ਨਵੀਂ ਦਿੱਲੀ - ਭਾਰਤੀ ਅੰਬ ਦੀ ਮਿਠਾਸ ਦੁਨੀਆ ਭਰ 'ਚ ਵਧ ਰਹੀ ਹੈ। ਵਿੱਤੀ ਸਾਲ 2023-24 ਦੇ ਅਪ੍ਰੈਲ ਤੋਂ ਅਗਸਤ ਦੇ ਮਹੀਨਿਆਂ ਦੌਰਾਨ ਭਾਰਤ ਤੋਂ ਵਿਦੇਸ਼ਾਂ ਨੂੰ ਅੰਬਾਂ ਦੀ ਬਰਾਮਦ ਵਿੱਚ 19 ਫੀਸਦੀ ਵਾਧਾ ਹੋਇਆ ਹੈ। ਭਾਰਤ ਨੇ ਇਸ ਸਮੇਂ ਦੌਰਾਨ ਕੁੱਲ 47.98 ਮਿਲੀਅਨ ਡਾਲਰ ਦੇ ਅੰਬਾਂ ਦੀ ਬਰਾਮਦ ਕੀਤੀ ਹੈ। ਜਦੋਂ ਕਿ 2022-23 ਦੀ ਇਸੇ ਮਿਆਦ ਦੌਰਾਨ ਭਾਰਤ ਨੇ ਕੁੱਲ 40.33 ਮਿਲੀਅਨ ਡਾਲਰ ਦੇ ਅੰਬਾਂ ਦੀ ਬਰਾਮਦ ਕੀਤੀ ਸੀ।
ਇਹ ਵੀ ਪੜ੍ਹੋ : ਗੁਜਰਾਤ 'ਚ Bank of Baroda ਨੂੰ 100 ਕਰੋੜ ਰੁਪਏ ਦਾ ਚੂਨਾ ਲਗਾ ਕੇ ਅਮਰੀਕਾ ਫ਼ਰਾਰ ਹੋਇਆ ਜੋੜਾ
ਅਮਰੀਕਾ ਨੂੰ ਅੰਬ ਦੀ ਸਭ ਤੋਂ ਵੱਧ ਹੋਈ ਬਰਾਮਦ
ਵਣਜ ਮੰਤਰਾਲੇ ਨੇ ਭਾਰਤ ਤੋਂ ਅੰਬਾਂ ਦੀ ਬਰਾਮਦ ਦੇ ਅੰਕੜੇ ਜਾਰੀ ਕੀਤੇ ਹਨ। ਮੰਤਰਾਲੇ ਨੇ ਕਿਹਾ ਕਿ ਏਪੀਈਡੀਏ ਨੇ ਖੇਤੀਬਾੜੀ ਅਤੇ ਕਿਸਾਨ ਕਲਿਆਣ ਮੰਤਰਾਲੇ ਦੇ ਸਹਿਯੋਗ ਨਾਲ ਅਪ੍ਰੈਲ ਤੋਂ ਅਗਸਤ 2023 ਦੌਰਾਨ ਕੁੱਲ 27,330 ਟਨ ਅੰਬਾਂ ਦਾ ਨਿਰਯਾਤ ਕੀਤਾ ਹੈ, ਜੋ ਕਿ ਇੱਕ ਸਾਲ ਪਹਿਲਾਂ ਦੀ ਮਿਆਦ ਵਿੱਚ 22,963.78 ਟਨ ਸੀ। ਇਨ੍ਹਾਂ ਪੰਜ ਮਹੀਨਿਆਂ ਵਿੱਚ ਸਭ ਤੋਂ ਵੱਧ ਅੰਬ ਅਮਰੀਕਾ ਨੂੰ ਬਰਾਮਦ ਹੋਏ ਹਨ। ਕੁੱਲ 2043.60 ਟਨ ਅੰਬ ਅਮਰੀਕਾ ਨੂੰ ਨਿਰਯਾਤ ਕੀਤੇ ਗਏ ਹਨ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 19 ਫੀਸਦੀ ਵੱਧ ਹਨ।
ਇਹ ਵੀ ਪੜ੍ਹੋ : ਹਾਂਗਕਾਂਗ ਵਲੋਂ ਵੱਡਾ ਐਲਾਨ : ਵਿਦੇਸ਼ੀ ਘਰ ਖਰੀਦਦਾਰਾਂ ਅਤੇ ਸ਼ੇਅਰ ਕਾਰੋਬਾਰੀਆਂ ਲਈ ਟੈਕਸਾਂ ’ਚ ਕੀਤੀ ਕਟੌਤੀ
ਇਸ ਤੋਂ ਇਲਾਵਾ ਜਾਪਾਨ ਨੂੰ 43 ਟਨ ਅੰਬ, ਦੱਖਣੀ ਅਫਰੀਕਾ ਨੂੰ 4.44 ਟਨ, ਆਸਟ੍ਰੇਲੀਆ ਨੂੰ 58.42 ਟਨ ਅਤੇ ਨਿਊਜ਼ੀਲੈਂਡ ਨੂੰ 111 ਟਨ ਅੰਬ ਬਰਾਮਦ ਕੀਤੇ ਗਏ। ਇਸ ਤੋਂ ਇਲਾਵਾ ਇਸ ਨੂੰ ਇਰਾਨ, ਨਾਈਜੀਰੀਆ, ਚੈੱਕ ਗਣਰਾਜ, ਮਾਰੀਸ਼ਸ ਨੂੰ ਵੀ ਨਿਰਯਾਤ ਕੀਤਾ ਗਿਆ ਹੈ। ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰਾਲੇ ਅਤੇ ਏਪੀਈਡੀਏ ਨੇ ਸਾਂਝੇ ਤੌਰ 'ਤੇ ਦੱਖਣੀ ਕੋਰੀਆ ਦੇ ਨਿਰੀਖਕਾਂ ਨੂੰ ਉਥੇ ਨਿਰਯਾਤ ਲਈ ਅੰਬਾਂ ਦੀ ਕਲੀਅਰੈਂਸ ਲਈ ਬੁਲਾਇਆ। ਇਸ ਕਾਰਨ ਭਾਰਤ ਨੂੰ ਦੱਖਣੀ ਕੋਰੀਆ ਨੂੰ 18.43 ਮੀਟ੍ਰਿਕ ਟਨ ਅੰਬ ਬਰਾਮਦ ਕਰਨ ਦੀ ਇਜਾਜ਼ਤ ਦਿੱਤੀ ਗਈ।
ਇਹ ਵੀ ਪੜ੍ਹੋ : ਨਾਰਾਇਣ ਮੂਰਤੀ ਦੀ ਹਫ਼ਤੇ 'ਚ 70 ਘੰਟੇ ਕੰਮ ਕਰਨ ਦੀ ਸਲਾਹ 'ਤੇ ਛਿੜੀ ਬਹਿਸ
2022-23 ਵਿੱਚ ਅੰਬਾਂ ਦੀ ਬਰਾਮਦ ਵਿੱਚ ਵੱਡੀ ਸਫਲਤਾ ਮਿਲੀ ਸੀ। ਮੌਜੂਦਾ ਸੀਜ਼ਨ 2023 ਵਿੱਚ, ਭਾਰਤ ਨੇ 41 ਦੇਸ਼ਾਂ ਨੂੰ ਅੰਬਾਂ ਦੀ ਬਰਾਮਦ ਕੀਤੀ ਹੈ। ਏਪੀਈਡੀਏ ਨੇ ਭਾਰਤ ਦੀ ਆਜ਼ਾਦੀ ਦੇ 75 ਸਾਲ ਮਨਾਉਣ ਲਈ ਭਾਰਤੀ ਅੰਬਾਂ ਦੇ ਨਿਰਯਾਤ ਨੂੰ ਉਤਸ਼ਾਹਿਤ ਕਰਨ ਲਈ ਸਿਓਲ ਫੂਡ ਐਂਡ ਹੋਟਲ ਸ਼ੋਅ ਵਿੱਚ ਵੀ ਹਿੱਸਾ ਲਿਆ। ਏਪੀਡਾ ਦੇ ਯਤਨਾਂ ਸਦਕਾ 75 ਕਿਸਮਾਂ ਦੇ ਅੰਬਾਂ ਦੀ ਬਰਹੀਨ ਨੂੰ ਬਰਾਮਦ ਕੀਤੀ ਜਾ ਸਕੀ ਹੈ।
ਇਹ ਵੀ ਪੜ੍ਹੋ : ਜੀਓ ਨੇ ਪੇਸ਼ ਕੀਤਾ Jio Space Fiber, ਹੁਣ ਸੈਟੇਲਾਈਟ ਰਾਹੀਂ ਦੇਸ਼ ਦੇ ਹਰ ਕੋਨੇ ਤੱਕ ਪਹੁੰਚੇਗਾ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਤਿਉਹਾਰੀ ਸੀਜ਼ਨ 'ਚ ਛੁੱਟੀਆਂ ਦੀ ਭਰਮਾਰ, ਨਵੰਬਰ ਮਹੀਨੇ ਦੇਸ਼ 'ਚ 15 ਦਿਨ ਬੰਦ ਰਹਿਣਗੇ ਬੈਂਕ
NEXT STORY 
