ਨਵੀਂ ਦਿੱਲੀ - ਅਰਬਪਤੀ ਸੁਨੀਲ ਮਿੱਤਲ ਦੀ ਕੰਪਨੀ ਏਅਰਟੈੱਲ ਅਫਰੀਕਾ ਪੀ. ਐੱਲ. ਸੀ. ਨੇ ਆਪਣੇ ਮੋਬਾਈਲ ਮਨੀ ਯੂਨਿਟ ਨੂੰ ਸ਼ੇਅਰ ਬਾਜ਼ਾਰ ’ਚ ਉਤਾਰਨ ਦੀ ਯੋਜਨਾ ਬਣਾਈ ਹੈ।
ਇਸ ਲਈ ਕੰਪਨੀ ਨੇ ਅੰਤਰਰਾਸ਼ਟਰੀ ਵਿੱਤੀ ਦਿੱਗਜ ਸਿਟੀਗਰੁੱਪ ਇੰਕ ਨਾਲ ਸੰਪਰਕ ਕੀਤਾ ਹੈ। ਰਿਪੋਰਟ ਮੁਤਾਬਕ ਇਹ ਆਈ. ਪੀ. ਓ. 2026 ਤਕ ਲਿਆਂਦਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ : 14 ਸਾਲਾਂ ਦੇ ਸਭ ਤੋਂ ਉੱਚੇ ਪੱਧਰ 'ਤੇ ਪਹੁੰਚੇ Silver ਦੇ ਭਾਅ, ਜਾਣੋ ਕੀਮਤਾਂ 'ਚ ਵਾਧੇ ਦਾ ਕਾਰਨ
4 ਅਰਬ ਡਾਲਰ ਤੋਂ ਵਧ ਦਾ ਵੈਲਿਊਏਸ਼ਨ
ਬਲੂਮਬਰਗ ਦੀ ਰਿਪੋਰਟ ਅਨੁਸਾਰ ਏਅਰਟੈੱਲ ਅਫਰੀਕਾ ਆਪਣੇ ਮੋਬਾਈਲ ਮਨੀ ਯੂਨਿਟ ਦੀ ਵੈਲਿਊਏਸ਼ਨ 4 ਅਰਬ ਡਾਲਰ ਤੋਂ ਵਧ ਕਰ ਸਕਦੀ ਹੈ। ਕੰਪਨੀ ਨੇ ਪਿਛਲੇ ਸਾਲ ਇਸ ਆਈ. ਪੀ. ਓ. ਲਈ ਯੂ. ਏ. ਈ., ਲੰਡਨ ਅਤੇ ਹੋਰ ਯੂਰਪੀ ਬਾਜ਼ਾਰਾਂ ’ਤੇ ਵਿਚਾਰ ਕੀਤਾ ਸੀ। ਹਾਲਾਂਕਿ ਅਜੇ ਤਕ ਆਈ. ਪੀ. ਓ. ਦੇ ਸਮੇਂ, ਸਥਾਨ ਜਾਂ ਸਾਈਜ਼ ਨੂੰ ਲੈ ਕੇ ਆਖਰੀ ਫੈਸਲਾ ਨਹੀਂ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ : ATM ਚਾਰਜ ਅਤੇ ਨਕਦੀ ਲੈਣ-ਦੇਣ 'ਤੇ ਵੱਡਾ ਬਦਲਾਅ, ਇਸ ਬੈਂਕ ਨੇ ਬਦਲ ਦਿੱਤੇ ਕਈ ਅਹਿਮ ਨਿਯਮ
ਕੰਪਨੀ ਦੇ ਪ੍ਰਮੋਟਰ ਨੇ ਕਿਹਾ ਕਿ ਏਅਰਟੈੱਲ ਅਫਰੀਕਾ ਆਪਣੇ ਮੋਬਾਈਲ ਮਣੀ ਯੂਨਿਟ ਨੂੰ 2026 ਦੀ ਪਹਿਲੀ ਛਿਮਾਹੀ ’ਚ ਲਿਸਟ ਕਰਨ ਲਈ ਵਚਨਬੱਧ ਹੈ, ਜਦੋਂਕਿ ਸਿਟੀਗਰੁੱਪ ਨੇ ਇਸ ’ਤੇ ਟਿੱਪਣੀ ਕਰਨ ਤੋਂ ਮਨ੍ਹਾ ਕੀਤਾ।
ਕੰਪਨੀ ਦਾ ਮੰਨਣਾ ਹੈ ਕਿ ਇਸ ਯੂਨਿਟ ਨੂੰ ਵੱਖ ਤੋਂ ਸ਼ੇਅਰ ਬਾਜ਼ਾਰ ’ਚ ਲਿਆਉਣ ਨਾਲ ਨਿਵੇਸ਼ਕਾਂ ਦਾ ਭਰੋਸਾ ਹੋਰ ਵਧੇਗਾ ਅਤੇ ਕਾਰੋਬਾਰ ਦਾ ਮੁਲਾਂਕਣ ਵੀ ਵਧ ਪਾਰਦਰਸ਼ੀ ਹੋਵੇਗਾ।
ਇਹ ਵੀ ਪੜ੍ਹੋ : Record High : 7ਵੇਂ ਅਸਮਾਨ 'ਤੇ ਪਹੁੰਚੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ, ਰੇਟ ਦੇਖ ਉਡਣਗੇ ਹੋਸ਼
ਕੀ ਹੈ ਡਿਟੇਲ
ਦੱਸ ਦੇਈਏ ਕਿ 2021 ’ਚ ਟੀ. ਪੀ. ਜੀ. ਇੰਕ. ਨੇ ਏਅਰਟੈੱਲ ਮਨੀ ’ਚ 200 ਮਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ ਸੀ, ਉਦੋਂ ਇਸ ਦਾ ਮੁਲਾਂਕਣ 2.65 ਅਰਬ ਡਾਲਰ ਸੀ। ਉਸੇ ਸਾਲ ਮਾਸਟਰ ਕਾਰਡ ਨੇ 100 ਮਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ ਅਤੇ ਬਾਅਦ ’ਚ ਕਤਰ ਦੇ ਸਾਵਰੇਨ ਵੈਲਥ ਫੰਡ ਦੀ ਇਕ ਇਕਾਈ ਨੇ ਵੀ ਇਸ ’ਚ ਹਿੱਸੇਦਾਰੀ ਖਰੀਦੀ ਸੀ।
ਇਹ ਵੀ ਪੜ੍ਹੋ : ਸ਼ਰਾਬ ਦੀ ਇੱਕ ਬੋਤਲ 'ਤੇ ਕਿੰਨਾ ਮੁਨਾਫ਼ਾ ਕਮਾਉਂਦੀ ਹੈ ਸਰਕਾਰ? ਜਾਣੋ ਅਸਲ ਕੀਮਤ
ਏਅਰਟੈੱਲ ਅਫਰੀਕਾ ਦਾ ਇਹ ਤੇਜ਼ੀ ਨਾਲ ਵੱਧਦਾ ਮੋਬਾਈਲ ਮਨੀ ਯੂਨਿਟ ਜੂਨ ਤਿਮਾਹੀ ਤਕ 4.58 ਕਰੋਡ਼ ਗਾਹਕਾਂ ਤੱਕ ਪਹੁੰਚ ਚੁੱਕਾ ਸੀ ਅਤੇ ਇਸ ਦਾ ਸਾਲਾਨਾ ਲੈਣ-ਦੇਣ ਮੁੱਲ 162 ਅਰਬ ਡਾਲਰ ਰਿਹਾ। ਅਫਰੀਕਾ ’ਚ ਯੁਵਾ ਆਬਾਦੀ ਤੇਜ਼ੀ ਨਾਲ ਡਿਜੀਟਲ ਟੈਕਨਾਲੋਜੀ ਆਪਣਾ ਰਹੀ ਹੈ, ਜਿਸ ਦੌਰਾਨ ਇਹ ਮਹਾਦੀਪ ਫਿਨਟੈੱਕ ਕੰਪਨੀਆਂ ਦਾ ਹੱਬ ਬਣ ਗਿਆ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ : ਸੈਂਸੈਕਸ 200 ਤੋਂ ਵਧ ਅੰਕ ਟੁੱਟਿਆ ਤੇ ਨਿਫਟੀ 24,579 ਦੇ ਪੱਧਰ 'ਤੇ ਬੰਦ
NEXT STORY 
