ਨਵੀਂ ਦਿੱਲੀ–ਭਾਰਤ ਵਿੱਚ ਹਵਾਈ ਯਾਤਰਾ ਕਰਨ ਵਾਲਿਆਂ ਦੀ ਗਿਣਤੀ ਮਈ 2025 ਵਿੱਚ ਨਵਾਂ ਅੰਕੜਾ ਛੂਹਦੇ ਹੋਏ 140.56 ਲੱਖ ਤੱਕ ਪਹੁੰਚ ਗਈ ਹੈ। ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਏਵੀਏਸ਼ਨ (DGCA) ਵੱਲੋਂ ਜਾਰੀ ਕੀਤੇ ਤਾਜ਼ਾ ਅੰਕੜਿਆਂ ਅਨੁਸਾਰ ਇਨ੍ਹਾਂ ਵਿਚੋਂ ਸਭ ਤੋਂ ਵੱਧ ਹਿੱਸਾ ਇੰਡੀਗੋ ਏਅਰਲਾਈਨਜ਼ ਨੇ ਹਾਸਲ ਕੀਤਾ ਹੈ।
ਇੰਡੀਗੋ ਬਣੀ ਹਵਾਈ ਸਫ਼ਰ ਦੀ ਪਹਿਲੀ ਪਸੰਦ
ਇੰਡੀਗੋ ਨੇ ਮਈ ਮਹੀਨੇ ਵਿੱਚ 64% ਮਾਰਕੀਟ ਹਿੱਸਾ ਆਪਣੇ ਨਾਂ ਕੀਤਾ, ਜਿਸ ਨਾਲ ਉਹ ਮੁਲਕ ਦੀ ਸਭ ਤੋਂ ਵੱਡੀ ਡੋਮੈਸਟਿਕ ਏਅਰਲਾਈਨਜ਼ ਬਣੀ ਰਹੀ। ਇਸ ਮੌਕੇ ‘ਤੇ ਕੰਪਨੀ ਨੇ ਹਜ਼ਾਰਾਂ ਉਡਾਨਾਂ ਰਾਹੀਂ ਲੱਖਾਂ ਯਾਤਰੀਆਂ ਨੂੰ ਮੰਜ਼ਿਲ ‘ਤੱਕ ਪਹੁੰਚਾਇਆ।
ਹਵਾਈ ਯਾਤਰਾ ਵਿੱਚ ਲਗਾਤਾਰ ਵਾਧਾ
ਮਾਹਰਾਂ ਦਾ ਕਹਿਣਾ ਹੈ ਕਿ ਹਵਾਈ ਯਾਤਰਾ 'ਚ ਇਹ ਉਛਾਲ ਉੱਚੀ ਮੰਗ, ਵਧੀਆ ਹਵਾਈ ਸੇਵਾਵਾਂ ਅਤੇ ਵਧ ਰਹੀ ਆਮਦਨ ਦੀ ਵਜ੍ਹਾ ਨਾਲ ਆਇਆ ਹੈ। ਮਾਰਚ ਅਤੇ ਅਪ੍ਰੈਲ ਦੇ ਮੁਕਾਬਲੇ ਮਈ ‘ਚ ਯਾਤਰੀ ਗਿਣਤੀ ‘ਚ ਵੀ ਖਾਸਾ ਵਾਧਾ ਦਰਜ ਕੀਤਾ ਗਿਆ।
ਹੋਰ ਏਅਰਲਾਈਨਜ਼ ਦੀ ਸਥਿਤੀ
ਜਦਕਿ ਇੰਡੀਗੋ ਨੇ 64% ਮਾਰਕੀਟ ਹਿੱਸਾ ਰੱਖਿਆ, ਬਾਕੀ ਹਵਾਈ ਕੰਪਨੀਆਂ ਜਿਵੇਂ ਕਿ ਏਅਰ ਇੰਡੀਆ, ਵਿਸਤਾਰਾ ਅਤੇ ਇਕੋਨਮੀ ਏਅਲਾਈਨਜ਼ ਨੇ ਵੀ ਆਪਣੀ ਹਿੱਸੇਦਾਰੀ ਬਣਾਈ ਰੱਖੀ ਪਰ ਇੰਡੀਗੋ ਦੇ ਅੰਕੜਿਆਂ ਦੇ ਸਾਹਮਣੇ ਉਹ ਕਾਫ਼ੀ ਪਿੱਛੇ ਰਹੇ। ਇਹ ਨੰਬਰ ਇਨ੍ਹਾਂ ਗੱਲਾਂ ਵੱਲ ਇਸ਼ਾਰਾ ਕਰਦੇ ਹਨ ਕਿ ਭਾਰਤ ਵਿੱਚ ਹਵਾਈ ਯਾਤਰਾ ਹੁਣ ਸਿਰਫ਼ ਅਮੀਰਾਂ ਦੀ ਨਹੀਂ ਰਹੀ, ਸਗੋਂ ਆਮ ਲੋਕ ਵੀ ਹੁਣ ਜ਼ਿਆਦਾ ਗਿਣਤੀ ਵਿੱਚ ਹਵਾਈ ਸਫ਼ਰ ਨੂੰ ਤਰਜ਼ੀਹ ਦੇ ਰਹੇ ਹਨ।
HDB Financial IPO: ਖੁੱਲ੍ਹ ਗਿਆ ਦੇਸ਼ ਦਾ ਸਭ ਤੋਂ ਵੱਡਾ IPO, ਸਬਸਕ੍ਰਿਪਸ਼ਨ ਤੋਂ ਪਹਿਲਾਂ ਜਾਣੋ ਮਹੱਤਵਪੂਰਨ ਗੱਲਾਂ
NEXT STORY 
