ਬਿਜ਼ਨਸ ਡੈਸਕ: ਦੇਸ਼ ਦੀ ਆਰਥਿਕ ਵਿਕਾਸ ਦਰ 'ਚ ਬਹੁਤ ਵਾਧਾ ਹੋਇਆ ਹੈ। ਜਨਵਰੀ-ਮਾਰਚ ਤਿਮਾਹੀ 'ਚ GDP ਵਿੱਚ ਜ਼ਬਰਦਸਤ ਉਛਾਲ ਆਇਆ। ਜਨਵਰੀ-ਮਾਰਚ ਤਿਮਾਹੀ (FY25 ਦੀ ਚੌਥੀ ਤਿਮਾਹੀ) 'ਚ ਭਾਰਤ ਦੀ GDP ਵਿਕਾਸ ਦਰ 7.4% ਸੀ। ਇਹ ਅੰਕੜਾ ਅਨੁਮਾਨਿਤ 6.85% ਨਾਲੋਂ ਕਿਤੇ ਬਿਹਤਰ ਹੈ। ਪਿਛਲੀ ਤਿਮਾਹੀ ਯਾਨੀ FY25 ਦੀ ਤੀਜੀ ਤਿਮਾਹੀ 'ਚ GDP ਵਾਧਾ 6.2% ਸੀ, ਜੋ ਹੁਣ ਵਧ ਕੇ 7.4% ਹੋ ਗਿਆ ਹੈ। ਅਰਥਵਿਵਸਥਾ ਦਾ ਮਜ਼ਬੂਤ ਪ੍ਰਦਰਸ਼ਨ ਦਰਸਾਉਂਦਾ ਹੈ ਕਿ ਘਰੇਲੂ ਮੰਗ, ਨਿਵੇਸ਼ ਤੇ ਖੇਤੀਬਾੜੀ ਉਤਪਾਦਨ ਮਜ਼ਬੂਤ ਰਿਹਾ ਹੈ। ਪੂਰੇ ਵਿੱਤੀ ਸਾਲ 2024-25 ਲਈ ਅਸਲ GDP ਵਾਧਾ 6.5% ਸੀ। ਇਹ ICRA ਅਤੇ ਹੋਰ ਏਜੰਸੀਆਂ ਦੇ 6.3% ਅਨੁਮਾਨ ਤੋਂ ਵੱਧ ਹੈ।
GDP ਅੰਕੜੇ ਅਜਿਹੇ ਸਮੇਂ ਆਏ ਹਨ ਜਦੋਂ ਭਾਰਤ ਜਾਪਾਨ ਨੂੰ ਪਛਾੜ ਕੇ ਦੁਨੀਆ ਦੀ ਚੌਥੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਗਿਆ ਹੈ। ਅੰਤਰਰਾਸ਼ਟਰੀ ਮੁਦਰਾ ਫੰਡ (IMF) ਨੇ ਇਸਦੀ ਪੁਸ਼ਟੀ ਕੀਤੀ ਹੈ। ਨੀਤੀ ਆਯੋਗ ਦੇ ਸੀਈਓ ਬੀਵੀਆਰ ਸੁਬ੍ਰਾਹਮਣੀਅਮ ਨੇ ਹਾਲ ਹੀ ਵਿੱਚ ਹੋਈ ਗਵਰਨਿੰਗ ਕੌਂਸਲ ਦੀ ਮੀਟਿੰਗ 'ਚ ਇਸ ਪ੍ਰਾਪਤੀ ਨੂੰ ਦੁਹਰਾਇਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਪੁੰਛ 'ਚ ਪਾਕਿ ਗੋਲੀਬਾਰੀ ਦੇ ਪੀੜਤਾਂ ਨੂੰ ਮਿਲੇ ਅਮਿਤ ਸ਼ਾਹ, ਕੀਤਾ ਵਿਸ਼ੇਸ਼ ਪੈਕੇਜ ਦਾ ਐਲਾਨ
NEXT STORY 
