ਨਵੀਂ ਦਿੱਲੀ - ਅਮਰੀਕਾ ਦੀ 37 ਸਾਲਾ ਐਥਲੀਟ ਲੋਲੋ ਜੋਨਸ ਨੇ ਹੈਰਾਨ ਕਰਨ ਵਾਲਾ ਬਿਆਨ ਦਿੱਤਾ ਹੈ। ਉਸਦਾ ਕਹਿਣਾ ਹੈ ਕਿ ਉਹ ਓਲੰਪਿਕ ਤੋਂ ਇਲਾਵਾ ਵੱਡੇ ਟੂਰਨਾਮੈਂਟਾਂ ਵਿਚ ਇਸ ਲਈ ਸਫਲ ਰਹੀ ਹੈ ਕਿਉਂਕਿ ਉਹ ਕੁਆਰੀ ਹੈ। ਲੋਲੋ ਨੇ ਕਿਹਾ, ''ਕੁਆਰੀ ਰਹਿਣ ਦਾ ਇਕ ਵੱਡਾ ਫਾਇਦਾ ਇਹ ਰਿਹਾ ਕਿ ਮੈਨੂੰ ਆਪਣੇ ਕੰਮ 'ਤੇ ਫੋਕਸ ਕਰਨ ਦਾ ਪੂਰਾ ਟਾਈਮ ਮਿਲਿਆ।''
ਇਕ ਰਿਐਲਿਟੀ ਸ਼ੋਅ ਵਿਚ ਪਹੁੰਚੀ ਲੋਲੋ ਨੇ ਸਾਫ ਕਿਹਾ ਕਿ ਸਾਰੇ ਲੋਕ ਮੈਨੂੰ ਜਾਣਦੇ ਹਨ ਕਿ ਮੈਂ ਹਮੇਸ਼ਾ ਤਣਾਅ ਮੁਕਤ ਰਹੀ ਹਾਂ। ਕਹਿੰਦੇ ਹਨ ਕਿ ਕਿਸੇ ਵੀ ਐਥਲੀਟ ਲਈ ਗੇਮ ਤੋਂ ਪਹਿਲਾਂ ਕਿਸੇ ਮਰਦ ਨਾਲ ਨੇੜਤਾ ਵਧਾਉਣਾ ਚੰਗਾ ਰਹਿੰਦਾ ਹੈ ਪਰ ਮੈਂ ਲੱਕੀ ਹਾਂ ਕਿ ਮੈਨੂੰ ਇਸਦੀ ਲੋੜ ਨਹੀਂ ਪਈ। 2008, 2012 ਦੀਆਂ ਸਮਰ ਤੇ 2014 ਦੇ ਵਿੰਟਰ ਗੇਮਾਂ ਵਿਚ ਮੈਡਲ ਜਿੱਤ ਚੁੱਕੀ ਲੋਲੋ ਹੁਣ ਟੋਕੀਓ ਓਲੰਪਿਕ 2020 ਦੀਆਂ ਤਿਆਰੀਆਂ ਕਰ ਰਹੀ ਹੈ। ਉਹ ਪਹਿਲਾਂ ਵੀ ਇਕ ਸ਼ੋਅ ਦੌਰਾਨ ਦੱਸ ਚੁੱਕੀ ਹੈ ਕਿ ਮੈਂ ਅਜੇ ਤਕ ਇਸ ਲਈ ਕਿਸੇ ਨਾਲ ਨੇੜਤੇ ਨਹੀਂ ਵਧਾਈ ਕਿਉਂਕਿ ਮੈਂ ਚਾਹੁੰਦੀ ਹਾਂ ਕਿ ਪਹਿਲੀ ਵਾਰ ਆਪਣੇ ਪਤੀ ਨਾਲ ਹੀ ਰਿਲੇਸ਼ਨ ਵਿਚ ਆਵਾਂ। ਇਹ ਉਸ ਨੂੰ ਮੇਰੇ ਵਲੋਂ ਇਕ ਤਰ੍ਹਾਂ ਦਾ ਗਿਫਟ ਹੋਵੇਗਾ।
ਲੋਲੋ ਨੇ ਇਸ ਦੌਰਾਨ ਇਹ ਵੀ ਕਿਹਾ ਕਿ ਉਸਦਾ ਇਹ ਸਫਰ ਹਾਲਾਂਕਿ ਇੰਨਾ ਆਸਾਨ ਨਹੀਂ ਸੀ। ਇਹ ਮੇਰੀ ਜ਼ਿੰਦਗੀ ਦੀ ਸਭ ਤੋਂ ਮੁਸ਼ਕਿਲ ਪ੍ਰੀਖਿਆ ਸੀ। ਇਹ ਓਲੰਪਿਕ ਲਈ ਪ੍ਰੈਕਟਿਸ ਕਰਨਾ ਜਾਂ ਕਿਸੇ ਕਾਲਜ ਤੋਂ ਗ੍ਰੈਜੂਏਸ਼ਨ ਕਰਨ ਤੋਂ ਵੀ ਮੁਸ਼ਕਿਲ ਸੀ।
ਭਾਰਤ-ਏ ਵਿਰੁੱਧ ਨਿਊਜ਼ੀਲੈਂਡ-ਏ ਮਜ਼ਬੂਤ ਸਥਿਤੀ 'ਚ
NEXT STORY