ਸਪੋਰਟਸ ਡੈਸਕ : ਬੁਲਗਾਰੀਆ ਦੇ ਟੈਨਿਸ ਸਟਾਰ ਅਤੇ ਅਮਰੀਕੀ ਪੌਪ ਸਿੰਗਰ ਨਿਕੋਲ ਸ਼ੇਰਜਿੰਗਰ ਦੀ ਪ੍ਰੇਮ ਕਹਾਣੀ ਹਮੇਸ਼ਾ ਤੋਂ ਹੀ ਉਤਾਰ-ਚੜਾਅ ਭਰੀ ਰਹੀ ਹੈ। ਦੋਵਾਂ ਵਿਚਾਲੇ ਅਫੇਅਰ ਦੀ ਸ਼ੁਰੁਆਤ 2015 ਵਿਚ ਹੋਈ ਸੀ। ਜਦੋਂ ਨਿਕੋਲ ਦਾ ਰਿਸ਼ਤਾ ਬ੍ਰਿਟਿਸ਼ ਫਾਰਮੂਲਾ ਵਨ ਰੇਸਰ ਲੂਈਸ ਹੈਮਿਲਟਨ ਨਾਲੋਂ ਟੁੱਟਿਆ ਸੀ ਪਰ ਅਜਿਹਾ ਲੱਗ ਰਿਹਾ ਜਿਵੇਂ ਇਕ ਵਾਰ ਫਿਰ ਨਿਕੋਲ ਸਿੰਗਲ ਹੋ ਗਈ ਹੈ। ਦਰਅਸਲ, ਇਨ੍ਹਾਂ ਦਿਨਾ ਵਿਚ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ। ਇਹ ਵੀਡੀਓ ਇਕ ਆਉਣ ਵਾਲੇ ਟੀ. ਵੀ. ਰਿਐਲਿਟੀ ਸ਼ੋਅ ਆਸਟਰੇਲੀਆ ਦੇ 'ਗਾਟ ਟੈਲੰਟ' ਦੀ ਹੈ। ਜਿਹੜੀ ਇਕ ਮਹੀਨੇ ਪਹਿਲਾਂ ਫਿਲਮਾਈ ਗਈ ਹੈ। ਇਹ ਸ਼ੋਅ ਦੇ ਇਕ ਐਪੀਸੋਡ ਦੀ ਇਕ ਵੀਡੀਓ ਲੀਕ ਹੋ ਗਈ ਹੈ। ਇਸ ਵਿਚ 41 ਸਾਲਾ ਨਿਕੋਲ ਇਕ ਪੁਰਸ਼ ਮੁਕਾਬਲੇਬਾਜ਼ ਨਾਲ ਫਲਰਟ ਕਰਦੀ ਨਜ਼ਰ ਆ ਰਹੀ ਹੈ ਅਤੇ ਖੁਦ ਨੂੰ ਸਿੰਗਲ ਦਸ ਰਹੀ ਹੈ। ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਹੁਣ ਇਹ ਅਫਵਾਹਾਂ ਜ਼ੋਰ ਫੜਨ ਲੱਗੀਆਂ ਹਨ ਕਿ ਕੀ ਸੱਚ ਵਿਚ ਨਿਕੋਲ ਅਤੇ ਦਿਮਿਤ੍ਰੋਵ ਦਾ ਰਿਸ਼ਤਾ ਖਤਮ ਹੋ ਗਿਆ ਹੈ ਜਾਂ ਫਿਰ ਉਹ ਸਿਰਫ ਮਜ਼ਾਕ ਕਰ ਰਹੀ ਸੀ।
ਨਿਕੋਲ ਤੋਂ ਉਮਰ ਵਿਚ ਤਕਰੀਬਨ 13 ਸਾਲ ਛੋਟਾ ਦਿਮਿਤ੍ਰੋਵ ਯੁ. ਐੱਸ. ਓਪਨ ਵਿਚ ਹਾਰ ਨਾਲ ਪਹਿਲਾਂ ਹੀ ਬਾਹਰ ਹੋ ਚੁੱਕਾ ਹੈ। ਉਹ ਪਹਿਲਾਂ ਗ੍ਰੈਂਡ ਸਲੈਮ ਜਿੱਤ ਕੇ ਇਤਿਹਾਸ ਬਣਾਉਣ ਤੋਂ ਖੁੰਝ ਗਿਆ ਹੈ ਅਤੇ ਸੈਮੀਫਾਈਨਲ ਵਿਚ ਹੀ ਹਾਰ ਗਿਆ ਸੀ। ਅਜਿਹੇ ਵਿਚ ਨਿਕੋਲ ਦੀ ਇਸ ਵੀਡੀਓ ਨੇ ਉਸ ਨੂੰ ਹੋਰ ਵੀ ਜ਼ਿਆਦਾ ਪਰੇਸ਼ਾਨ ਕਰ ਦਿੱਤਾ ਹੈ। ਕੁਝ ਮਹੀਨੇ ਪਹਿਲਾਂ ਵੀ ਦੋਵਾਂ ਦੇ ਰਿਸ਼ਤੇ ਵਿਚ ਕੁੜੱਤਣ ਦੀ ਗੱਲ ਸਾਹਮਣੇ ਆਈ ਸੀ ਪਰ ਉਦੋਂ ਦਿਮਿਤ੍ਰੋਵ ਨੇ ਇਨ੍ਹਾਂ ਖਬਰਾਂ ਨੂੰ ਰੱਦ ਕਰ ਦਿੱਤਾ ਸੀ। ਉਸਨੇ ਨੇ ਕਿਹਾ ਸੀ, ''ਸਾਡਾ ਰਿਸ਼ਤਾ ਆਸਾਨ ਨਹੀਂ ਹੈ, ਕਿਉਂਕਿ ਅਸੀਂ ਦੋਵੇਂ ਹੀ ਕੰਮ ਵਿਚ ਕਾਫੀ ਰੁੱਝੇ ਰਹਿੰਦੇ ਹਾਂ ਪਰ ਮੈਂ ਜਲਦੀ ਹੀ ਵਿਆਹ ਕਰਨ ਅਤੇ ਘਰ ਵਸਾਉਣ ਦੀ ਯੋਜਨਾ ਬਣਾ ਰਿਹਾ ਹਾਂ।''
ਸੱਟ ਦੇ ਕਾਰਨ ਕੈਰੇਬੀਅਨ ਲੀਗ ਤੋਂ ਬਾਹਰ ਹੋਏ ਡੀ.ਜੇ ਬਰਾਵੋ
NEXT STORY 
