ਸਪੋਰਟਸ ਡੈਸਕ– ਆਸਟਰੇਲੀਆ ਦੀ ਕ੍ਰਿਕਟ ਟੀਮ ਦੀਆਂ ਖਿਡਾਰਣਾਂ ਡੇਲਿਸਾ ਕਿਮਿੰਸ ਅਤੇ ਲਾਰਾ ਹੈਰਿਸ ਨੇ ਐਤਵਾਰ ਨੂੰ ਆਪਸ ’ਚ ਵਿਆਹ ਕਰਵਾ ਲਿਆ। ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਰਾਹੀਂ ਦਿੱਤੀ ਹੈ। ਉਨ੍ਹਾਂ ਨੇ ਕਈ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ ਅਤੇ ਆਪਣੀ ਜ਼ਿੰਦਗੀ ਦੇ ਇਸ ਖ਼ਾਸ ਦਿਨ ਨੂੰ ਯਾਦਗਾਰ ਬਣਾਉਣ ਵਾਲੇ ਲੋਕਾਂ ਦਾ ਧੰਨਵਾਦ ਕੀਤਾ।
2018-19 ਦੀ ਬਿਗ ਬੈਸ਼ ਲੀਗ ਜਿੱਤਣ ਤੋਂ ਕੀਤਾ ਸੀ ਪ੍ਰਪੋਜ਼
ਹੈਰਿਸ ਨੇ 2018-19 ਦਾ ਬੀਬੀਆਂ ਦਾ ਬਿਗ ਬੈਸ਼ ਲੀਗ ਜਿੱਤਣ ਤੋਂ ਬਾਅਦ ਕਿਮਿੰਸ ਨੂੰ ਪ੍ਰਪੋਜ਼ ਕੀਤਾ ਸੀ। ਦੋਵਾਂ ਨੇ 4 ਸਾਲ ਤਕ ਇਕ-ਦੂਜੇ ਨੂੰ ਡੇਟ ਕੀਤਾ ਸੀ। ਦੋਵੇਂ ਬੈਟਰ ਬ੍ਰਿਸਬੇਨ ਹੀਟ ਦੀ ਟੀਮ ਦਾ ਹਿੱਸਾ ਸਨ।
ਡੇਲਿਸਾ ਨੇ ਇੰਸਟਾਗ੍ਰਾਮ ’ਤੇ ਸੇਅਰ ਕੀਤੀਆਂ ਤਸਵੀਰਾਂ
ਡੇਲਿਸਾ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਤਸਵੀਰਾਂ ਦੇ ਨਾਲ ਮੈਸੇਜ ਲਿਖਿਆ- ‘ਸਾਡੇ ਵਿਆਹ ਵਾਲੇ ਦਿਨ ਨੂੰ ਸਾਡੀ ਜ਼ਿੰਦਗੀ ਦਾ ਸਭ ਤੋਂ ਖ਼ਾਸ ਦਿਨ ਬਣਾਉਣ ਵਾਲਿਆਂ ਦਾ ਬਹੁਤ ਧੰਨਵਾਦ। ਬ੍ਰਾਈਡਸਮੈਨ ਤੋਂ ਲੈ ਕੇ ਬ੍ਰਾਈਡਸਮੇਡ, ਸਾਡੇ ਨਾਲ ਰਹਿਣ ਦਾ ਧੰਨਵਾਦ। ਸਾਡੇ ਪਰਿਵਾਰ ਅਤੇ ਦੋਸਤਾਂ, ਜਿਨ੍ਹਾਂ ਨੇ ਆਪਣੇ ਇਹ ਦਿਨ ਸਾਡੇ ਨਾਲ ਗੁਜ਼ਾਰਿਆ, ਅਸੀਂ ਉਸ ਚੰਗੇ ਸਮੇਂ ਅਤੇ ਪਿਆਰ ਲਈ ਤੁਹਾਡੇ ਧੰਨਵਾਦੀ ਹਾਂ ਜੋ ਅਸੀਂ ਤੁਹਾਡੇ ਨਾਲ ਗੁਜ਼ਾਰਿਆ।’
ਬ੍ਰਿਸਬੇਨ ਹੀਟ ਦੀ ਟੀਮ ਦਾ ਰਹੀਆਂ ਹਿੱਸਾ
29 ਸਾਲਾਂ ਹੈਰਿਸ ਨੇ ਮਹਿਲਾ ਬਿਗ ਬੈਸ਼ ਲੀਗ ’ਚ ਤਿੰਨ ਸੀਜ਼ਨ ਬ੍ਰਿਸਬੇਨ ਹੀਟ ਲਈ ਖੇਡੇ ਹਨ। ਫ੍ਰੈਂਚਾਈਜ਼ੀ ਲਈ ਉਨ੍ਹਾਂ ਦੇ ਕਰੀਅਰ ਦਾ ਸਭ ਤੋਂ ਯਾਦਗਾਰ ਪਲ 2018-19 ’ਚ ਆਇਆ ਸੀ ਜਦੋਂ ਉਨ੍ਹਾਂ ਨੇ ਚੌਕਾ ਲਗਾ ਕੇ ਆਪਣੀ ਟੀਮ ਨੂੰ ਚੈਂਪੀਅਨ ਬਣਾਇਆ ਸੀ। 2016-17 ਦੇ ਸੀਜ਼ਨ ’ਚ ਉਨ੍ਹਾਂ ਨੇ ਕਵੀਂਸਲੈਂਡ ਦੀ ਮਹਿਲਾ ਟੀਮ ਲਈ ਡੈਬਿਊ ਕੀਤਾ ਸੀ।
ਕਿਮਿੰਸ ਨੇ ਖੇਡੇ ਹਨ 16 ਵਨ-ਡੇ ਇੰਟਰਨੈਸ਼ਨਲ
ਕਿਮਿੰਸ ਨੇ ਦੂਜੇ ਪਾਸੇ 16 ਵਨ-ਡੇ ਇੰਟਰਨੈਸ਼ਨਲ ਮੈਚਾਂ ’ਚ ਆਸਟਰੇਲੀਆ ਦੀ ਅਗਵਾਈ ਕੀਤੀ ਹੈ। ਇਸ ਵਿਚ ਉਨ੍ਹਾਂ ਨੇ 79 ਦੌੜਾਂ ਬਣਾਈਆਂ ਹਨ ਅਤੇ 14 ਵਿਕਟਾਂ ਲਈਆਂ ਹਨ। ਟੀ-20 ਇੰਟਰਨੈਸ਼ਨਲ ’ਚ ਉਨ੍ਹਾਂ ਨੇ 41 ਵਾਰ ਆਸਟਰੇਲੀਆ ਦੀ ਅਗਵਾਈ ਕੀਤੀ ਹੈ ਅਤੇ 162 ਦੌੜਾਂ ਬਣਾਈਆਂ ਹਨ।
ਸੰਨਿਆਸ ਤੋਂ ਬਾਅਦ ਹੁਣ ਇਸ ਖ਼ੇਤਰ 'ਚ ਮਹਿੰਦਰ ਸਿੰਘ ਧੋਨੀ ਅਜਮਾਉਣਗੇ ਆਪਣੀ ਕਿਸਮਤ
NEXT STORY 
