ਨਵੀਂ ਦਿੱਲੀ - ਸ਼ੇਅਰ ਬਾਜ਼ਾਰ ’ਚ ਸ਼ੁੱਕਰਵਾਰ ਨੂੰ ਲਗਾਤਾਰ ਚੌਥੇ ਦਿਨ ਰਹੀ ਤੇਜ਼ੀ ਨਾਲ ਨਿਵੇਸ਼ਕਾਂ ਦੀ ਜਾਇਦਾਦ 12.26 ਲੱਖ ਕਰੋੜ ਰੁਪਏ ਵਧ ਗਈ। ਪੱਛਮ ਏਸ਼ੀਆ ’ਚ ਤਣਾਅ ਘੱਟ ਹੋਣ ਅਤੇ ਅੰਤਰਰਾਸ਼ਟਰੀ ਬਾਜ਼ਾਰਾਂ ’ਚ ਕੱਚੇ ਤੇਲ ਦੀਆਂ ਕੀਮਤਾਂ ’ਚ ਨਰਮੀ ਦਰਮਿਆਨ ਸ਼ੇਅਰ ਬਾਜ਼ਾਰ ’ਚ ਤੇਜ਼ੀ ਬਣੀ ਰਹੀ।
ਅੱਜ ਬੰਬੇ ਸਟਾਕ ਐਕਸਚੇਂਜ (ਬੀ. ਐੱਸ. ਈ.) ਸੈਂਸੈਕਸ 303.03 ਅੰਕ ਚੜ੍ਹ ਕੇ 84,000 ਦੇ ਪੱਧਰ ਨੂੰ ਫਿਰ ਤੋਂ ਹਾਸਲ ਕਰ ਕੇ 84,058.90 ’ਤੇ ਬੰਦ ਹੋਇਆ। ਕਾਰੋਬਾਰ ਦੌਰਾਨ ਇਹ 333.48 ਅੰਕ ਉੱਛਲ ਕੇ 84,089.35 ’ਤੇ ਪਹੁੰਚ ਗਿਆ ਸੀ।
ਪਿਛਲੇ ਚਾਰ ਦਿਨਾਂ ’ਚ ਸੈਂਸੈਕਸ 2,162.11 ਅੰਕ ਚੜ੍ਹਿਆ ਹੈ। ਇਸ ਨਾਲ ਬੀ. ਐੱਸ. ਈ. ’ਚ ਸੂਚੀਬੱਧ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਨ ਚਾਰ ਕਾਰੋਬਾਰੀ ਇਜਲਾਸਾਂ ’ਚ 12,26,717.72 ਕਰੋੜ ਵਧ ਕੇ 4,60,09,217.58 ਕਰੋੜ ਰੁਪਏ (5.38 ਲੱਖ ਕਰੋੜ ਡਾਲਰ) ਹੋ ਗਿਆ। ਓਧਰ, ਨੈਸ਼ਨਲ ਸਟਾਕ ਐਕਸਚੇਂਜ (ਐੱਨ. ਐੱਸ. ਈ.) ਦਾ ਮਿਆਰੀ ਸੂਚਕ ਅੰਕ ਨਿਫਟੀ ਵੀ 88.80 ਅੰਕ ਭਾਵ 0.35 ਫ਼ੀਸਦੀ ਵਧ ਕੇ 25,637.80 ਅੰਕ ’ਤੇ ਪਹੁੰਚ ਗਿਆ।
ਸਾਵਧਾਨ! 1 ਜੁਲਾਈ ਤੋਂ ਇਨ੍ਹਾਂ ਵਾਹਨਾਂ ਨੂੰ ਮਿਲੇਗਾ ਪੈਟਰੋਲ-ਡੀਜ਼ਲ, ਕੈਮਰਿਆਂ ਰਾਹੀਂ ਕੀਤੀ ਜਾਵੇਗੀ ਨਿਗਰਾਨੀ
NEXT STORY 
