ਬਿਜ਼ਨੈੱਸ ਡੈਸਕ - ਯਾਤਰੀਆਂ ਨੂੰ ਆਮ ਤੌਰ 'ਤੇ ਉਡਾਣਾਂ ਦੌਰਾਨ ਆਪਣੇ ਮੋਬਾਈਲ ਫੋਨ ਫਲਾਈਟ ਮੋਡ 'ਚ ਰੱਖਣ ਲਈ ਅਪੀਲ ਕੀਤੀ ਜਾਂਦੀ ਹੈ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਅਜਿਹਾ ਕਿਉਂ ਜ਼ਰੂਰੀ ਹੈ? ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਇਸ ਪਿੱਛੇ ਅਸਲ ਕਾਰਨ ਕੀ ਹੈ।
ਇਹ ਵੀ ਪੜ੍ਹੋ : Gold ਨੇ ਮਾਰੀ ਇਤਿਹਾਸਕ ਛਾਲ, 1 ਲੱਖ ਦੇ ਪਾਰ ਪਹੁੰਚੇ ਭਾਅ, ਚਾਂਦੀ ਵੀ ਦੌੜੀ
ਜਾਣੋ ਕੀ ਹੁੰਦਾ ਹੈ ਏਅਰਪਲੇਨ ਮੋਡ
ਏਅਰਪਲੇਨ ਮੋਡ ਇੱਕ ਮੋਬਾਈਲ ਸੈਟਿੰਗ ਹੈ। ਇਸ ਨੂੰ ਸ਼ੁਰੂ ਕਰਨ ਭਾਵ ON ਕਰਨ 'ਤੇ ਫ਼ੋਨ ਦੀ ਸਾਰੀ ਵਾਇਰਲੈੱਸ ਕਨੈਕਟੀਵਿਟੀ ਜਿਵੇਂ ਕਿ ਵਾਈਫਾਈ, ਮੋਬਾਈਲ ਨੈੱਟਵਰਕ ਅਤੇ ਬਲੂਟੁੱਥ ਆਦਿ ਬੰਦ ਹੋ ਜਾਂਦੇ ਹਨ। ਇਸ ਵਿਵਸਥਾ ਨੂੰ On ਕਰਨ ਤੋਂ ਬਾਅਦ ਤੁਹਾਡਾ ਫ਼ੋਨ ਕਿਸੇ ਵੀ ਤਰ੍ਹਾਂ ਦਾ ਸਿਗਨਲ ਭੇਜਣ ਜਾਂ ਪ੍ਰਾਪਤ ਕਰਨ ਦੇ ਸਮਰੱਥ ਨਹੀਂ ਹੋਵੇਗਾ।
ਇਹ ਵੀ ਪੜ੍ਹੋ : ਕਰਿਸ਼ਮਾ ਕਪੂਰ ਦੇ ਸਾਬਕਾ ਪਤੀ ਸੰਜੇ ਕਪੂਰ ਦਾ ਹੋਇਆ ਦਿਹਾਂਤ, ਆਖ਼ਰੀ ਟਵੀਟ ਹੋ ਰਿਹਾ ਵਾਇਰਲ
ਕਿਉਂ ਜ਼ਰੂਰੀ ਹੁੰਦਾ ਹੈ ਏਅਰਪਲੇਨ ਮੋਡ ਆਨ ਕਰਨਾ
ਉਡਾਣ ਦੌਰਾਨ ਪਾਇਲਟ ਅਤੇ ਹਵਾਈ ਆਵਾਜਾਈ ਨਿਯੰਤਰਣ ਦਰਮਿਆਨ ਇੱਕ ਬਹੁਤ ਅਹਿਮ ਰੇਡੀਓ ਸਿਗਨਲ ਅਤੇ ਸੰਚਾਰ ਹੁੰਦਾ ਹੈ। ਇਹ ਰੇਡਿਓ ਸਿਗਨਲ ਸੰਕਟ ਦੇ ਸਮੇਂ ਕੰਟਰੋਲ ਟਾਵਰ ਨਾਲ ਫਲਾਇਟ ਦਾ ਸੰਪਰਕ ਬਣਾ ਕੇ ਰੱਖਣ ਲਈ ਅਹਿਮ ਹੁੰਦੇ ਹਨ। ਜੇਕਰ ਸੈਂਕੜੇ ਯਾਤਰੀ ਆਪਣੇ ਫ਼ੋਨ ਨੈੱਟਵਰਕ ਨੂੰ ਚਾਲੂ ਰੱਖਦੇ ਹਨ, ਤਾਂ ਇਹ ਜਹਾਜ਼ ਦੇ ਨੈਵੀਗੇਸ਼ਨ ਅਤੇ ਰੇਡੀਓ ਸਿਸਟਮ ਵਿੱਚ ਵਿਘਨ ਪਾ ਸਕਦਾ ਹੈ।
ਇਹ ਵੀ ਪੜ੍ਹੋ : ਵਿਵਾਦਾਂ 'ਚ ਘਿਰਿਆ Ahmedabad Plane Crash, Boeing ਕਰਮਚਾਰੀ ਨੇ ਦਿੱਤੀ ਸੀ ਚਿਤਾਵਨੀ
ਕਿਸੇ ਵੀ ਤਰ੍ਹਾਂ ਦੀ ਤਕਨੀਕੀ ਸਮੱਸਿਆ ਤੋਂ ਬਚਣ ਲਈ ਯਾਤਰੀਆਂ ਲਈ ਏਅਰਪਲੇਨ ਮੋਡ ਚਾਲੂ ਰਖਣਾ ਮਹੱਤਵਪੂਰਨ ਹੈ। ਏਅਰਪਲੇਨ ਮੋਡ ਨੂੰ ਚਾਲੂ ਕਰਨ ਨਾਲ ਇਹ ਯਕੀਨੀ ਬਣਾਇਆ ਜਾਂਦਾ ਹੈ ਕਿ ਕੋਈ ਵੀ ਨੈੱਟਵਰਕ ਸਿਗਨਲ ਉਡਾਣ ਪ੍ਰਣਾਲੀ ਵਿੱਚ ਵਿਘਨ ਨਾ ਪਵੇ।
ਫਲਾਈਟ 30,000 ਫੁੱਟ ਦੀ ਉਚਾਈ 'ਤੇ ਹੁੰਦੀ ਹੈ, ਤਾਂ ਆਮ ਮੋਬਾਈਲ ਨੈੱਟਵਰਕ ਆਪਣੇ ਆਪ ਉੱਥੇ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ। ਇਸ ਸਥਿਤੀ ਵਿਚ ਫ਼ੋਨ ਲਗਾਤਾਰ ਨੈੱਟਵਰਕ ਦੀ ਭਾਲ ਕਰਦਾ ਰਹਿੰਦਾ ਹੈ, ਜਿਸ ਕਾਰਨ ਬੈਟਰੀ 'ਤੇ ਲੋਡ ਵਧਦਾ ਹੈ ਅਤੇ ਇਹ ਜਲਦੀ ਖਤਮ ਹੋ ਜਾਂਦੀ ਹੈ ਅਤੇ ਨੈੱਟਵਰਕ ਸਿਸਟਮ 'ਤੇ ਲੋਡ ਵੀ ਵੱਧ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਇਨ੍ਹਾਂ ਖ਼ਾਤਾਧਾਰਕਾਂ ਨੂੰ ਜਲਦ ਮਿਲ ਸਕਦੈ Bank ਤੋਂ ਨੋਟਿਸ, RBI ਨੇ ਦਿੱਤੇ ਸਖ਼ਤ ਨਿਰਦੇਸ਼
ਕਾਨੂੰਨੀ ਨਿਯਮ ਅਤੇ ਡੀਜੀਸੀਏ ਦਿਸ਼ਾ-ਨਿਰਦੇਸ਼
ਭਾਰਤੀ ਡੀਜੀਸੀਏ ਅਤੇ ਅੰਤਰਰਾਸ਼ਟਰੀ ਏਅਰਲਾਈਨਜ਼ ਦੇ ਨਿਯਮਾਂ ਅਨੁਸਾਰ, ਉਡਾਣ ਦੌਰਾਨ ਮੋਬਾਈਲ ਨੂੰ ਏਅਰਪਲੇਨ ਮੋਡ 'ਤੇ ਰੱਖਣਾ ਜ਼ਰੂਰੀ ਹੈ। ਇਹ ਨਿਯਮ ਯਾਤਰੀਆਂ ਦੀ ਸੁਰੱਖਿਆ ਲਈ ਬਣਾਏ ਗਏ ਹਨ। ਕੁਝ ਦੇਸ਼ਾਂ ਵਿੱਚ, ਨਿਯਮਾਂ ਨੂੰ ਤੋੜਨ ਨਾਲ ਜੁਰਮਾਨਾ ਵੀ ਹੋ ਸਕਦਾ ਹੈ।
ਏਅਰਪਲੇਨ ਮੋਡ ਦੀ ਵਰਤੋਂ ਨਾ ਕਰਨ ਦਾ ਨੁਕਸਾਨ
ਤਕਨੀਕੀ ਸਮੱਸਿਆ (ਦਖਲਅੰਦਾਜ਼ੀ) ਦਾ ਖ਼ਤਰਾ ਵਧ ਸਕਦਾ ਹੈ। ਪਾਇਲਟ ਅਤੇ ਕੰਟਰੋਲ ਟਾਵਰ ਵਿਚਕਾਰ ਸੰਚਾਰ ਵਿੱਚ ਵਿਘਨ ਪੈ ਸਕਦਾ ਹੈ। ਤੁਹਾਡੀ ਡਿਵਾਈਸ ਦੀ ਬੈਟਰੀ ਜਲਦੀ ਖਤਮ ਹੋ ਸਕਦੀ ਹੈ।
ਫਲਾਈਟ ਵਿਚ ਵਾਈਫਾਈ ਦੀ ਸਹੂਲਤ
ਅੱਜਕੱਲ੍ਹ, ਕੁਝ ਉਡਾਣਾਂ ਵਿੱਚ ਇਨ-ਫਲਾਈਟ ਵਾਈਫਾਈ ਦੀ ਸਹੂਲਤ ਮਿਲਦੀ ਹੈ। ਜਿਸ ਦੀ ਸਹਾਇਤਾ ਨਾਲ ਤੁਸੀਂ ਏਅਰਪਲੇਨ ਮੋਡ ਚਾਲੂ ਰੱਖਣ ਤੋਂ ਬਾਅਦ ਵੀ ਵਾਈਫਾਈ ਦੀ ਵਰਤੋਂ ਕਰ ਸਕਦੇ ਹੋ। ਪਰ ਫਿਰ ਵੀ ਮੋਬਾਈਲ ਨੈੱਟਵਰਕ (ਇੰਟਰਨੈੱਟ ਜਾਂ ਸਿਮ ਨਾਲ ਕਾਲਿੰਗ) ਬੰਦ ਰੱਖਣਾ ਜ਼ਰੂਰੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਿਵੇਸ਼ਕਾਂ ਨੂੰ ਵੱਡਾ ਝਟਕਾ! SBI ਨੇ ਇਸ FD ਦੀ ਵਿਆਜ ਦਰ 'ਚ ਕੀਤੀ ਕਟੌਤੀ
NEXT STORY 
