ਮੁੰਬਈ (ਭਾਸ਼ਾ)- ਘਰੇਲੂ ਸੋਨੇ ਦੇ ਗਹਿਣਿਆਂ ਦੀ ਖਪਤ ’ਚ 2025-26 ’ਚ 9-10 ਫ਼ੀਸਦੀ ਦੀ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। ਇਸ ਦਾ ਮੁੱਖ ਕਾਰਨ ਸੋਨੇ ਦੀਆਂ ਕੀਮਤਾਂ ’ਚ 33 ਫ਼ੀਸਦੀ ਦੀ ਤੇਜ਼ੀ ਆਉਣਾ ਹੈ। ਇਕ੍ਰਾ ਨੇ ਆਪਣੀ ਰਿਪੋਰਟ ’ਚ ਕਿਹਾ ਕਿ ਮਾਲੀ ਸਾਲ 2023-24 ਅਤੇ 2024-25 ’ਚ ਛੜਾਂ ਅਤੇ ਸਿੱਕਿਆਂ ਦੀ ਖਪਤ ’ਚ ਕ੍ਰਮਵਾਰ 17 ਫ਼ੀਸਦੀ ਅਤੇ 25 ਫ਼ੀਸਦੀ ਦਾ ਵਾਧਾ ਹੋਇਆ, ਜੋ ਗਲੋਬਲ ਵਿਆਪਕ ਆਰਥਿਕ ਬੇ-ਭਰੋਸਗੀ ਤੇ ਵਧੇ ਹੋਏ ਭੂ-ਸਿਆਸੀ ਅਤੇ ਵਪਾਰ ਤਣਾਅ ਦਰਮਿਆਨ ਸੁਰੱਖਿਅਤ-ਜਾਇਦਾਦਾਂ ਲਈ ਨਿਵੇਸ਼ਕਾਂ ਦੀ ਤਰਜੀਹ ਨੂੰ ਦਰਸਾਉਂਦਾ ਹੈ। ਇਸ ਰੁਝਾਨ ਦੇ ਚਾਲੂ ਮਾਲੀ ਸਾਲ ’ਚ ਜਾਰੀ ਰਹਿਣ ਦੀ ਸੰਭਾਵਨਾ ਹੈ, ਜਿਸ ’ਚ ਛੜਾਂ ਅਤੇ ਸਿੱਕਿਆਂ ਦੀ ਮੰਗ ’ਚ ਲੱਗਭਗ 10 ਫ਼ੀਸਦੀ ਦਾ ਵਾਧਾ ਹੋਣ ਦੀ ਸੰਭਾਵਨਾ ਹੈ, ਜੋ ਕੁੱਲ ਸੋਨੇ ਦੀ ਮੰਗ ਦਾ 35 ਫ਼ੀਸਦੀ ਹੈ।
ਏਜੰਸੀ ਦਾ ਅੰਦਾਜ਼ਾ ਹੈ ਕਿ 2024-25 ’ਚ 7 ਫ਼ੀਸਦੀ ਦੀ ਗਿਰਾਵਟ ਤੋਂ ਬਾਅਦ 2025-26 ’ਚ ਘਰੇਲੂ ਸੋਨੇ ਦੇ ਗਹਿਣਿਆਂ ਦੀ ਖਪਤ ’ਚ 9-10 ਫ਼ੀਸਦੀ ਦੀ ਗਿਰਾਵਟ ਆਵੇਗੀ, ਜਦੋਂ ਕਿ ਨਿਵੇਸ਼ ਮੰਗ ਮਜ਼ਬੂਤ ਬਣੀ ਰਹੇਗੀ। ਇਸ ਦਰਮਿਆਨ ਇਕ੍ਰਾ ਦਾ ਅੰਦਾਜ਼ਾ ਹੈ ਕਿ ਚਾਲੂ ਮਾਲੀ ਸਾਲ ’ਚ ਮੁੱਲ ਦੇ ਹਿਸਾਬ ਨਾਲ ਘਰੇਲੂ ਸੋਨੇ ਦੇ ਗਹਿਣਿਆਂ ਦੀ ਖਪਤ ’ਚ ਦੋਹਰੇ ਅੰਕ ਦਾ ਵਾਧਾ ਜਾਰੀ ਰਹੇਗੀ, ਜਿਸ ’ਚ ਅੰਦਾਜ਼ਨ ਮਾਤਰਾ ’ਚ ਗਿਰਾਵਟ ਦੇ ਬਾਵਜੂਦ 12-14 ਫ਼ੀਸਦੀ ਦਾ ਵਾਧਾ ਹੋਵੇਗਾ।
ਇਕ੍ਰਾ ਦੇ ਸੀਨੀਅਰ ਵਾਈਸ-ਪ੍ਰੈਜ਼ੀਡੈਂਟ ਅਤੇ ਸਮੂਹ ਮੁਖੀ ਜਿਤਿਨ ਮੱਕੜ ਨੇ ਕਿਹਾ, ‘‘ਸੰਗਠਿਤ ਵੱਡੇ ਪ੍ਰਚੂਨ ਵਿਕ੍ਰੇਤਾਵਾਂ ਤੋਂ ਚਾਲੂ ਮਾਲੀ ਸਾਲ ’ਚ ਸਾਲਾਨਾ ਆਧਾਰ ’ਤੇ 14-16 ਫ਼ੀਸਦੀ ਦੇ ਮਾਲੀਆ ਵਾਧੇ ਦੀ ਉਮੀਦ ਹੈ। ਇਸ ਨੂੰ ਸੋਨੇ ਦੀਆਂ ਕੀਮਤਾਂ ’ਚ ਲਗਾਤਾਰ ਵਾਧਾ, ਯੋਜਨਾਬੱਧ ਪ੍ਰਚੂਨ ਵਿਸਥਾਰ ਅਤੇ ਗੈਰ-ਸੰਗਠਿਤ ਖੇਤਰ ਤੋਂ ਬਾਜ਼ਾਰ ਹਿੱਸੇਦਾਰੀ ’ਚ ਵਾਧੇ ਨਾਲ ਸਮਰਥਨ ਮਿਲੇਗਾ। ਮਾਲੀ ਸਾਲ ’ਚ ਸ਼ੁੱਭ ਦਿਨਾਂ ਦੀ ਜ਼ਿਆਦਾ ਗਿਣਤੀ ਨਾਲ ਵੀ ਮੰਗ ਨੂੰ ਕੁਝ ਸਮਰਥਨ ਮਿਲਣ ਦੀ ਉਮੀਦ ਹੈ, ਭਾਵੇਂ ਕੀਮਤਾਂ ਉੱਚੀਆਂ ਹੋਣ ਅਤੇ ਮਾਤਰਾ ’ਚ ਗਿਰਾਵਟ ਹੋਵੇ।
ਭਾਰਤੀ ਅਰਥਵਿਵਸਥਾ 'ਚ ਤੇਜ਼ੀ, ਚੌਥੀ ਤਿਮਾਹੀ 'ਚ GDP ਵਿਕਾਸ ਦਰ 7.4% ਰਹੀ
NEXT STORY 
