ਜਿਨੇਵਾ — ਵਿਸ਼ਵ ਵਪਾਰ ਸੰਗਠਨ (ਡਬਲਯੂ ਟੀ ਓ) 'ਚ ਯੂਰਪੀਅਨ ਯੂਨੀਅਨ (ਈਯੂ) ਨਾਲ ਚੱਲ ਰਹੇ ਵਿਵਾਦ 'ਚ ਚੀਨ ਦੀ ਕਮਿਊਨਿਸਟ ਪਾਰਟੀ (ਸੀਸੀਪੀ) ਨੂੰ ਕਰਾਰੀ ਹਾਰ ਮਿਲੀ ਹੈ। ਇਸ ਨਾਲ ਚੀਨ ਦਾ ਬਾਜ਼ਾਰ ਅਧਾਰਿਤ ਆਰਥਿਕ ਸਥਿਤੀ ਦੇ ਦਰਜੇ ਦਾ ਅੰਤ ਹੋਇਆ ਹੈ। ਸੀਸੀਪੀ ਪਿਛਲੇ ਚਾਰ ਸਾਲਾਂ ਤੋਂ ਯੂਰਪੀਅਨ ਯੂਨੀਅਨ ਉੱਤੇ ਚੀਨ ਨੂੰ ਬਾਜ਼ਾਰ ਅਧਾਰਿਤ ਅਰਥਚਾਰੇ ਵਜੋਂ ਸਵੀਕਾਰ ਕਰਨ ਲਈ ਦਬਾਅ ਬਣਾ ਰਹੀ ਸੀ। ਜ਼ਿਕਰਯੋਗ ਹੈ ਕਿ ਚੀਨ ਇਹ ਮਾਮਲਾ ਪਿਛਲੇ ਸਾਲ ਹੀ ਆਰਜ਼ੀ ਫੈਸਲੇ(0000) 'ਚ ਹਾਰ ਗਿਆ ਸੀ।
ਚੀਨੀ ਮਾਲ 'ਤੇ ਲੱਗੇਗੀ ਐਂਟੀ-ਡੰਪਿੰਗ ਡਿਊਟੀ
ਯੂਰਪੀਅਨ ਯੂਨੀਅਨ ਨੇ ਦਲੀਲ ਦਿੱਤੀ ਕਿ ਸੀਸੀਪੀ ਸਟੀਲ ਅਤੇ ਅਲਮੀਨੀਅਮ ਸਮੇਤ ਆਪਣੇ ਬਹੁਤੇ ਉਦਯੋਗਾਂ ਨੂੰ ਵੱਡੀ ਸਬਸਿਡੀ ਦਿੰਦੀ ਹੈ। ਇਸ ਨਾਲ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਚੀਨੀ ਦੇ ਉਤਪਾਦਾਂ ਦੀਆਂ ਕੀਮਤਾਂ ਤਰਕਸੰਗਤ ਨਹੀਂ ਰਹਿ ਜਾਂਦੀਆਂ। ਹੁਣ ਸੀਸੀਪੀ ਦੇ ਖਿਲਾਫ ਆਏ ਇਸ ਫੈਸਲੇ ਤੋਂ ਬਾਅਦ ਯੂਰਪੀਅਨ ਯੂਨੀਅਨ ਅਤੇ ਅਮਰੀਕਾ ਵਿਚ ਚੀਨੀ ਉਤਪਾਦਾਂ ਉੱਤੇ ਐਂਟੀ-ਡੰਪਿੰਗ ਡਿਊਟੀ ਦਾ ਵੱਡਾ ਚਾਰਜ ਲਗਾਇਆ ਜਾ ਸਕੇਗਾ। ਇਸ ਨਾਲ ਯੂਰਪ ਅਤੇ ਅਮਰੀਕਾ ਆਪਣੇ ਘਰੇਲੂ ਉਦਯੋਗ ਨੂੰ ਵਧੇਰੇ ਸੁਰੱਖਿਆ ਦੇ ਸਕਣਗੇ। ਦਰਅਸਲ, ਚੀਨ ਆਪਣੇ ਉਤਪਾਦਾਂ ਨੂੰ ਬਹੁਤ ਘੱਟ ਕੀਮਤਾਂ 'ਤੇ ਦੂਜੇ ਦੇਸ਼ਾਂ ਵਿਚ ਭੇਜਦਾ ਹੈ। ਇਸ ਨਾਲ ਦਰਾਮਦ ਕਰਨ ਵਾਲੇ ਦੇਸ਼ ਦੀ ਆਰਥਿਕਤਾ ਅਤੇ ਸਥਾਨਕ ਵਪਾਰੀਆਂ ਨੂੰ ਵੱਡਾ ਨੁਕਸਾਨ ਪਹੁੰਚਾਉਂਦਾ ਹੈ।
ਇਹ ਵੀ ਪੜ੍ਹੋ- SBI ਦੇ ਖਾਤਾਧਾਰਕ ਰਹਿਣ ਸੁਚੇਤ, ਕੋਵਿਡ-19 ਦੇ ਨਾਂ 'ਤੇ ਹੋ ਸਕਦਾ ਹੈ ਸਾਈਬਰ ਹਮਲਾ
ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਡਬਲਯੂ.ਟੀ.ਓ. ਨੂੰ ਚਿਤਾਵਨੀ ਦਿੱਤੀ ਕਿ ਚੀਨ ਘੱਟ ਕੀਮਤ 'ਤੇ ਆਪਣੇ ਉਤਪਾਦਾਂ ਨੂੰ ਵੇਚਣ ਤੋਂ ਬਾਅਦ ਮਾਰਕੀਟ 'ਤੇ ਕਬਜ਼ਾ ਕਰ ਲੈਂਦਾ ਹੈ। ਉਸ ਤੋਂ ਬਾਅਦ ਆਪਣੇ ਉਤਪਾਦਾਂ ਦੀ ਕੀਮਤ ਨੂੰ ਵਧਾ ਦਿੰਦਾ ਹੈ। ਹੁਣ ਇਸ ਫੈਸਲੇ ਤੋਂ ਬਾਅਦ ਉਸ ਦੇ ਉਤਪਾਦਾਂ ਉੱਤੇ ਐਂਟੀ-ਡੰਪਿੰਗ ਡਿਊਟੀ ਲਗਾ ਕੇ ਉਸ ਨੂੰ ਅਜਿਹਾ ਕਰਨ ਤੋਂ ਰੋਕਿਆ ਜਾ ਸਕੇਗਾ।
ਯੂ.ਐਸ. (ਯੂਐਸ) ਦੇ ਕਾਰੋਬਾਰੀ ਨੁਮਾਇੰਦੇ ਰਾਬਰਟ ਲਾਈਟਜ਼ਰ ਨੇ ਕਿਹਾ ਕਿ ਡਬਲਯੂ.ਟੀ.ਓ. ਵਿਚ ਚੱਲ ਰਿਹਾ ਇਹ ਸਭ ਤੋਂ ਗੰਭੀਰ ਵਿਵਾਦ ਸੀ। ਉਸ ਨੇ ਦੱਸਿਆ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਖ਼ੁਦ ਡਬਲਯੂਟੀਓ ਨੂੰ ਕਿਹਾ ਸੀ ਕਿ ਇਸ ਮਾਮਲੇ ਦੀ ਸਥਿਤੀ ਦੀ ਗੰਭੀਰਤਾ ਨਾਲ ਜਾਂਚ ਕਰਨ ਤੋਂ ਬਾਅਦ ਹੀ ਕੋਈ ਫੈਸਲਾ ਲਿਆ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜੇ ਡਬਲਯੂਟੀਓ ਨੇ ਸਹੀ ਫੈਸਲਾ ਨਾ ਦਿੱਤਾ ਤਾਂ ਅਮਰੀਕਾ ਡਬਲਯੂਟੀਓ ਤੋਂ ਬਾਹਰ ਆ ਜਾਵੇਗਾ।
ਇਹ ਵੀ ਪੜ੍ਹੋ- ਵੱਡੀ ਰਾਹਤ : ਕੋਵਿਡ-19 ਦੇ ਇਲਾਜ ਲਈ ਭਾਰਤ 'ਚ ਦੂਜੀ ਦਵਾਈ ਨੂੰ ਮਿਲੀ ਮਨਜ਼ੂਰੀ
ਇਸ ਫ਼ੈਸਲੇ ਨਾਲ ਚੀਨ ਦਾ ਹੋਇਆ ਹੈ ਭਾਰੀ ਨੁਕਸਾਨ
ਮਾਮਲੇ ਤੋਂ ਜਾਣੂ ਇਕ ਅਧਿਕਾਰੀ ਨੇ ਦੱਸਿਆ ਕਿ ਚੀਨ ਨੂੰ ਇਸ ਫੈਸਲੇ ਨਾਲ ਭਾਰੀ ਨੁਕਸਾਨ ਹੋਵੇਗਾ। ਇਹ ਫੈਸਲਾ ਉਸ ਲਈ ਇਕ ਇਤਿਹਾਸਕ ਹਾਰ ਸਾਬਤ ਹੋਵੇਗੀ।
ਕੋਵਿਡ-19 : SBI ਦੇ ਕਾਮਿਆਂ ਲਈ ਅਹਿਮ ਖ਼ਬਰ, ਮਿਲ ਸਕਦੀ ਹੈ ਇਹ ਖ਼ਾਸ ਸੁਵਿਧਾ
NEXT STORY 
