ਨਵੀਂ ਦਿੱਲੀ — ਨੈਸ਼ਨਲ ਐਂਟੀ-ਪਰੋਫਿਟਿੰਗ ਅਥਾਰਟੀ (ਐਨ.ਏ.ਏ.) ਨੂੰ ਫਾਸਟ ਮੂਵਿੰਗ ਕੰਜ਼ਿਊਮਰ ਵਸਤੂਆਂ (ਐੱਫ.ਐੱਮ.ਸੀ.ਜੀ.) ਕੰਪਨੀਆਂ ਵਲੋਂ ਗਾਹਕਾਂ ਕੋਲੋਂ ਵਾਧੂ ਚਾਰਜ ਵਸੂਲਣ ਸੰਬੰਧੀ ਸ਼ਿਕਾਇਤਾਂ ਮਿਲ ਰਹੀਆਂ ਹਨ। ਐਂਟੀ-ਪਰੋਫਟਿੰਗ ਅਥਾਰਟੀ ਨੇ ਹਾਲ ਹੀ ਦੇ ਹਫਤਿਆਂ ਦੌਰਾਨ ਗਾਹਕਾਂ ਤੋਂ 300 ਤੋਂ ਵੱਧ ਸ਼ਿਕਾਇਤਾਂ ਪ੍ਰਾਪਤ ਕੀਤੀਆਂ ਹਨ, ਜਿਸ ਵਿਚ ਫਰਮਾਂ ਨੇ ਹੈਂਡਵਾਸ਼, ਡੀਓਡੋਰੈਂਟਸ, ਸੁਗੰਧਤ ਤੇਲ ਅਤੇ ਕਾਸਮੈਟਿਕ ਉਤਪਾਦਾਂ 'ਤੇ ਜੀ.ਐਸ.ਟੀ. ਦੀ ਕਟੌਤੀ ਦਰ ਦਾ ਪੂਰਾ ਲਾਭ ਉਪਭੋਗਤਾਵਾਂ ਨੂੰ ਨਹੀਂ ਦਿੱਤਾ। ਨੈਸ਼ਨਲ ਐਂਟੀ-ਪਰੋਫਿਟਿੰਗ ਅਥਾਰਟੀ (ਐਨ.ਏ.ਏ.) ਇਹ ਯਕੀਨੀ ਬਣਾਉਣਾ ਚਾਹੁੰਦੀ ਹੈ ਕਿ ਜੀ.ਐਸ.ਟੀ. ਕਟੌਤੀ ਦਾ ਲਾਭ ਖਪਤਕਾਰਾਂ ਨੂੰ ਮਿਲੇ।
ਸ਼ਿਕਾਇਤਾਂ 'ਚ ਹੋਣ ਵਾਲਾ ਵਾਧਾ ਨਿਰਮਾਤਾ ਸਾਹਮਣੇ ਆਉਣ ਵਾਲੀਆਂ ਮੁਸ਼ਕਲਾਂ ਵੱਲ ਵੀ ਸੰਕੇਤ ਕਰਦਾ ਹੈ। ਇਸ ਦੇ ਨਾਲ ਹੀ ਇਹ ਵੀ ਯਕੀਨੀ ਬਣਾਇਆ ਜਾਣਾ ਚਾਹੀਦਾ ਹੈ ਕਿ ਉਨ੍ਹਾਂ ਦੇ ਪੋਰਟਫੋਲੀਓ ਵਿਚਲੇ ਸਾਰੇ ਉਤਪਾਦਾਂ ਦੀਆਂ ਕੀਮਤਾਂ ਜੀ.ਐਸ.ਟੀ. ਦਰ ਵਿਚ ਕਟੌਤੀ ਅਤੇ ਨਿਵੇਸ਼ ਛੋਟ ਦੇ ਅਧੀਨ ਹਨ ਜਾਂ ਨਹੀਂ।
NAA ਦੁਆਰਾ ਪ੍ਰਾਪਤ ਸ਼ਿਕਾਇਤਾਂ ਦੇ ਆਧਾਰ 'ਤੇ ਸੂਬਾ ਪੱਧਰੀ ਸਕ੍ਰੀਨਿੰਗ ਪੈਨਲਾਂ ਨੇ ਖਾਦੀ ਉਤਪਾਦ, ਬੇਬੀ ਵਾਸ਼, ਕੀਟਾਣੂਨਾਸ਼ਕ ਜੈਲ ਅਤੇ ਹੇਅਰ ਕੇਅਰ ਉਤਪਾਦਾਂ ਸਮੇਤ ਵੱਡੀ ਗਿਣਤੀ ਵਿਚ ਖਪਤਕਾਰਾਂ ਦੀਆਂ ਵਸਤੂਆਂ ਨੂੰ ਕਵਰ ਕੀਤਾ ਹੈ।
NAA ਵੱਲੋਂ ਅਗਲੇ ਤਿੰਨ ਮਹੀਨਿਆਂ ਵਿਚ ਕਈ ਚੀਜ਼ਾਂ ਦੇ ਖਿਲਾਫ ਆਦੇਸ਼ ਜਾਰੀ ਕਰਨ ਦੀ ਸੰਭਾਵਨਾ ਹੈ। ਐਂਟੀ-ਪਰੋਫਟਿੰਗ ਦਾ ਡਾਇਰੈਕਟੋਰੇਟ ਜਨਰਲ ਸ਼ਿਕਾਇਤਾਂ ਦੀ ਜਾਂਚ ਕਰਦਾ ਹੈ ਅਤੇ NAA ਕੇਸਾਂ ਬਾਰੇ ਫੈਸਲਾ ਦਿੰਦਾ ਹੈ। ਇਕ ਵਾਰ ਜਾਂਚ ਪੂਰੀ ਹੋਣ ਤੋਂ ਬਾਅਦ NAA ਕੋਲ ਆਪਣਾ ਫੈਸਲਾ ਦੇਣ ਲਈ ਵੱਧ ਤੋਂ ਵੱਧ ਤਿੰਨ ਮਹੀਨੇ ਦਾ ਸਮਾਂ ਹੁੰਦਾ ਹੈ।
ਇਕ ਜੁਲਾਈ 2017 ਨੂੰ ਸਾਮਾਨ ਅਤੇ ਸੇਵਾ ਕਰ (ਜੀਐਸਟੀ) ਲਾਗੂ ਹੋਣ ਤੋਂ ਪੰਜ ਮਹੀਨੇ ਬਾਅਦ ਪਿਛਲੇ ਸਾਲ ਨਵੰਬਰ ਵਿਚ ਐਂਟੀ-ਪਰਾਫਟੀਰਿੰਗ ਵਾਚਡੌਗ ਦੀ ਸਥਾਪਨਾ ਕੀਤੀ ਗਈ ਸੀ। ਹਾਲ ਹੀ ਦੇ ਮਹੀਨਿਆਂ ਵਿਚ NAA ਅਤੇ ਟੈਕਸ ਵਿਭਾਗ ਗਾਹਕਾਂ ਨੂੰ ਜੀ.ਐਸ.ਟੀ. ਦਰ ਕਟੌਤੀਆਂ ਦਾ ਲਾਭ ਮਿਲਣ ਦੀਆਂ ਕੋਸ਼ਿਸ਼ਾਂ ਤੇਜ਼ ਕਰ ਰਿਹਾ ਹੈ। NAA ਗਾਹਕ ਦੀਆਂ ਸ਼ਿਕਾਇਤਾਂ ਨੂੰ ਵੈਬਸਾਈਟ ਦੁਆਰਾ ਸਵੀਕਾਰ ਕਰਦਾ ਹੈ ਅਤੇ ਉਪਭੋਗਤਾਵਾਂ ਲਈ ਹੈਲਪਲਾਈਨ ਨੰਬਰ ਵੀ ਜਾਰੀ ਕੀਤਾ ਗਿਆ ਹੈ।
ਹਿਮਾਲਿਆ ਡਰੱਗ ਕੰਪਨੀ, ਖਾਦੀ ਨੈਚੁਰਲ ਹੈਲਥਕੇਅਰ, ਜੌਨਸਨ ਐਂਡ ਜੌਨਸਨ ਪ੍ਰਾਈਵੇਟ ਲਿਮਟਿਡ ਵਰਗੀਆਂਂ ਕੰਪਨੀਆਂ ਨੂੰ ਈ-ਮੇਲ ਕਰਕੇ ਜਵਾਬ ਮੰਗਿਆ ਗਿਆ ਹੈ, ਪਰ ਖਬਰ ਜਾਰੀ ਹੋਣ ਤੱਕ ਕਿਸੇ ਕੰਪਨੀ ਵਲੋਂ ਜਵਾਬ ਨਹੀਂ ਮਿਲਿਆ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਐਫ.ਐਮ.ਸੀ.ਜੀ. ਸੈਕਟਰ ਲਈ ਬਹੁਤ ਲੰਬੀ ਸਪਲਾਈ ਚੇਨ ਹੁੰਦੀ ਹੈ, ਜਿਹੜੀ ਕਿ ਨਿਰਮਾਤਾ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਵਿਤਰਕ ਤੋਂ ਬਾਅਦ ਥੋਕ ਵਿਕਰੇਤਾ ਕੋਲ ਪਹੁੰਚਣ ਤੋਂ ਬਾਅਦ ਹੀ ਸੁਪਰ ਸਟੋਰਾਂ 'ਚ ਪਹੁੰਚ ਕੇ ਫਿਰ ਵਿਕਰੇਤਾ ਉਤਪਾਦਾਂ ਨੂੰ ਕਵਰ ਕਰਦੇ ਹਨ। ਡੇਲੋਏਟ ਇੰਡੀਆ ਦੇ ਅਧਿਕਾਰੀ ਐੱਮ.ਐੱਸ.ਮਨੀ ਨੇ ਦੱਸਿਆ ਕਿ ਟੈਕਸ ਕਟੌਤੀ ਦੇ ਐਲਾਨ ਕਰਨ ਦੇ ਬਾਵਜੂਦ ਇਸ ਸਮੁੱਚੀ ਚੇਨ ਦੌਰਾਨ ਕੀਮਤਾਂ 'ਤੇ ਕਾਬੂ ਪਾਉਣਾ ਜਾਂ ਤਬਦੀਲੀ ਕਰਨਾ ਲਗਭਗ ਅਸੰਭਵ ਹੋ ਜਾਂਦਾ ਹੈ।
ਜੀਐਸਟੀ ਕੌਂਸਲ ਨੇ ਪਿਛਲੇ ਸਾਲ ਨਵੰਬਰ 'ਚ ਸ਼ੈਂਪੂ, ਕਾਸਮੈਟਿਕ , ਵਾਲਾਂ ਲਈ ਤੇਲ ਅਤੇ ਕਰਿਆਨੇ ਵਰਗੇ ਉਤਪਾਦਾਂ 'ਤੇ 28 ਫੀਸਦੀ ਤੋਂ 18 ਫੀਸਦੀ ਅਤੇ ਜੁਲਾਈ ਤੋਂ ਫਰਿੱਜ, ਵਾਸ਼ਿੰਗ ਮਸ਼ੀਨ, ਛੋਟੇ ਟੈਲੀਵਿਜ਼ਨ ਅਤੇ ਵੈਕਿਊਮ ਕਲੀਨਰ 'ਤੇ 28 ਫੀਸਦੀ ਤੋਂ 18 ਫੀਸਦੀ ਤੱਕ ਦੀ ਟੈਕਸ ਕਟੌਤੀ ਕੀਤੀ ਸੀ। ਇਸ ਲਈ ਅਧਿਕਾਰੀਆਂ ਇਹ ਸੁਨਿਸ਼ਚਿਤ ਕਰਨਾ ਮਹੱਤਵਪੂਰਨ ਹੈ ਕਿ ਗਾਹਕਾਂ ਨੂੰ ਇਸ ਕਟੌਤੀ ਦਾ ਲਾਭ ਮਿਲੇ।
ਬਾਜ਼ਾਰ 'ਚ ਰਫਤਾਰ ਜਾਰੀ, ਨਿਫਟੀ 10700 ਦੇ ਕਰੀਬ ਬੰਦ
NEXT STORY 
