ਬਿਜਨੈੱਸ ਡੈਸਕ : ਦੇਸ਼ ਦੇ ਪ੍ਰਮੁੱਖ ਸਰਕਾਰੀ ਬੈਂਕ ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ਆਪਣੇ ਗਾਹਕਾਂ ਲਈ ਫਿਕਸਡ ਡਿਪਾਜ਼ਿਟ (FD) 'ਤੇ ਬਹੁਤ ਹੀ ਆਕਰਸ਼ਕ ਵਿਆਜ ਦਰਾਂ ਦੀ ਪੇਸ਼ਕਸ਼ ਕੀਤੀ ਹੈ। ਬੈਂਕ ਹੁਣ ਆਪਣੇ ਗਾਹਕਾਂ ਨੂੰ ਵੱਖ-ਵੱਖ ਮਿਆਦਾਂ ਦੀਆਂ ਐਫਡੀ 'ਤੇ 3.00 ਫੀਸਦੀ ਤੋਂ ਲੈ ਕੇ 7.40 ਫੀਸਦੀ ਤੱਕ ਦਾ ਬੰਪਰ ਵਿਆਜ ਦੇ ਰਿਹਾ ਹੈ। ਗਾਹਕ ਇਸ ਬੈਂਕ ਵਿੱਚ ਘੱਟੋ-ਘੱਟ 7 ਦਿਨਾਂ ਤੋਂ ਲੈ ਕੇ ਵੱਧ ਤੋਂ ਵੱਧ 10 ਸਾਲ ਤੱਕ ਦੀ ਮਿਆਦ ਲਈ ਨਿਵੇਸ਼ ਕਰ ਸਕਦੇ ਹਨ।
444 ਦਿਨਾਂ ਦੀ ਵਿਸ਼ੇਸ਼ ਸਕੀਮ 'ਤੇ ਸਭ ਤੋਂ ਵੱਧ ਵਿਆਜ
ਜਾਣਕਾਰੀ ਅਨੁਸਾਰ ਪੀਐਨਬੀ ਨੇ ਹਾਲ ਹੀ ਵਿੱਚ 444 ਦਿਨਾਂ ਦੀ ਇੱਕ ਵਿਸ਼ੇਸ਼ ਐਫਡੀ ਸਕੀਮ ਸ਼ੁਰੂ ਕੀਤੀ ਹੈ, ਜਿਸ ਵਿੱਚ ਸਭ ਤੋਂ ਵੱਧ ਵਿਆਜ ਦਿੱਤਾ ਜਾ ਰਿਹਾ ਹੈ। ਇਸ ਸਕੀਮ ਤਹਿਤ:
•ਆਮ ਨਾਗਰਿਕਾਂ ਨੂੰ: 6.60 ਫੀਸਦੀ ਵਿਆਜ।
•ਸੀਨੀਅਰ ਨਾਗਰਿਕਾਂ ਨੂੰ: 7.10 ਫੀਸਦੀ ਵਿਆਜ।
•ਅਤਿ ਸੀਨੀਅਰ ਨਾਗਰਿਕਾਂ (80 ਸਾਲ ਤੋਂ ਉੱਪਰ) ਨੂੰ: 7.40 ਫੀਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ।
1 ਲੱਖ ਰੁਪਏ ਦੇ ਨਿਵੇਸ਼ 'ਤੇ ਕਿੰਨਾ ਹੋਵੇਗਾ ਫਾਇਦਾ?
ਜੇਕਰ ਤੁਸੀਂ ਲੰਬੀ ਮਿਆਦ ਲਈ ਨਿਵੇਸ਼ ਕਰਨਾ ਚਾਹੁੰਦੇ ਹੋ, ਤਾਂ ਬੈਂਕ 5 ਤੋਂ 10 ਸਾਲਾਂ ਦੀ ਐੱਫਡੀ 'ਤੇ ਆਮ ਨਾਗਰਿਕਾਂ ਨੂੰ 6.00% ਅਤੇ ਸੀਨੀਅਰ ਤੇ ਅਤਿ ਸੀਨੀਅਰ ਨਾਗਰਿਕਾਂ ਨੂੰ 6.80% ਵਿਆਜ ਦੇ ਰਿਹਾ ਹੈ। ਗਣਨਾ ਦੇ ਅਨੁਸਾਰ ਜੇਕਰ ਕੋਈ ਸੀਨੀਅਰ ਜਾਂ ਅਤਿ ਸੀਨੀਅਰ ਨਾਗਰਿਕ ਬੈਂਕ ਵਿੱਚ 6 ਸਾਲਾਂ ਲਈ 1 ਲੱਖ ਰੁਪਏ ਜਮ੍ਹਾਂ ਕਰਾਉਂਦਾ ਹੈ, ਤਾਂ ਉਸਨੂੰ ਮਿਆਦ ਪੂਰੀ ਹੋਣ (Maturity) 'ਤੇ 49,866 ਰੁਪਏ ਦਾ ਗਾਰੰਟੀਸ਼ੁਦਾ ਵਿਆਜ ਮਿਲੇਗਾ, ਜਿਸ ਨਾਲ ਕੁੱਲ ਰਕਮ 1,49,866 ਰੁਪਏ ਹੋ ਜਾਵੇਗੀ। ਦੂਜੇ ਪਾਸੇ, ਆਮ ਨਾਗਰਿਕਾਂ ਨੂੰ ਇਸੇ ਮਿਆਦ ਲਈ 1 ਲੱਖ ਰੁਪਏ 'ਤੇ 42,950 ਰੁਪਏ ਦਾ ਫਿਕਸ ਵਿਆਜ ਮਿਲੇਗਾ। ਅੱਜ ਵੀ ਦੇਸ਼ ਦੀ ਇੱਕ ਵੱਡੀ ਆਬਾਦੀ ਬੈਂਕ ਐਫਡੀ ਨੂੰ ਸਭ ਤੋਂ ਸੁਰੱਖਿਅਤ ਨਿਵੇਸ਼ ਮੰਨਦੀ ਹੈ ਕਿਉਂਕਿ ਇਸ ਵਿੱਚ ਇੱਕ ਨਿਸ਼ਚਿਤ ਮਿਆਦ ਦੇ ਬਾਅਦ ਗਾਰੰਟੀਸ਼ੁਦਾ ਰਿਟਰਨ ਮਿਲਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਕੁਵੈਤ ਦੇ ਕੱਚੇ ਤੇਲ 'ਚ ਜ਼ਬਰਦਸਤ ਉਛਾਲ, ਕੀਮਤ 143 ਡਾਲਰ ਤੋਂ ਪਾਰ
NEXT STORY 
