ਬਿਜ਼ਨੈੱਸ ਡੈਸਕ - ਐੱਲ. ਪੀ. ਜੀ. ਦੀ ਕਮੀ ਅਤੇ ਵਧਦੀ ਬੇਭਰੋਸਗੀ ਦਰਮਿਆਨ ਦੇਸ਼ ’ਚ ਰੈਡੀ-ਟੂ-ਕੁੱਕ, ਰੈਡੀ-ਟੂ-ਈਟ ਅਤੇ ਫਰੋਜ਼ਨ ਖੁਰਾਕੀ ਉਤਪਾਦਾਂ ਦੀ ਮੰਗ ਤੇਜ਼ੀ ਨਾਲ ਵਧ ਰਹੀ ਹੈ। ਥਾਈ ਕਰੀ ਪੇਸਟ, ਬਿਰਿਆਨੀ ਕਿੱਟ, ਇੰਸਟੈਂਟ ਨੂਡਲਜ਼, ਫਰੋਜ਼ਨ ਸਨੈਕਸ ਅਤੇ ਸਬਜ਼ੀਆਂ ਵਰਗੇ ਉਤਪਾਦ ਹੁਣ ਰਿਟੇਲ ਦੁਕਾਨਾਂ ਅਤੇ ਕੁਇੱਕ-ਕਾਮਰਸ ਪਲੇਟਫਾਰਮਾਂ ’ਤੇ ਤੇਜ਼ੀ ਨਾਲ ਵਿਕ ਰਹੇ ਹਨ। ਪ੍ਰਚੂਨ ਬਾਜ਼ਾਰ ਦੇ ਜਾਣਕਾਰਾਂ ਅਨੁਸਾਰ ਇਨ੍ਹਾਂ ਉਤਪਾਦਾਂ ਦੀ ਵਿਕਰੀ ’ਚ ਮਹੀਨਾ-ਦਰ-ਮਹੀਨਾ ਲੱਗਭਗ 20 ਫੀਸਦੀ ਤੱਕ ਵਾਧਾ ਵੇਖਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : ਸੋਨਾ ਬਣਾਏਗਾ ਨਵੇਂ ਰਿਕਾਰਡ!! ਮਾਹਿਰਾਂ ਨੇ ਕਰ'ਤੀ ਹੈਰਾਨ ਕਰਦੀ ਭਵਿੱਖਬਾਣੀ
ਗੈਸ ਸੰਕਟ ਕਾਰਨ ਵਧੀ ਮੰਗ
ਰਿਪੋਰਟ ਮੁਤਾਬਕ ਖਾੜੀ ਖੇਤਰ ’ਚ ਜਾਰੀ ਜੰਗ ਕਾਰਨ ਐੱਲ. ਪੀ. ਜੀ. ਸਪਲਾਈ ਪ੍ਰਭਾਵਿਤ ਹੋਈ, ਜਿਸ ਨਾਲ ਦੇਸ਼ ਦੇ ਕਈ ਹਿੱਸਿਆਂ ’ਚ ਗੈਸ ਸਿਲੰਡਰਾਂ ਦੀ ਕਮੀ ਪੈਦਾ ਹੋ ਗਈ। ਇਸ ਸੰਕਟ ਦਾ ਅਸਰ ਰੈਸਟੋਰੈਂਟਾਂ, ਕਾਰਪੋਰੇਟ ਅਤੇ ਸਕੂਲ ਕੈਫੇਟੇਰੀਆ ਦੇ ਨਾਲ-ਨਾਲ ਘਰੇਲੂ ਰਸੋਈ ਤੱਕ ਪਹੁੰਚਿਆ। ਇਸੇ ਕਾਰਨ ਲੋਕ ਅਜਿਹੇ ਖੁਰਾਕੀ ਉਤਪਾਦਾਂ ਵੱਲ ਰੁਖ਼ ਕਰ ਰਹੇ ਹਨ, ਜਿਨ੍ਹਾਂ ਨੂੰ ਘੱਟ ਸਮੇਂ ’ਚ ਜਾਂ ਬਿਨਾਂ ਜ਼ਿਆਦਾ ਗੈਸ ਦੇ ਤਿਆਰ ਕੀਤਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ : LPG ਬੁਕਿੰਗ ਲਈ ਫੋਨ ਕਾਲ ਤੋਂ ਇਲਾਵਾ ਅਪਣਾਓ ਇਹ ਸੌਖੇ ਤਰੀਕੇ, ਇੰਝ ਕਰੋ ਸ਼ਿਕਾਇਤ
ਰਿਟੇਲ ਸਟੋਰਾਂ ਨੇ ਵਧਾਇਆ ਸਟਾਕ
ਪ੍ਰੀਮੀਅਮ ਗ੍ਰੌਸਰੀ ਰਿਟੇਲਰ ‘ਲੇ ਮਾਰਸ਼ੇ’ ਦੇ ਬੁਲਾਰੇ ਕਰਨ ਆਹੂਜਾ ਅਨੁਸਾਰ ਰੈਡੀ ਮੀਲਸ, ਫਰੋਜ਼ਨ ਸਨੈਕਸ ਅਤੇ ਇੰਸਟੈਂਟ ਨੂਡਲਜ਼ ਦੀ ਮੰਗ ’ਚ ਤੇਜ਼ ਉਛਾਲ ਆਇਆ ਹੈ। ਉਨ੍ਹਾਂ ਮੁਤਾਬਕ ਇਨ੍ਹਾਂ ਸ਼੍ਰੇਣੀਆਂ ’ਚ ਲੱਗਭਗ 10 ਤੋਂ 12 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : 31 ਮਾਰਚ ਤੋਂ ਪਹਿਲਾਂ ਕਰ ਲਓ ਇਹ ਜ਼ਰੂਰੀ ਕੰਮ, ਨਹੀਂ ਤਾਂ ਬੰਦ ਹੋ ਸਕਦੇ ਹਨ ਤੁਹਾਡੇ PPF, NPS ਅਤੇ SSY ਖਾਤੇ
ਇੰਡਕਸ਼ਨ ਕੁੱਕਟਾਪ ਅਤੇ ਇਲੈਕਟ੍ਰਿਕ ਉਪਕਰਣਾਂ ਦੀ ਮੰਗ ਵੀ ਵਧੀ
ਐੱਲ. ਪੀ. ਜੀ. ਦੀ ਕਮੀ ਕਾਰਨ ਲੋਕ ਬਦਲਵੇਂ ਖਾਣਾ ਪਕਾਉਣ ਦੇ ਸਾਧਨਾਂ ਵੱਲ ਵੀ ਤੇਜ਼ੀ ਨਾਲ ਵਧ ਰਹੇ ਹਨ। ਇਨਫਿਨਿਟੀ ਰਿਟੇਲ ਦੇ ਮੈਨੇਜਿੰਗ ਡਾਇਰੈਕਟਰ ਸ਼ਿਬਾਸ਼ਿਸ਼ ਰਾਏ ਅਨੁਸਾਰ ਪਿਛਲੇ ਕੁਝ ਦਿਨਾਂ ’ਚ ਇੰਡਕਸ਼ਨ ਕੁੱਕਟਾਪ ਦੀ ਮੰਗ ਅਚਾਨਕ ਵਧ ਗਈ ਹੈ ਅਤੇ ਰੋਜ਼ਾਨਾ ਵਿਕਰੀ ਆਮ ਪੱਧਰ ਤੋਂ ਲੱਗਭਗ ਤਿੰਨ ਗੁਣਾ ਤੱਕ ਪਹੁੰਚ ਗਈ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਜੇਕਰ ਗੈਸ ਸੰਕਟ ਲੰਬਾ ਚੱਲਦਾ ਹੈ ਤਾਂ ਭਾਰਤ ’ਚ ਖਾਣ-ਪੀਣ ਦੀਆਂ ਆਦਤਾਂ ਅਤੇ ਕਿਚਨ ਉਪਕਰਣਾਂ ਦੀ ਵਰਤੋਂ ’ਚ ਸਥਾਈ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ।
ਇਹ ਵੀ ਪੜ੍ਹੋ : ਵੱਡਾ ਝਟਕਾ! ਇਨ੍ਹਾਂ ਖੇਤਰਾਂ ਲਈ ਫਿਰ ਬਦਲ ਗਏ LPG ਗੈਸ ਬੁਕਿੰਗ ਦੇ ਨਿਯਮ
ਲੰਬਾ ਚੱਲ ਸਕਦਾ ਹੈ ਰੈਡੀ-ਟੂ-ਈਟ ਫੂਡ ਦਾ ਟ੍ਰੈਂਡ
‘ਦਾਵਤ’ ਬ੍ਰਾਂਡ ਦੇ ਰੈਡੀ-ਟੂ-ਕੁੱਕ ਬਿਰਿਆਨੀ ਕਿੱਟ ਅਤੇ ਰਾਈਸ ਮਿਕਸ ਬਣਾਉਣ ਵਾਲੀ ਫੂਡ ਕੰਪਨੀ ਐੱਲ. ਟੀ. ਫੂਡਸ ਅਨੁਸਾਰ ਇਨ੍ਹਾਂ ਉਤਪਾਦਾਂ ਦੀ ਵਿਕਰੀ ਲਗਾਤਾਰ ਵਧ ਰਹੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਜੇਕਰ ਐੱਲ. ਪੀ. ਜੀ. ਦੀ ਕਮੀ ਅਤੇ ਬੇਭਰੋਸਗੀ ਅਗਲੇ ਕੁਝ ਹਫ਼ਤਿਆਂ ਤੱਕ ਬਣੀ ਰਹਿੰਦੀ ਹੈ, ਤਾਂ ਰੈਡੀ-ਟੂ-ਈਟ ਅਤੇ ਰੈਡੀ-ਟੂ-ਕੁੱਕ ਉਤਪਾਦਾਂ ਦੀ ਮੰਗ ਹੋਰ ਵਧ ਸਕਦੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਕੋਵਿਡ ਲਾਕਡਾਊਨ ਦੌਰਾਨ ਜਿਨ੍ਹਾਂ ਉਤਪਾਦਾਂ ਦੀ ਮੰਗ ਤੇਜ਼ੀ ਨਾਲ ਵਧੀ ਸੀ, ਉਹ ਹੁਣ ਫਿਰ ਤੋਂ ਪ੍ਰਚਲਿਤ ਹੋ ਸਕਦੇ ਹਨ ਅਤੇ ਇਹ ਉਪਭੋਗਤਾ ਵਿਵਹਾਰ ’ਚ ਸਥਾਈ ਬਦਲਾਅ ਵੀ ਲਿਆ ਸਕਦਾ ਹੈ।
ਇਹ ਵੀ ਪੜ੍ਹੋ : ਜੰਗ ਦੀ ਮਾਰ: ਭਾਰਤ 'ਚ ਹੁਣ ਪੀਣ ਵਾਲਾ ਪਾਣੀ ਵੀ ਹੋਵੇਗਾ ਮਹਿੰਗਾ, ਜਾਣੋ ਕਿੰਨੀਆਂ ਵਧਣਗੀਆਂ ਕੀਮਤਾਂ
ਇਹ ਵੀ ਪੜ੍ਹੋ : ਕੀਮਤਾਂ 'ਚ ਵਾਧੇ ਦਰਮਿਆਨ ਇਕ ਹੋਰ ਵੱਡਾ ਝਟਕਾ! ਬਦਲ ਗਏ LPG ਗੈਸ ਸਿਲੰਡਰ ਦੇ ਬੁਕਿੰਗ ਨਿਯਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਹੁਣ ਜਹਾਜ਼ 'ਚ Free ਮਿਲਣੀਆਂ 60 ਫ਼ੀਸਦੀ ਸੀਟਾਂ ! ਏਅਰਲਾਈਨ ਕੰਪਨੀਆਂ ਨੂੰ ਜਾਰੀ ਹੋਏ ਸਖ਼ਤ ਨਿਰਦੇਸ਼
NEXT STORY 
