ਮੁੰਬਈ- ਭਾਰਤੀ ਸੀਮਿਤ ਓਵਰ ਟੀਮ ਦੇ ਉਪ ਕਪਤਾਨ ਰੋਹਿਤ ਸ਼ਰਮਾ ਮੈਦਾਨ 'ਤੇ ਉਤਰੇ ਅਤੇ ਕੋਵਿਡ-19 ਲਾਕਡਾਊਨ ਤੋਂ ਬਾਅਦ ਆਪਣੀ ਪਹਿਲੀ ਆਊਟਡੋਰ ਟ੍ਰੇਨਿੰਗ ਕੀਤੀ। ਰੋਹਿਤ ਨੇ ਆਪਣਾ ਆਖਰੀ ਮੁਕਾਬਲਾ ਨਿਊਜ਼ੀਲੈਂਡ 'ਚ ਟੀ-20 ਸੀਰੀਜ਼ ਦੇ ਦੌਰਾਨ ਖੇਡਿਆ ਸੀ ਤੇ ਫਿਰ ਸੱਟ ਦੇ ਕਾਰਨ ਬਾਹਰ ਹੋ ਗਏ ਸਨ। ਰੋਹਿਤ ਨੇ ਆਪਣੇ ਇੰਸਟਾਗ੍ਰਾਮ ਪੇਜ 'ਤੇ ਲਿਖਿਆ- ਪਾਰਕ 'ਚ ਵਾਪਸੀ ਕਰਨਾ ਵਧੀਆ ਰਿਹਾ, ਕੁਝ ਟ੍ਰੇਨਿੰਗ ਕੀਤੀ, ਬਹੁਤ ਲੰਮੇ ਸਮੇਂ ਬਾਅਦ ਖੁਦ ਨੂੰ ਮਹਿਸੂਸ ਕੀਤਾ। ਹਾਲਾਂਕਿ ਪੋਸਟ ਤੋਂ ਇਹ ਪਤਾ ਨਹੀਂ ਚੱਲ ਸਕਿਆ ਕਿ ਉਨ੍ਹਾਂ ਨੇ ਕਿਸ ਮੈਦਾਨ 'ਤੇ ਟ੍ਰੇਨਿੰਗ ਕੀਤੀ। ਟੀਮ ਦੇ ਹੋਰ ਸਾਥੀ ਖਿਡਾਰੀਆਂ ਦੀ ਤਰ੍ਹਾਂ ਰੋਹਿਤ ਵੀ ਕੋਵਿਡ-19 ਮਹਾਮਾਰੀ ਨੂੰ ਰੋਕਣ ਦੇ ਲਈ 25 ਮਾਰਚ ਨੂੰ ਲੱਗੇ ਦੇਸ਼ 'ਚ ਲਾਕਡਾਊਨ ਤੋਂ ਬਾਅਦ ਆਪਣੇ ਘਰ 'ਚ ਹੀ ਹਨ।
ਟੈਸਟ ਟੀਮ ਦੇ ਉਸ ਦੇ ਸਾਥੀ ਚੇਤੇਸ਼ਵਰ ਪੁਜਾਪਾ ਨੇ ਹਾਲ 'ਚ ਰਾਜਕੋਟ 'ਚ ਨੈੱਟ 'ਤੇ ਬੱਲੇਬਾਜ਼ੀ ਅਭਿਆਸ ਸ਼ੁਰੂ ਕੀਤਾ। ਤੇਜ਼ ਗੇਂਦਬਾਜ਼ ਸ਼ਾਰਦੁਲ ਠਾਕੁਰ ਪਿਛਲੇ ਮਹੀਨੇ ਟ੍ਰੇਨਿੰਗ ਸ਼ੁਰੂ ਕਰਨ ਵਾਲੇ ਪਹਿਲੇ ਭਾਰਤੀ ਕ੍ਰਿਕਟਰ ਸਨ, ਉਨ੍ਹਾਂ ਨੇ ਪਾਲਘਰ ਜ਼ਿਲ੍ਹੇ 'ਚ ਬੋਈਸਰ 'ਚ ਨੈੱਟ 'ਤੇ ਗੇਂਦਬਾਜ਼ੀ ਕੀਤੀ।
1983 'ਚ ਅੱਜ ਦੇ ਦਿਨ ਭਾਰਤ ਨੇ ਜਿੱਤਿਆ ਸੀ ਪਹਿਲਾ ਕ੍ਰਿਕਟ ਵਿਸ਼ਵ ਕੱਪ
NEXT STORY 
