ਬਿਜ਼ਨੈੱਸ ਡੈਸਕ - ਅਗਸਤ ਦੇ ਮਹੀਨੇ ਕੇਂਦਰੀ ਐਕਸਾਈਜ਼ ਡਿਊਟੀ ਕੁਲੈਕਸ਼ਨ ਵਿੱਚ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 18 ਫ਼ੀਸਦੀ ਦੀ ਕਮੀ ਆਈ ਹੈ। ਇਹ ਅਜਿਹੇ ਸਮੇਂ ਹੋਇਆ ਹੈ, ਜਦੋਂ ਰਾਜਾਂ ਨੂੰ ਟੈਕਸ ਵੰਡ ਤੋਂ ਪਹਿਲਾਂ ਟੈਕਸ ਕੁਲੈਕਸ਼ਨ 94 ਫ਼ੀਸਦੀ ਵਧ ਗਈ ਹੈ। ਕੇਂਦਰੀ ਐਕਸਾਈਜ਼ ਡਿਊਟੀ ਕੁਲੈਕਸ਼ਨ ਇਸ ਸਾਲ ਅਗਸਤ 'ਚ ਘਟ ਕੇ 23,576 ਕਰੋੜ ਰੁਪਏ ਰਹਿ ਗਈ ਹੈ, ਜੋ ਪਿਛਲੇ ਸਾਲ ਅਗਸਤ 'ਚ 28,816 ਕਰੋੜ ਰੁਪਏ ਸੀ। ਦੂਜੇ ਪਾਸੇ, ਇਸ ਮਹੀਨੇ ਕੁੱਲ ਟੈਕਸ ਕੁਲੈਕਸ਼ਨ ਵਧ ਕੇ 2.9 ਲੱਖ ਕਰੋੜ ਰੁਪਏ ਹੋ ਗਿਆ, ਜੋ ਅਗਸਤ 2022-23 ਵਿੱਚ 1.5 ਲੱਖ ਕਰੋੜ ਰੁਪਏ ਸੀ।
ਇਹ ਵੀ ਪੜ੍ਹੋ : ਅਕਤੂਬਰ ਮਹੀਨੇ ਹੋਵੇਗੀ ਛੁੱਟੀਆਂ ਦੀ ਬਰਸਾਤ, 15 ਦਿਨ ਬੰਦ ਰਹਿਣਗੇ ਬੈਂਕ, ਵੇਖੋ ਪੂਰੀ ਸੂਚੀ
ਇਹ ਜਾਣਕਾਰੀ ਕੰਟਰੋਲਰ ਜਨਰਲ ਆਫ਼ ਅਕਾਉਂਟਸ (ਸੀਜੀਏ) ਦੇ ਡੇਟਾ ਤੋਂ ਉਪਲਬਧ ਹੈ। ਮਾਹਿਰਾਂ ਨੂੰ ਯਕੀਨ ਨਹੀਂ ਹੈ ਕਿ ਅਗਸਤ ਮਹੀਨੇ 'ਚ ਐਕਸਾਈਜ਼ ਡਿਊਟੀ ਕੁਲੈਕਸ਼ਨ ਕਿਉਂ ਘਟੀ ਹੈ, ਜਦਕਿ ਇਸ ਦੌਰਾਨ ਪੈਟਰੋਲੀਅਮ ਉਤਪਾਦਨ ਵਧਿਆ ਹੈ। ਆਬਕਾਰੀ ਦੀਆਂ ਪ੍ਰਾਪਤੀਆਂ ਨਾ ਸਿਰਫ਼ ਪਿਛਲੇ ਸਾਲ ਦੇ ਮੁਕਾਬਲੇ ਘਟੀਆਂ ਹਨ, ਸਗੋਂ ਪਿਛਲੇ ਮਹੀਨੇ ਨਾਲੋਂ ਵੀ ਘੱਟ ਹਨ। ਜੁਲਾਈ ਦੇ 24,387 ਕਰੋੜ ਰੁਪਏ ਦੇ ਮੁਕਾਬਲੇ ਅਗਸਤ 'ਚ ਕੁਲੈਕਸ਼ਨ 3.3 ਫ਼ੀਸਦੀ ਘਟੀ ਹੈ। ਦਰਅਸਲ ਅਗਸਤ ਮਹੀਨੇ 'ਚ ਇਸ ਮਦ ਤਹਿਤ ਟੈਕਸ ਕੁਲੈਕਸ਼ਨ ਚਾਲੂ ਵਿੱਤੀ ਸਾਲ 'ਚ ਸਭ ਤੋਂ ਘੱਟ ਰਹੀ ਹੈ, ਇਕੱਲੇ ਅਪ੍ਰੈਲ 'ਚ ਐਕਸਾਈਜ਼ ਡਿਊਟੀ 960 ਕਰੋੜ ਰੁਪਏ ਸੀ।
ਇਹ ਵੀ ਪੜ੍ਹੋ : ਪਾਕਿਸਤਾਨ 'ਚ iPhone 15 ਦੀ ਕੀਮਤ ਨੇ ਉਡਾਏ ਹੋਸ਼, ਇੰਨੇ ਰੁਪਇਆਂ ਦੀ ਭਾਰਤ 'ਚ ਆ ਜਾਵੇਗੀ ਕਾਰ
ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ ਜੁਲਾਈ 'ਚ ਐਕਸਾਈਜ਼ ਡਿਊਟੀ ਕੁਲੈਕਸ਼ਨ 'ਚ 1.9 ਫ਼ੀਸਦੀ ਦਾ ਵਾਧਾ ਬਰਕਰਾਰ ਨਹੀਂ ਰਹਿ ਸਕਿਆ। ਮਈ ਅਤੇ ਜੂਨ ਵਿੱਚ ਵੀ ਇਸ ਮਦ ਤਹਿਤ ਟੈਕਸ ਵਸੂਲੀ ਵਿੱਚ ਕਮੀ ਆਈ ਸੀ। ਨਤੀਜੇ ਵਜੋਂ, ਚਾਲੂ ਵਿੱਤੀ ਸਾਲ ਦੇ ਪਹਿਲੇ 5 ਮਹੀਨਿਆਂ ਵਿੱਚ ਕੁੱਲ ਟੈਕਸ ਸੰਗ੍ਰਹਿ 12 ਫ਼ੀਸਦੀ ਘੱਟ ਕੇ 1 ਲੱਖ ਕਰੋੜ ਰੁਪਏ ਤੋਂ ਹੇਠਾਂ ਰਹਿ ਗਿਆ, ਜੋ ਪਿਛਲੇ ਵਿੱਤੀ ਸਾਲ ਦੀ ਇਸੇ ਮਿਆਦ ਵਿੱਚ 1.1 ਲੱਖ ਕਰੋੜ ਰੁਪਏ ਸੀ। ਜੇਕਰ ਇਹ ਧਾਰਨਾ ਜਾਰੀ ਰਹੀ ਤਾਂ ਐਕਸਾਈਜ਼ ਡਿਊਟੀ ਕੁਲੈਕਸ਼ਨ ਦੇ ਬਜਟ ਅਨੁਮਾਨ ਟੀਚੇ ਨੂੰ ਹਾਸਲ ਕਰਨਾ ਮੁਸ਼ਕਲ ਹੋ ਜਾਵੇਗਾ।
ਇਹ ਵੀ ਪੜ੍ਹੋ : ਇੰਤਜ਼ਾਰ ਖ਼ਤਮ: Flipkart 'ਤੇ ਇਸ ਦਿਨ ਤੋਂ ਸ਼ੁਰੂ ਹੋ ਰਹੀ Big Billion Days Sale, ਮਿਲਣਗੇ ਵੱਡੇ ਆਫ਼ਰ
ਬਜਟ ਵਿੱਚ 2023-24 ਵਿੱਚ ਐਕਸਾਈਜ਼ ਡਿਊਟੀ ਕੁਲੈਕਸ਼ਨ 3.4 ਲੱਖ ਕਰੋੜ ਰੁਪਏ ਹੋਣ ਦਾ ਅਨੁਮਾਨ ਹੈ, ਜੋ 2022-23 ਲਈ ਪਿਛਲੇ ਸਾਲ ਦੇ ਸੰਸ਼ੋਧਿਤ ਅਨੁਮਾਨ ਵਿੱਚ 3.2 ਲੱਖ ਕਰੋੜ ਰੁਪਏ ਤੋਂ 5.92 ਫ਼ੀਸਦੀ ਵੱਧ ਹੈ। ਅਸਲ ਟੈਕਸ ਸੰਗ੍ਰਹਿ 3.19 ਲੱਖ ਕਰੋੜ ਰੁਪਏ ਦੇ ਸੋਧੇ ਅਨੁਮਾਨ ਤੋਂ ਥੋੜ੍ਹਾ ਘੱਟ ਸੀ। ਪਹਿਲੇ 5 ਮਹੀਨਿਆਂ ਵਿੱਚ ਐਕਸਾਈਜ਼ ਡਿਊਟੀ ਤੋਂ ਕੁੱਲ ਪ੍ਰਾਪਤੀਆਂ 2023-24 ਦੇ ਬਜਟ ਅਨੁਮਾਨ ਦਾ ਸਿਰਫ਼ 29.4 ਫ਼ੀਸਦੀ ਹਨ। ਗੁਡਸ ਐਂਡ ਸਰਵਿਸਿਜ਼ ਟੈਕਸ (ਜੀਐੱਸਟੀ) ਦੇ ਲਾਗੂ ਹੋਣ ਤੋਂ ਬਾਅਦ ਕੇਂਦਰੀ ਐਕਸਾਈਜ਼ ਡਿਊਟੀ ਮੁੱਖ ਤੌਰ 'ਤੇ ਪੈਟਰੋਲੀਅਮ ਅਤੇ ਤੰਬਾਕੂ ਤੋਂ ਆਉਂਦੀ ਹੈ।
ਇਹ ਵੀ ਪੜ੍ਹੋ : UK ’ਚ ਡੂੰਘਾ ਹੋਣ ਲੱਗਾ ਆਰਥਿਕ ਸੰਕਟ, ਕੰਪਨੀਆਂ ਨੇ ਸ਼ੁਰੂ ਕੀਤੀ ਵਰਕਰਾਂ ਦੀ ਛਾਂਟੀ
ਮਾਹਿਰ ਇਸ ਗੱਲ ਤੋਂ ਹੈਰਾਨ ਹਨ ਕਿ ਅਗਸਤ ਵਿਚ ਐਕਸਾਈਜ਼ ਡਿਊਟੀ ਤੋਂ ਘੱਟ ਮਾਲੀਆ ਹੋਇਆ ਹੈ, ਜਦੋਂਕਿ ਦੋ ਮੁੱਖ ਪੈਟਰੋਲੀਅਮ ਵਸਤੂਆਂ ਡੀਜ਼ਲ ਅਤੇ ਪੈਟਰੋਲ ਦਾ ਉਤਪਾਦਨ ਸਾਲਾਨਾ ਆਧਾਰ 'ਤੇ ਵਧਿਆ ਹੈ। ਪਿਛਲੇ ਸਾਲ ਅਗਸਤ ਦੇ ਮੁਕਾਬਲੇ ਅਗਸਤ 'ਚ ਪੈਟਰੋਲ ਦਾ ਉਤਪਾਦਨ 13.7 ਫ਼ੀਸਦੀ ਵਧ ਕੇ 37 ਲੱਖ ਟਨ ਹੋ ਗਿਆ ਹੈ, ਜਦੋਂ ਕਿ ਡੀਜ਼ਲ ਦਾ ਉਤਪਾਦਨ 7.2 ਫ਼ੀਸਦੀ ਵਧ ਕੇ 94 ਲੱਖ ਟਨ ਹੋ ਗਿਆ ਹੈ। ਆਬਕਾਰੀ ਡਿਊਟੀ 'ਚ ਆਖਰੀ ਕਟੌਤੀ ਮਈ 2022 'ਚ ਕੀਤੀ ਗਈ ਸੀ, ਇਸ ਲਈ ਇਸ ਦਾ ਕੋਈ ਅਸਰ ਨਹੀਂ ਹੋਇਆ।
ਇਹ ਵੀ ਪੜ੍ਹੋ : ਦੁਸਹਿਰਾ ਸਣੇ ਅਕਤੂਬਰ ਮਹੀਨੇ ਆ ਰਹੇ ਹਨ ਇਹ ਵਰਤ ਤੇ ਤਿਉਹਾਰ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
570 ਕਰੋੜ ਦਾ ਕਰਜ਼ਾ ਨਾ ਦੇਣ 'ਤੇ ਸੁਭਾਸ਼ ਚੰਦਰਾ ਦੀ ਜਾਇਦਾਦ ’ਤੇ LIC ਹਾਊਸਿੰਗ ਫਾਈਨਾਂਸ ਨੇ ਕੀਤਾ ਕਬਜ਼ਾ
NEXT STORY 
