ਡਾ.ਸੁਰਿੰਦਰ ਸਿੰਘ
ਜ਼ਿਲ੍ਹਾ ਜਲੰਧਰ ਵਿੱਚ ਝੋਨੇ ਦੀ ਪਰਾਲੀ ਦੀ ਸੁੱਚਝੀ ਸੰਭਾਲ ਕਰਨ ਹਿੱਤ ਵੱਖ-ਵੱਖ ਉਪਰਾਲੇ ਕਿਸਾਨਾਂ ਵਲੋਂ ਕੀਤੇ ਗਏ ਹਨ। ਡਾ. ਸੁਰਿੰਦਰ ਸਿੰਘ, ਮੁੱਖ ਖੇਤੀਬਾੜੀ ਅਫ਼ਸਰ, ਜਲੰਧਰ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਹੈ ਕਿ ਭਾਵੇਂ ਵਿਭਾਗ ਵਲੋਂ ਕਿਸਾਨਾਂ ਨੂੰ ਸੁਪਰ ਸਟਰਾਅ ਮੈਨੇਜਮੈਂਟ ਸਿਸਟਮ ਅਪਣਾਉਂਦੇ ਹੋਏ, ਮਲਚਰ, ਰੋਟਾਵੇਟਰ, ਸਟਰਾਅ ਚੌਪਰ, ਐੱਮ.ਬੀ ਪਲਾਓ, ਹੈਪੀ ਸਡਿਰ ਜਾਂ ਸੁਪਰ ਸੀਡਰ ਆਦਿ ਵਰਗੀਆਂ ਵੱਖ-ਵੱਖ ਮਸ਼ੀਨਾਂ ਵਰਤਦੇ ਹੋਏ ਕਣਕ ਅਤੇ ਆਲੂਆਂ ਦੀ ਕਾਸ਼ਤ ਕਰਨ ਦੀ ਸਲਾਹ ਦਿੱਤੀ ਜਾ ਰਹੀ ਹੈ ਪਰ ਇਸ ਦੇ ਨਾਲ-ਨਾਲ ਰਾਜ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਦੀਆਂ ਹਦਾਇਤਾਂ ਅਨੁਸਾਰ ਜ਼ਿਲ੍ਹਾ ਜਲੰਧਰ ਦੇ ਵੱਖ-ਵੱਖ ਬਲਾਕਾਂ ਵਿੱਚ ਪਰਾਲੀ ਡੀਕੰਮਪੋਜਰ ਵਿਧੀ ਰਾਹੀਂ ਝੋਨੇ ਦੀ ਪਰਾਲੀ ਨੂੰ ਗਾਲਣ ਲਈ 10 ਪ੍ਰਦਰਸ਼ਨੀ ਪਲਾਟ ਵੀ ਲਗਵਾਏ ਹਨ।
ਪੜ੍ਹੋ ਇਹ ਵੀ ਖ਼ਬਰ - Health Tips: ਤੇਜ਼ੀ ਨਾਲ ਭਾਰ ਘਟਾਉਣ ਦੇ ਚਾਹਵਾਨ ਲੋਕ ਰੋਜ਼ਾਨਾ ਕਰਨ ਇਨ੍ਹਾਂ ਚੀਜ਼ਾਂ ਦੀ ਵਰਤੋਂ, ਹੋਵੇਗਾ ਫ਼ਾਇਦਾ
ਡਾਇਰੈਕਟਰ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ, ਪੰਜਾਬ ਰਾਹੀਂ ਮਾਈਕ੍ਰੋਬੀਅਲ ਟੈਕਨਾਲੋਜੀ ਨਾਲ ਸਬੰਧਤ ਪ੍ਰਤੀ ਪ੍ਰਦਰਸ਼ਨੀ ਪਲਾਟ 5 ਡੀਕੰਪੋਜਰ ਕੈਪਸੂਲ ਪ੍ਰਾਪਤ ਕੀਤੇ ਗਏ ਅਤੇ ਹਦਾਇਤਾਂ ਅਨੁਸਾਰ 5 ਲੀਟਰ ਪਾਣੀ ਵਿੱਚ 150 ਗ੍ਰਾਮ ਗੁੜ ਅਤੇ 50 ਗ੍ਰਾਮ ਵੇਸਣ ਦਾ ਘੋਲ 10 ਦਿਨਾਂ ਵਾਸਤੇ ਤਿਆਰ ਕਰਦੇ ਹੋਏ ਜ਼ਿਲ੍ਹਾ ਜਲੰਧਰ ਦੇ ਹਰ ਬਲਾਕ ਵਿੱਚ ਝੋਨੇ ਦੀ ਇੱਕ ਟਨ ਪਰਾਲੀ ਤੇ ਇਸ ਘੋਲ ਦਾ ਸਪਰੇਅ ਕਰਵਾਇਆ ਗਿਆ।
ਪੜ੍ਹੋ ਇਹ ਵੀ ਖ਼ਬਰ - Beauty Tips : ਚਿਹਰੇ ਤੇ ਵਾਲਾਂ ਦੀ ਖ਼ੂਬਸੂਰਤੀ ਵਧਾਉਣ ਲਈ ਇਸ ‘ਪਾਣੀ’ ਦੀ ਕਰੋ ਵਰਤੋਂ
ਡਾ. ਸੁਰਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਘੋਲ ਦੇ ਸਪਰੇਅ ਉਪਰੰਤ ਖੇਤਾਂ ਵਿੱਚ ਪਈ ਪਰਾਲੀ ਦੀ ਗਲਣ ਦੀ ਪ੍ਰਕ੍ਰਿਆ ਨੋਟ ਕੀਤੀ ਜਾ ਰਹੀ ਹੈ। ਡਾ. ਸਿੰਘ ਅਨੁਸਾਰ ਸ. ਗੁਰਦੀਪ ਸਿੰਘ ਪਿੰਡ ਕੁਰੇਸ਼ੀਆਂ, ਬਲਾਕ ਭੋਗਪੁਰ ਨੇ ਆਪਣੇ ਇੱਕ ਏਕੜ ਰਕਬੇ ਵਿੱਚ ਇਸ ਮਾਈਕ੍ਰੋਬੀਅਲ ਟੈਕਨੋਲੋਜੀ ਰਾਹੀਂ ਤਿਆਰ ਕੀਤਾ ਘੋਲ ਸਪਰੇਅ ਕੀਤਾ, ਜਿਸ ਉਪਰੰਤ ਤਕਰੀਬਨ 15-20 ਦਿਨਾਂ ਬਾਅਦ ਝੋਨੇ ਦੀ ਪਰਾਲੀ ਗਲਣ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਅਤੇ ਇਸ ਉਪਰੰਤ ਕਿਸਾਨ ਵੱਲੋ ਕਣਕ ਦੀ ਬਿਜਾਈ ਕੀਤੀ ਗਈ।
ਪੜ੍ਹੋ ਇਹ ਵੀ ਖ਼ਬਰ - ਸ਼ੁੱਕਰਵਾਰ ਨੂੰ ਜ਼ਰੂਰ ਕਰੋ ਇਹ ਖ਼ਾਸ ਉਪਾਅ, ਪੂਰੀ ਹੋਵੇਗੀ ਤੁਹਾਡੀ ਹਰੇਕ ਮਨੋਕਾਮਨਾ
ਇਸੇ ਤਰ੍ਹਾਂ ਪਿੰਡ ਹਰਦੋਫਰਾਲਾ ਬਲਾਕ ਜਲੰਧਰ ਪੂਰਬੀ ਦੇ ਕਿਸਾਨ ਸ. ਸਤਨਾਮ ਸਿੰਘ, ਪਿੰਡ ਸੱਤੋਵਾਲੀ ਬਲਾਕ ਆਦਮਪੁਰ ਦੇ ਹਰਜੋਤ ਸਿੰਘ ਅਤੇ ਪਿੰਡ ਮਹਿਸਮਪੁਰ ਬਲਾਕ ਨਕੋਦਰ ਤੋਂ ਕੁਲਬੀਰ ਸਿੰਘ ਅਤੇ ਰੁੜਕਾ ਕਲਾਂ ਤੋ ਤਰਲੋਕ ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਪਰਾਲੀ ਨੂੰ ਗਾਲਣ ਲਈ ਇਸ ਵਿੱਧੀ ਦੀ ਕਾਮਯਾਬੀ ਲਈ ਇਸ ਦਾ ਇਸਤੇਮਾਲ ਝੋਨੇ ਦੀ ਵਾਡੀ ਕਰਨ ਤੋਂ ਤੁਰੰਤ ਬਾਅਦ ਕਰਨ ਨਾਲ ਕੁੱਝ ਹੱਦ ਤੱਕ ਹੋ ਸਕਦੀ ਹੈ। ਕਿਸਾਨਾਂ ਨੇ ਇਸ ਮਾਈਕ੍ਰੋਬੀਅਲ ਟੈਕਨੋਲੋਜੀ ਦਾ ਇਸਤੇਮਾਲ ਕਰਨ ਉਪਰੰਤ ਪ੍ਰਦਰਸ਼ਨੀ ਵਾਲੇ ਖੇਤਾਂ ਵਿੱਚ ਕਣਕ ਦੀ ਕਾਸ਼ਤ ਕੀਤੀ।
ਡਾ. ਸੁਰਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਇਨ੍ਹਾਂ ਤਜਰਬੇ ਵਾਲੇ ਪ੍ਰਦਰਸ਼ਨੀ ਪਲਾਟਾ ਰਾਹੀਂ ਜਾਗਰੂਕ ਕਰਨ ਦਾ ਮਕਸਦ ਜ਼ਿਲ੍ਹੇ ਵਿੱਚ ਪਰਾਲੀ ਦੀ ਸੰਭਾਲ ਲਈ ਕਿਸਾਨਾਂ ਨੂੰ ਹੋਰ ਤਰੀਕਿਆਂ ਬਾਰੇ ਜਾਗਰੂਕ ਕਰਨਾ ਵੀ ਸੀ। ਇਸ ਦੇ ਨਾਲ-ਨਾਲ ਭਵਿੱਖ ਵਿੱਚ ਟੋਇਆ ਵਿਧੀ ਰਾਹੀਂ ਰੂੜੀ ਦੀ ਖਾਦ ਬਣਾਉਣ ਅਤੇ ਟੋਇਆ ਵਿੱਚ ਜੈਵਿਕ ਮਾਦਾ ਜਲਦੀ ਗਾਲਣ ਲਈ ਵੀ ਇਸ ਤਰ੍ਹਾਂ ਦੀ ਡੀ ਕੰਮਪੋਜਟ ਮਾਈਕ੍ਰੋਬੀਅਲ ਟੈਕਨੋਲੋਜੀ ਦਾ ਇਸਤੇਮਾਲ ਕੀਤਾ ਜਾਵੇਗਾ। ਖੇਤੀਬਾੜੀ ਵਿਭਾਗ ਜਲੰਧਰ ਦੇ ਮਾਹਿਰ ਡਾ.ਰਣਜੀਤ ਸਿੰਘ ਚੋਹਾਨ, ਡਾ.ਜਸਵੰਤ ਰਾਏ, ਡਾ.ਅਰੁਣ ਕੋਹਲੀ, ਡਾ. ਮਨਦੀਪ ਸਿੰਘ ਅਤੇ ਡਾ.ਸੁਰਜੀਤ ਸਿੰਘ ਨੇ ਕਿਹਾ ਹੈ ਕਿ ਇਨ੍ਹਾਂ ਡੀਕੰਪੋਜ਼ਰ ਤਕਨੀਕ ਰਾਹੀਂ ਤਿਆਰ ਫੰਫੂਦੀ ਦੇ ਘੋਲ ਨੂੰ ਤਕਨੀਕੀ ਗਿਆਨ ਅਪਣਾਉਂਦੇ ਹੋਏ ਹੋਰ ਅੱਗੇ ਵਧਾਇਆ ਵੀ ਜਾ ਸਕਦਾ ਹੈ। ਜ਼ਿਲ੍ਹੇ ਦੇ ਕਈਂ ਕਿਸਾਨਾਂ ਨੂੰ ਇਸ ਮਾਈਕ੍ਰੋਬੀਅਲ ਘੋਲ ਨੂੰ ਭਵਿੱਖ ਵਿੱਚ ਰੂੜੀ ਦੀ ਖਾਦ ਆਦਿ ਤਿਆਰ ਕਰਨ ਲਈ ਰੱਖਣ ਲਈ ਵੀ ਕਿਹਾ ਜਾ ਰਿਹਾ ਹੈ।
ਡਾ. ਨਰੇਸ਼ ਕੁਮਾਰ ਗੁਲਾਟੀ ਖੇਤੀਬਾੜੀ ਅਫਸਰ
ਕਮ ਸੰਪਰਕ ਅਫਸਰ, ਖੇਤੀਬਾੜੀ ਅਤੇ ਕਿਸਾਨ
ਭਲਾਈ ਵਿਭਾਗ, ਜਲੰਧਰ।
ਹੁਣ ਕਾਲੀ ਕਣਕ ਚਮਕਾਏਗੀ ਕਿਸਾਨਾਂ ਦੀ ਕਿਸਮਤ, ਇਨ੍ਹਾਂ ਬੀਮਾਰੀਆਂ ਲਈ ਵੀ ਹੈ ਲਾਹੇਵੰਦ
NEXT STORY