ਵੈੱਬ ਡੈਸਕ : ਭਾਰਤ 'ਚ ਸਿੱਧੇ ਵਿਦੇਸ਼ੀ ਨਿਵੇਸ਼ (FDI) ਨੇ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ। ਅਪ੍ਰੈਲ 2000 ਤੋਂ ਸਤੰਬਰ 2024 ਦਰਮਿਆਨ FDI ਪ੍ਰਵਾਹ $1000 ਬਿਲੀਅਨ ਜਾਂ ਇੱਕ ਟ੍ਰਿਲੀਅਨ ਡਾਲਰ ਨੂੰ ਪਾਰ ਕਰ ਕੇ $1033.40 ਬਿਲੀਅਨ ਤੱਕ ਪਹੁੰਚ ਗਿਆ ਹੈ। ਇਹ ਅੰਕੜਾ ਭਾਰਤ ਨੂੰ ਗਲੋਬਲ ਨਿਵੇਸ਼ਕਾਂ ਲਈ ਇੱਕ ਪ੍ਰਮੁੱਖ ਅਤੇ ਆਕਰਸ਼ਕ ਨਿਵੇਸ਼ ਸਥਾਨ ਵਜੋਂ ਸਥਾਪਿਤ ਕਰਦਾ ਹੈ।
FDI ਦਾ ਸਰੋਤ
ਡਿਪਾਰਟਮੈਂਟ ਫਾਰ ਪ੍ਰਮੋਸ਼ਨ ਆਫ ਇੰਡਸਟਰੀ ਐਂਡ ਇੰਟਰਨਲ ਟ੍ਰੇਡ (ਡੀਪੀਆਈਆਈਟੀ) ਦੇ ਅੰਕੜਿਆਂ ਅਨੁਸਾਰ ਇਸ ਸਮੇਂ ਦੌਰਾਨ ਕੁੱਲ ਐੱਫਡੀਆਈ 1033.40 ਬਿਲੀਅਨ ਡਾਲਰ ਰਿਹਾ। ਅੰਕੜਿਆਂ ਮੁਤਾਬਕ ਤਕਰੀਬਨ 25 ਫੀਸਦੀ ਐੱਫਡੀਆਈ ਮਾਰੀਸ਼ਸ ਤੋਂ ਆਇਆ ਹੈ। ਇਸ ਤੋਂ ਬਾਅਦ ਸਿੰਗਾਪੁਰ (24 ਫੀਸਦੀ), ਅਮਰੀਕਾ (10 ਫੀਸਦੀ), ਨੀਦਰਲੈਂਡ (7 ਫੀਸਦੀ), ਜਾਪਾਨ (6 ਫੀਸਦੀ), ਬ੍ਰਿਟੇਨ (5 ਫੀਸਦੀ), ਯੂਏਈ (3 ਫੀਸਦੀ) ਅਤੇ ਹੋਰ ਦੇਸ਼ਾਂ ਦਾ ਨੰਬਰ ਆਉਂਦਾ ਹੈ।
ਕਿਹੜੇ ਖੇਤਰਾਂ ਵਿੱਚ ਜ਼ਿਆਦਾ ਨਿਵੇਸ਼ ਆਇਆ?
ਅੰਕੜਿਆਂ ਮੁਤਾਬਕ ਭਾਰਤ ਨੂੰ ਮਾਰੀਸ਼ਸ ਤੋਂ 177.18 ਅਰਬ ਡਾਲਰ, ਸਿੰਗਾਪੁਰ ਤੋਂ 167.47 ਅਰਬ ਡਾਲਰ ਅਤੇ ਅਮਰੀਕਾ ਤੋਂ 67.8 ਅਰਬ ਡਾਲਰ ਮਿਲੇ ਹਨ। ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਨਿਵੇਸ਼ ਸੇਵਾ ਖੇਤਰ, ਕੰਪਿਊਟਰ ਸਾਫਟਵੇਅਰ ਅਤੇ ਹਾਰਡਵੇਅਰ, ਦੂਰਸੰਚਾਰ, ਵਪਾਰ, ਨਿਰਮਾਣ ਵਿਕਾਸ, ਆਟੋਮੋਬਾਈਲ, ਰਸਾਇਣ ਅਤੇ ਫਾਰਮਾਸਿਊਟੀਕਲ ਖੇਤਰਾਂ ਵਿੱਚ ਆਏ ਹਨ।
ਅੱਧੇ ਤੋਂ ਵੱਧ ਨਿਵੇਸ਼ 10 ਸਾਲਾਂ 'ਚ ਆਏ
ਵਣਜ ਅਤੇ ਉਦਯੋਗ ਮੰਤਰਾਲੇ ਦੇ ਅਨੁਸਾਰ, 2014 ਤੋਂ, ਭਾਰਤ ਨੇ 667.4 ਬਿਲੀਅਨ ਡਾਲਰ (2014-24) ਦਾ ਕੁੱਲ ਐੱਫਡੀਆਈ ਪ੍ਰਾਪਤ ਕੀਤਾ ਹੈ। ਇਹ ਕੁੱਲ FDI ($1000 ਬਿਲੀਅਨ) ਦੇ ਅੱਧੇ ਤੋਂ ਵੱਧ ਹੈ। ਇਹ ਪਿਛਲੇ ਦਹਾਕੇ (2004-14) ਨਾਲੋਂ 119 ਫੀਸਦੀ ਵੱਧ ਹੈ।
ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਪਿਛਲੇ ਦਹਾਕੇ (2014-24) ਵਿੱਚ ਨਿਰਮਾਣ ਖੇਤਰ ਵਿੱਚ ਐੱਫਡੀਆਈ 165.1 ਬਿਲੀਅਨ ਡਾਲਰ ਤੱਕ ਪਹੁੰਚ ਗਿਆ, ਜੋ ਪਿਛਲੇ ਦਹਾਕੇ (2004-14) ਦੇ ਮੁਕਾਬਲੇ 69 ਫੀਸਦੀ ਵੱਧ ਹੈ।
ਅੱਗੇ ਕੀ ਸਥਿਤੀ ਹੋਵੇਗੀ?
ਆਉਣ ਵਾਲੇ ਸਮੇਂ 'ਚ ਭਾਰਤ 'ਚ ਸਿੱਧੇ ਵਿਦੇਸ਼ੀ ਨਿਵੇਸ਼ 'ਚ ਤੇਜ਼ੀ ਨਾਲ ਵਾਧਾ ਹੋਣ ਦੀ ਉਮੀਦ ਹੈ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਇਹ ਹੈ ਕਿ ਦੁਨੀਆ ਦੀਆਂ ਕਈ ਵੱਡੀਆਂ ਕੰਪਨੀਆਂ ਆਪਣਾ ਕਾਰੋਬਾਰ ਚੀਨ ਤੋਂ ਭਾਰਤ ਸ਼ਿਫਟ ਕਰ ਰਹੀਆਂ ਹਨ। ਬੰਗਲਾਦੇਸ਼ ਦੀ ਸਥਿਤੀ ਦਾ ਭਾਰਤ ਨੂੰ ਵੀ ਫਾਇਦਾ ਹੋ ਸਕਦਾ ਹੈ। ਇਸ ਕਾਰਨ ਐੱਫਡੀਆਈ ਵੀ ਵਧ ਸਕਦਾ ਹੈ।
'ਸਵਾਵਲੰਬੀ ਭਾਰਤ ਅਭਿਆਨ' ਦੇ ਤਹਿਤ 2 ਸਾਲਾਂ ’ਚ 8 ਲੱਖ ਕਾਰੋਬਾਰੀ ਹੋਣਗੇ ਤਿਆਰ
NEXT STORY 
