ਨਵੀਂ ਦਿੱਲੀ—ਬਾਜ਼ਾਰ 'ਚ ਨਵੀਂ ਫਸਲ ਦੀ ਆਵਕ ਸ਼ੁਰੂ ਹੁੰਦੇ ਹੀ ਆਲੂ, ਪਿਆਜ਼ ਅਤੇ ਟਮਾਟਰ ਵਰਗੀਆਂ ਸਬਜ਼ੀਆਂ ਦੀਆਂ ਕੀਮਤਾਂ ਨੂੰ ਰਾਹਤ ਮਿਲਣੀ ਸ਼ੁਰੂ ਹੋ ਗਈ ਹੈ। ਜਨਵਰੀ ਤੋਂ ਹੁਣ ਤੱਕ ਇਨ੍ਹਾਂ ਦੇ ਭਾਅ 50 ਤੋਂ 60 ਫੀਸਦੀ ਡਿੱਗ ਚੁੱਕੇ ਹਨ। ਫਿਲਹਾਲ ਆਲੂ ਅਤੇ ਪਿਆਜ਼ ਦੇ ਭਾਅ ਕਾਬੂ 'ਚ ਰਹਿਣ ਦੀ ਸੰਭਾਵਨਾ ਹੈ ਪਰ ਟਮਾਟਰ ਕਿਸਾਨ ਇਸ ਵਾਰ ਮਾਲਾਮਾਲ ਹੋ ਸਕਦੇ ਹਨ। ਚੀਨ, ਫਰਾਂਸ, ਸਪੇਨ ਅਤੇ ਇਟਲੀ ਵਰਗੇ ਦੇਸ਼ਾਂ 'ਚ ਫਸਲ ਖਰਾਬ ਹੋਣ ਦੇ ਕਾਰਨ ਟਮਾਟਰ ਅਤੇ ਉਸ ਦੇ ਉਤਪਾਦਾਂ ਦੀ ਵਿਦੇਸ਼ੀ ਮੰਗ ਵਧਣ ਦੀ ਸੰਭਾਵਨਾ ਬਣ ਚੁੱਕੀ ਹੈ ਜਿਸ ਦਾ ਅਸਰ ਘਰੇਲੂ ਬਾਜ਼ਾਰ 'ਤੇ ਵੀ ਪਵੇਗਾ।
ਜਨਵਰੀ ਤੋਂ ਹੁਣ ਤੱਕ ਟਮਾਟਰ ਦੀਆਂ ਕੀਮਤਾਂ ਅੱਧੀਆਂ ਹੋ ਗਈਆਂ ਹਨ। ਸਾਲ ਦੀ ਸ਼ੁਰੂਆਤ 'ਚ ਥੋਕ ਬਾਜ਼ਾਰ 'ਚ ਟਮਾਟਰ ਦੇ ਭਾਅ 2,000 ਰੁਪਏ ਪ੍ਰਤੀ ਕਵਿੰਟਲ ਅਤੇ ਖੁਦਰਾ ਬਾਜ਼ਾਰ 'ਚ 60 ਰੁਪਏ ਪ੍ਰਤੀ ਕਿਲੋਗ੍ਰਾਮ ਪਾਰ ਕਰ ਚੁੱਕੇ ਹਨ। ਰਾਸ਼ਟਰੀ ਬਾਗਬਾਨੀ ਅਨੁਸੰਧਾਨ ਅਤੇ ਵਿਕਾਸ ਅਦਾਰੇ (ਐੱਨ.ਐੱਚ.ਆਰ.ਡੀ.ਐੱਫ.) ਤੋਂ ਪ੍ਰਾਪਤ ਅੰਕੜਿਆਂ ਮੁਤਾਬਕ ਸਾਲ ਦੀ ਸ਼ੁਰੂਆਤ 'ਚ ਦਿੱਲੀ ਦੇ ਥੋਕ ਬਾਜ਼ਾਰ 'ਚ ਟਮਾਟਰ ਦੀ ਔਸਤ ਕੀਮਤ 2,057 ਰੁਪਏ ਪ੍ਰਤੀ ਕਵਿੰਟਲ ਅਤੇ ਮੁੰਬਈ 'ਚ 1,200 ਰੁਪਏ ਪ੍ਰਤੀ ਕਵਿੰਟਲ ਸੀ ਜੋ 15 ਫਰਵਰੀ ਨੂੰ ਡਿੱਗ ਕੇ ਲੜੀਵਾਰ 941 ਰੁਪਏ ਅਤੇ 700 ਰੁਪਏ ਹੋ ਗਈ। ਪਿਛਲੇ ਦੋ ਦਿਨ 'ਚ ਟਮਾਟਰ ਦੇ ਭਾਅ 'ਚ ਅਚਾਨਕ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਮੁੰਬਈ ਦੇ ਥੋਕ ਬਾਜ਼ਾਰ 'ਚ ਟਮਾਟਰ ਦੇ ਭਾਅ ਅਚਾਨਕ ਵਧ ਕੇ 1,100 ਰੁਪਏ ਪ੍ਰਤੀ ਕਵਿੰਟਲ ਹੋ ਗਏ ਹਨ। ਖੇਤੀਬਾੜੀ ਉਪਜ ਮਾਰਕਟਿੰਗ ਕਮੇਟੀ ਦੇ ਕਾਰੋਬਾਰੀ ਸਪਲਾਈ 'ਚ ਕਮੀ ਨੂੰ ਇਕ ਕੀਮਤ ਵਾਧੇ ਦੀ ਵਜ੍ਹਾ ਦੱਸ ਰਹੇ ਹਨ। ਬਾਜ਼ਾਰ ਦੇ ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਦਰਅਸਲ ਬਾਜ਼ਾਰ 'ਚ ਇਕ ਗੱਲ ਤੇਜ਼ੀ ਨਾਲ ਫੈਲ ਰਹੀ ਹੈ ਕਿ ਟਮਾਟਰ ਦੀ ਫਸਲ ਖਰਾਬ ਹੋ ਗਈ ਹੈ। ਨਾਲ ਹੀ ਟਮਾਟਰ ਦੇ ਉਤਪਾਦ ਬਣਾਉਣ ਵਾਲੀਆਂ ਕੰਪਨੀਆਂ ਵੱਡੀ ਮਾਤਰਾ 'ਚ ਕਿਸਾਨਾਂ ਤੋਂ ਮਾਲ ਖਰੀਦ ਰਹੀਆਂ ਹਨ ਜਿਸ ਕਾਰਨ ਕੀਮਤਾਂ 'ਚ ਅਚਾਨਕ ਤੇਜ਼ੀ ਦੇਖੀ ਜਾ ਰਹੀ ਹੈ।
ਟਮਾਟਰ ਉਤਪਾਦ ਬਣਾਉਣ ਵਾਲੀਆਂ ਕੰਪਨੀਆਂ ਵਲੋਂ ਖਰੀਦਾਰੀ ਵਧਾਉਣ ਦੀ ਵਜ੍ਹਾ ਨਾਲ ਚੀਨ ਅਤੇ ਯੂਰਪ 'ਚ ਮੰਗ ਵਧਣ ਦੇ ਆਸਾਰ ਨੂੰ ਮੰਨਿਆ ਜਾ ਰਿਹਾ ਹੈ। ਫਰਾਂਸ ਦੇ ਸੁਦੂਰ ਪੱਛਮੀ ਖੇਤਰੀ ਫਿਨਿਸਟਰ 'ਚ ਟਮਾਟਰ ਦੇ ਪੌਦੇ ਇਕ ਘਾਤਕ ਵਿਸ਼ਾਣੂ ਨਾਲ ਇੰਫੈਕਟਿਡ ਹੋ ਗਏ ਹਨ ਜਿਸ ਕਾਰਨ ਪੂਰੀ ਫਸਲ ਨਸ਼ਟ ਹੋਣ ਦਾ ਖਦਸ਼ਾ ਹੈ। ਫਰਾਂਸ ਦੇ ਖੇਤੀਬਾੜੀ ਮੰਤਰਾਲੇ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਮੰਤਰਾਲੇ ਨੇ ਸੋਮਵਾਰ ਨੂੰ ਕਿਹਾ ਕਿ ਇੰਫੈਕਟਿਡ ਦਾ ਕੋਈ ਇਲਾਜ ਨਹੀਂ ਹੈ ਇਸ ਲਈ ਇਕ ਖੇਤ ਨੂੰ ਵੱਖ ਕਰ ਦਿੱਤਾ ਗਿਆ ਹੈ ਅਤੇ ਟਮਾਟਰਾਂ ਨਾਲ ਭਰੇ ਗ੍ਰੀਨਹਾਊਸ ਨਸ਼ਟ ਕਰ ਦਿੱਤੇ ਜਾਣਗੇ। ਟਮਾਟਰ ਦੇ ਪੌਦਿਆਂ 'ਚ ਵਿਸ਼ਾਣੂ ਨਾਲ ਕਿਸਾਨਾਂ ਨੂੰ ਭਾਰੀ ਨੁਕਸਾਨ ਹੋ ਸਕਦਾ ਹੈ। ਇਸ ਨਾਲ ਟਮਾਟਰ 'ਤੇ ਧੱਬੇ ਪੈ ਜਾਂਦੇ ਹਨ ਅਤੇ ਇਹ ਖਾਣ ਦੇ ਲਾਇਕ ਨਹੀਂ ਰਹਿੰਦਾ
ਜਾਣੋ ਸਾਈਬਰ ਬੀਮਾ ਕਿਉਂ ਹੈ ਜ਼ਰੂਰੀ, ਕਿੰਨੀ ਲਾਗਤ ਨਾਲ ਖਰੀਦਿਆ ਜਾ ਸਕਦੈ ਇਸਨੂੰ
NEXT STORY