ਸਪੋਰਟਸ ਡੈਸਕ : ਨਵੀਂ ਮੁੰਬਈ ਦੇ ਮੈਦਾਨ 'ਚ ਗ੍ਰੇਸ ਹੈਰਿਸ ਅਤੇ ਸੋਫੀ ਏਕਲਸਟੋਨ ਦੀ ਧਮਾਕੇਦਾਰ ਸਾਂਝੇਦਾਰੀ ਦੀ ਬਦੌਲਤ ਯੂਪੀ ਵਾਰੀਅਰਜ਼ ਨੇ ਗੁਜਰਾਤ ਜਾਇੰਟਸ ਦੇ ਜਬਾੜੇ ਤੋਂ ਜਿੱਤ ਖੋਹ ਲਈ। ਇਸ ਤੋਂ ਪਹਿਲਾਂ ਗੁਜਰਾਤ ਨੇ ਹਰਲੀਨ ਦਿਓਲ ਦੀਆਂ 46 ਦੌੜਾਂ ਦੀ ਬਦੌਲਤ 169 ਦੌੜਾਂ ਬਣਾਈਆਂ। ਜਵਾਬ 'ਚ ਯੂ.ਪੀ ਵਾਰੀਅਰਸ ਦੀ ਟੀਮ ਗੁਜਰਾਤ ਦੀ ਗੇਂਦਬਾਜ਼ ਕਿਮ ਗਰਥ ਦੇ ਸਾਹਮਣੇ ਸਮਰਪਣ ਕਰਦੀ ਨਜ਼ਰ ਆਈ। ਗਰਥ ਨੇ 36 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ ਜਿਸ ਕਾਰਨ ਯੂ.ਪੀ ਦੀ ਟੀਮ ਸੱਤ ਵਿਕਟਾਂ 'ਤੇ 105 ਦੌੜਾਂ 'ਤੇ ਸਿਮਟ ਗਈ ਪਰ ਗ੍ਰੇਸ ਹੈਰਿਸ ਅਤੇ ਸੋਫੀ ਏਕਲਸਟੋਨ ਨੇ ਫਿਰ ਗੇਅਰ ਬਦਲਿਆ ਤੇ ਵਿਕਟ ਦੇ ਚਾਰੇ ਪਾਸੇ ਸ਼ਾਟ ਮਾਰਦੇ ਹੋਏ ਆਪਣੀ ਟੀਮ ਨੂੰ ਜਿੱਤ ਵੱਲ ਲੈ ਗਏ। ਗ੍ਰੇਸ ਹੈਰਿਸ ਨੇ 53 ਅਤੇ ਸੋਫੀਆ ਨੇ 22 ਦੌੜਾਂ ਬਣਾਈਆਂ।
ਇਸ ਤੋਂ ਪਹਿਲਾਂ, ਹਰਲੀਨ ਦਿਓਲ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝ ਗਈ ਪਰ ਉਸ ਦੀ 46 ਦੌੜਾਂ ਦੀ ਉਪਯੋਗੀ ਪਾਰੀ ਦੀ ਮਦਦ ਨਾਲ ਗੁਜਰਾਤ ਜਾਇੰਟਸ ਨੇ ਮਹਿਲਾ ਪ੍ਰੀਮੀਅਰ ਲੀਗ (ਡਬਲਯੂਪੀਐਲ) ਟੀ-20 ਕ੍ਰਿਕਟ ਟੂਰਨਾਮੈਂਟ ਦੇ ਮੈਚ ਵਿੱਚ ਯੂਪੀ ਵਾਰੀਅਰਜ਼ ਦੇ ਖਿਲਾਫ ਛੇ ਵਿਕਟਾਂ 'ਤੇ 169 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਖੜ੍ਹਾ ਕੀਤਾ। ਹਰਲੀਨ ਨੇ ਆਪਣੀ ਪਾਰੀ ਵਿੱਚ 32 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ ਸੱਤ ਚੌਕੇ ਲਗਾਏ। ਉਨ੍ਹਾਂ ਤੋਂ ਇਲਾਵਾ ਐਸ਼ਲੇ ਗਾਰਡਨਰ (19 ਗੇਂਦਾਂ 'ਤੇ 25, ਦੋ ਚੌਕੇ, ਇਕ ਛੱਕਾ), ਸਲਾਮੀ ਬੱਲੇਬਾਜ਼ ਐਸ ਮੇਘਨਾ (15 ਗੇਂਦਾਂ 'ਤੇ 24 ਦੌੜਾਂ) ਅਤੇ ਦਿਆਲਨ ਹੇਮਲਤਾ (13 ਗੇਂਦਾਂ 'ਤੇ ਅਜੇਤੂ 21 ਦੌੜਾਂ) ਨੇ ਵੀ ਲਾਭਦਾਇਕ ਯੋਗਦਾਨ ਪਾਇਆ। ਵਾਰੀਅਰਜ਼ ਲਈ ਆਫ ਸਪਿਨਰ ਦੀਪਤੀ ਸ਼ਰਮਾ ਅਤੇ ਖੱਬੇ ਹੱਥ ਦੀ ਸਪਿਨਰ ਸੋਫੀ ਏਕਲਸਟੋਨ ਨੇ ਦੋ-ਦੋ ਵਿਕਟਾਂ ਲਈਆਂ।
ਪਹਿਲੇ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਤੋਂ 143 ਦੌੜਾਂ ਦੀ ਕਰਾਰੀ ਹਾਰ ਝੱਲਣ ਵਾਲੀ ਗੁਜਰਾਤ ਜਾਇੰਟਸ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕਰਨ ਤੋਂ ਬਾਅਦ ਐਸ ਮੇਘਨਾ ਅਤੇ ਸੋਫੀਆ ਡੰਕਲੇ (13) ਨੇ ਪਹਿਲੀ ਵਿਕਟ ਲਈ 34 ਦੌੜਾਂ ਜੋੜ ਕੇ ਚੰਗੀ ਸ਼ੁਰੂਆਤ ਕੀਤੀ। ਇਹ ਦੋ ਸਲਾਮੀ ਬੱਲੇਬਾਜ਼
ਹਾਲਾਂਕਿ ਪੰਜ ਗੇਂਦਾਂ ਦੇ ਅੰਦਰ ਹੀ ਪੈਵੇਲੀਅਨ ਪਰਤ ਗਏ। ਦੀਪਤੀ ਸ਼ਰਮਾ ਨੇ ਡੰਕਲੇ ਨੂੰ ਬੋਲਡ ਕੀਤਾ ਜਦੋਂ ਕਿ ਐਕਲਸਟੋਨ ਨੇ ਮੇਘਨਾ ਨੂੰ ਸ਼ਾਰਟ ਥਰਡ ਮੈਨ 'ਤੇ ਸਧਾਰਨ ਕੈਚ ਲੈਣ ਲਈ ਮਜਬੂਰ ਕੀਤਾ। ਮੇਘਨਾ ਨੇ ਆਪਣੀ 15 ਗੇਂਦਾਂ ਦੀ ਪਾਰੀ ਵਿੱਚ ਪੰਜ ਚੌਕੇ ਜੜੇ। ਐਕਲਸਟੋਨ ਨੇ ਵੀ ਐਨਾਬੇਲ ਸਦਰਲੈਂਡ (ਅੱਠ) ਨੂੰ ਜ਼ਿਆਦਾ ਦੇਰ ਟਿਕਣ ਨਹੀਂ ਦਿੱਤਾ। ਅੰਜਲੀ ਸਰਵਾਨੀ ਨੇ ਲਾਂਗ ਆਨ 'ਤੇ ਦੌੜ ਕੇ ਉਸਦਾ ਕੈਚ ਫੜਿਆ।
ਸੁਸ਼ਮਾ ਵਰਮਾ (9) ਆਊਟ ਹੋਣ ਵਾਲੀ ਅਗਲੀ ਬੱਲੇਬਾਜ਼ ਸੀ, ਜਿਸ ਨੇ ਮੱਧਮ ਤੇਜ਼ ਗੇਂਦਬਾਜ਼ ਤਾਲੀਆ ਮੈਕਗ੍ਰਾ ਨੂੰ ਸਵੀਪ ਕਰਨ ਦੀ ਕੋਸ਼ਿਸ਼ ਵਿੱਚ ਆਪਣਾ ਵਿਕਟ ਗੁਆ ਦਿੱਤਾ। ਇੱਥੋਂ ਹਰਲੀਨ ਨੇ ਗਾਰਡਨਰ ਨਾਲ ਪੰਜਵੇਂ ਵਿਕਟ ਲਈ 44 ਦੌੜਾਂ ਦੀ ਅਹਿਮ ਸਾਂਝੇਦਾਰੀ ਕੀਤੀ। ਦੀਪਤੀ ਨੇ ਆਪਣੇ ਦੂਜੇ ਸਪੈੱਲ ਵਿੱਚ ਗਾਰਡਨਰ ਨੂੰ ਆਊਟ ਕਰਕੇ ਸਾਂਝੇਦਾਰੀ ਨੂੰ ਤੋੜਿਆ। ਹਰਲੀਨ ਨੇ ਫਿਰ ਹਮਲਾਵਰ ਰਵੱਈਆ ਅਪਣਾਇਆ। ਉਸ ਨੇ ਲੈੱਗ ਸਪਿੰਨਰ ਦੇਵਿਕਾ ਵੈਦਿਆ ਨੂੰ ਲਗਾਤਾਰ ਚਾਰ ਚੌਕੇ ਲਾਏ ਪਰ ਅਗਲੇ ਓਵਰ ਵਿੱਚ ਲੰਮਾ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਵਿੱਚ ਅੰਜਲੀ ਸਰਵਾਨੀ ਦੇ ਹੱਥੋਂ ਬਾਊਂਡਰੀ ਲਾਈਨ ’ਤੇ ਕੈਚ ਹੋ ਗਏ।
ਇਸ ਤੋਂ ਬਾਅਦ ਹੇਮਲਤਾ ਅਤੇ ਕੇਅਰਟੇਕਰ ਕਪਤਾਨ ਸਨੇਹ ਰਾਣਾ (9) ਨੇ ਆਖਰੀ 16 ਗੇਂਦਾਂ 'ਤੇ 27 ਦੌੜਾਂ ਬਣਾਈਆਂ। ਹੇਮਲਤਾ ਨੇ ਆਪਣੀ ਪਾਰੀ ਵਿੱਚ ਦੋ ਚੌਕੇ ਅਤੇ ਇੱਕ ਛੱਕਾ ਲਗਾਇਆ। ਗੁਜਰਾਤ ਜਾਇੰਟਸ ਦੀ ਕਪਤਾਨ ਬੇਥ ਮੂਨੀ ਮੁੰਬਈ ਇੰਡੀਅਨਜ਼ ਖਿਲਾਫ ਪਹਿਲੇ ਮੈਚ 'ਚ ਜ਼ਖਮੀ ਹੋ ਗਈ ਸੀ ਅਤੇ ਇਸ ਲਈ ਉਸ ਨੂੰ ਇਸ ਮੈਚ ਲਈ ਆਰਾਮ ਦਿੱਤਾ ਗਿਆ ਸੀ।
WPL, RCB vs DC : ਦਿੱਲੀ ਕੈਪੀਟਲਜ਼ ਨੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੂੰ 60 ਦੌੜਾਂ ਨਾਲ ਹਰਾਇਆ
NEXT STORY 
