ਰਿਆਦ, (ਭਾਸ਼ਾ) ਕ੍ਰਿਸਟੀਆਨੋ ਰੋਨਾਲਡੋ ਦੇ ਗੋਲ ਦੀ ਮਦਦ ਨਾਲ ਸਾਊਦੀ ਅਰਬ ਦੇ ਅਲ ਨਾਸਰ ਨੇ ਸੋਮਵਾਰ ਨੂੰ ਏਐਫਸੀ ਚੈਂਪੀਅਨਜ਼ ਲੀਗ ਦੇ ਇਲੀਟ ਗਰੁੱਪ ਪੜਾਅ ਦੇ ਮੈਚ 'ਚ ਕਤਰ ਦੇ ਅਲ ਰੇਯਾਨ ਨੂੰ 2-1 ਨਾਲ ਹਰਾਇਆ। ਪੰਜ ਵਾਰ ਦੇ ਬੈਲਨ ਡੀ'ਓਰ ਪੁਰਸਕਾਰ ਜੇਤੂ ਰੋਨਾਲਡੋ ਵਾਇਰਲ ਇਨਫੈਕਸ਼ਨ ਕਾਰਨ ਟੀਮ ਦੇ ਪਹਿਲੇ ਮੈਚ, ਦੋ ਹਫਤੇ ਪਹਿਲਾਂ ਇਰਾਕ ਦੇ ਅਲ ਸ਼ੌਰਤਾ ਖਿਲਾਫ 1-1 ਨਾਲ ਡਰਾਅ ਖੇਡਣ ਤੋਂ ਖੁੰਝ ਗਏ। ਸੋਮਵਾਰ ਨੂੰ ਉਸ ਦਾ ਇਕ ਗੋਲ ਆਫਸਾਈਡ ਰਿਹਾ ਪਰ ਮੈਚ ਖਤਮ ਹੋਣ ਤੋਂ 14 ਮਿੰਟ ਪਹਿਲਾਂ ਉਸ ਨੇ ਇਕ ਹੋਰ ਗੋਲ ਕਰਕੇ ਟੀਮ ਦੀ ਜਿੱਤ ਯਕੀਨੀ ਬਣਾਈ।
ਲਿਵਰਪੂਲ ਦੇ ਸਾਬਕਾ ਫਾਰਵਰਡ ਸਾਡਿਓ ਮਾਨੇ ਨੇ ਹਾਫ ਟਾਈਮ ਤੋਂ ਠੀਕ ਪਹਿਲਾਂ ਅਲ ਨਾਸਰ ਨੂੰ ਲੀਡ ਦਿਵਾਈ ਜਦਕਿ ਰੋਨਾਲਡੋ ਨੇ 2-0 ਨਾਲ ਅੱਗੇ ਹੋ ਗਿਆ। ਮੈਚ ਖਤਮ ਹੋਣ ਤੋਂ ਤਿੰਨ ਮਿੰਟ ਪਹਿਲਾਂ ਰੋਜਰ ਗੁਏਡੇਸ ਨੇ ਅਲ ਰੇਯਾਨ ਲਈ ਗੋਲ ਕੀਤਾ ਪਰ ਟੀਮ ਨੂੰ ਹਾਰ ਤੋਂ ਨਾ ਬਚਾ ਸਕੇ। ਹੋਰ ਮੈਚਾਂ ਵਿੱਚ ਸਾਊਦੀ ਅਰਬ ਦੇ ਅਲ ਅਹਲੀ ਨੇ ਯੂਏਈ ਦੇ ਅਲ ਵਾਸਲ ਨੂੰ 2-0 ਨਾਲ ਹਰਾ ਕੇ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ ਜਦਕਿ ਕਤਰ ਦੇ ਅਲ ਸਾਦ ਨੇ ਇਰਾਨ ਦੇ ਇਸਤੇਗਲਾਲ ਨੂੰ ਉਸੇ ਫਰਕ ਨਾਲ ਹਰਾਇਆ। ਈਰਾਨ ਦੇ ਪਰਸੇਪੋਲਿਸ ਅਤੇ ਉਜ਼ਬੇਕਿਸਤਾਨ ਦੇ ਪਖਤਾਕੋਰ ਵਿਚਕਾਰ ਮੈਚ 1-1 ਨਾਲ ਸਮਾਪਤ ਹੋਇਆ।
ਕਬੱਡੀ ਨੂੰ ਹੋਰ ਬਿਹਤਰ ਬਣਾਉਣ ਲਈ ਵੈਰੋਨਾ ਵਿਖੇ ਖੇਡ ਪ੍ਰਮੋਟਰਾਂ ਦੀ ਭਰਵੀਂ ਇੱਕਤਰਤਾ
NEXT STORY 
