਾ ਦਰਜਾ ਪ੍ਰਾਪਤ ਵਿਰੋਧੀ ਤੋਂ 2-3 (9-11, 9-11, 11-8, 11-5, 7-11) ਨਾਲ ਹਾਰ ਗਈ। ਮਨਿਕਾ ਅਤੇ ਸਾਥੀਆਨ ਨੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਸਿੰਗਾਪੁਰ ਦੀ ਜਿਆਨ ਝੇਂਗ ਅਤੇ ਚੀਊ ਜ਼ੀ ਯੂ ਕਲੇਰੈਂਸ ਦੀ ਜੋੜੀ ਨੂੰ 3-1 (11-7, 12-10, 9-11, 11-3) ਨਾਲ ਹਰਾਇਆ ਸੀ। ਭਾਰਤੀ ਜੋੜੀ ਨੂੰ ਮਿਕਸਡ ਡਬਲਜ਼ ਦੇ ਪਹਿਲੇ ਦੌਰ ਵਿੱਚ ਬਾਈ ਮਿਲੀ।
ਮਹਿਲਾ ਡਬਲਜ਼ ਵਿੱਚ ਮਨਿਕਾ ਅਤੇ ਅਰਚਨਾ ਕਾਮਤ ਨੂੰ ਮੇਂਗ ਚੇਨ ਅਤੇ ਯੀਦੀ ਵਾਂਗ ਦੀ ਚੀਨੀ ਜੋੜੀ ਤੋਂ 2-3 (2-11, 6-11, 15-13, 12-10, 6-11) ਨਾਲ 42 ਮਿੰਟ ਤੱਕ ਚੱਲੇ ਆਖ਼ਰੀ 16 ਮੈਚ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਤੋਂ ਪਹਿਲਾਂ ਮਨਿਕਾ, ਸਾਥੀਆਨ ਅਤੇ ਸ਼ਰਤ ਕਮਲ ਨੂੰ ਆਪਣੇ ਸਿੰਗਲ ਮੈਚਾਂ ਵਿੱਚ ਪਹਿਲੇ ਦੌਰ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਪੁਰਸ਼ ਡਬਲਜ਼ ਵਿੱਚ ਹਰਮੀਤ ਦੇਸਾਈ ਅਤੇ ਮਾਨਵ ਠੱਕਰ ਦੀ ਜੋੜੀ ਵੀ ਪਹਿਲੇ ਦੌਰ ਵਿੱਚ ਹੀ ਹਾਰ ਕੇ ਬਾਹਰ ਹੋ ਗਈ।
ਸ਼੍ਰੀਲੰਕਾ ਖ਼ਿਲਾਫ਼ ਸੀਮਿਤ ਓਵਰਾਂ ਦੀ ਸੀਰੀਜ਼ ਲਈ ਨਿਊਜ਼ੀਲੈਂਡ ਟੀਮ ਦਾ ਐਲਾਨ, ਕਈ ਧਾਕੜ ਖਿਡਾਰੀ ਬਾਹਰ
NEXT STORY 
