ਇਸਲਾਮਾਬਾਦ (ਆਈਏਐਨਐਸ)- ਭਾਰਤ ਦੇ ਗੁਆਂਢੀ ਮੁਲਕ ਪਾਕਿਸਤਾਨ ਵਿਚ ਮਹਿੰਗਾਈ ਨਾਲ ਆਮ ਜਨਤਾ ਦਾ ਬੁਰਾ ਹਾਲ ਹੈ। ਤਰਲ ਪੈਟਰੋਲੀਅਮ ਗੈਸ (LPG) ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧੇ ਕਾਰਨ ਪਾਕਿਸਤਾਨ ਦੇ ਰਾਵਲਪਿੰਡੀ ਵਿੱਚ ਘੱਟ ਅਤੇ ਮੱਧਮ ਆਮਦਨ ਵਾਲੇ ਪਰਿਵਾਰਾਂ ਨੇ ਖਾਣਾ ਪਕਾਉਣ ਲਈ ਲੱਕੜਾਂ ਅਤੇ ਕੋਲੇ ਦੀ ਵਰਤੋਂ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਦੂਜੇ ਪਾਸੇ ਗੈਸ ਸਪਲਾਈ ਦਿਨ ਵਿੱਚ ਸਿਰਫ਼ ਛੇ ਘੰਟੇ ਲਈ ਉਪਲਬਧ ਹੋ ਰਹੀ ਹੈ।
ਘੱਟ ਅਤੇ ਮੱਧਮ ਆਮਦਨ ਵਾਲੇ ਪਰਿਵਾਰਾਂ, ਸੜਕ ਕਿਨਾਰੇ ਖਾਣ-ਪੀਣ ਦੀਆਂ ਦੁਕਾਨਾਂ ਅਤੇ ਛੋਟੇ ਤੰਦੂਰ ਵਾਲਿਆਂ ਨੇ ਬਾਲਣ ਵਜੋਂ ਲੱਕੜਾਂ, ਕੋਲੇ ਅਤੇ ਮਿੱਟੀ ਦੇ ਤੇਲ ਦੀ ਵਰਤੋਂ ਸ਼ੁਰੂ ਕਰ ਦਿੱਤੀ ਹੈ। ਸਰਦੀਆਂ ਦੀ ਸ਼ੁਰੂਆਤ ਦੇ ਨਾਲ ਹੀ ਲੱਕੜਾਂ ਅਤੇ ਕੋਲੇ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋ ਗਿਆ ਹੈ। ਪਾਕਿਸਤਾਨੀ ਅਖ਼ਬਾਰ 'ਦਿ ਐਕਸਪ੍ਰੈਸ ਟ੍ਰਿਬਿਊਨ' ਦੀ ਰਿਪੋਰਟ ਅਨੁਸਾਰ ਕੋਲਾ 800 ਤੋਂ 1,000 ਪਾਕਿਸਤਾਨੀ ਰੁਪਏ (PKR) ਪ੍ਰਤੀ ਮਣ ਵਿਕ ਰਿਹਾ ਹੈ, ਜਦੋਂ ਕਿ ਸੁੱਕੀਆਂ ਲੱਕੜਾਂ 1,500 ਤੋਂ 1,800 PKR ਪ੍ਰਤੀ ਮਣ ਦੇ ਭਾਅ ਵਿਕ ਰਹੀਆਂ ਹਨ। ਲੱਕੜ ਦੇ ਬੁਰਾਦੇ ਦੀ ਕੀਮਤ ਵੀ ਵੱਧ ਕੇ 700 PKR ਪ੍ਰਤੀ ਮਣ ਹੋ ਗਈ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਪਾਕਿਸਤਾਨ 'ਚ ਉੱਚ ਸਿੱਖਿਆ ਦਾ ਗੰਭੀਰ ਸੰਕਟ ; 80 ਫੀਸਦੀ ਯੂਨੀਵਰਸਿਟੀਆਂ ਦਿਵਾਲੀਆ ਹੋਣ ਕੰਢੇ
ਗੈਸ ਦੀ ਸਪਲਾਈ ਦਿਨ ਵਿੱਚ ਤਿੰਨ ਵਾਰ, ਦੋ-ਦੋ ਘੰਟਿਆਂ ਦੇ ਅੰਤਰਾਲ 'ਤੇ ਮਿਲਦੀ ਹੈ, ਜਦੋਂ ਕਿ ਰਾਤ 9 ਵਜੇ ਤੋਂ ਸਵੇਰ ਤੱਕ ਗੈਸ ਦੀ ਸਪਲਾਈ ਲਗਾਤਾਰ ਬੰਦ ਰਹਿੰਦੀ ਹੈ। ਇਸ ਕਾਰਨ ਵਪਾਰੀ, ਦੁਕਾਨਦਾਰ ਅਤੇ ਅਮੀਰ ਪਰਿਵਾਰ ਗੈਸ ਸਿਲੰਡਰਾਂ ਦੀ ਵਰਤੋਂ ਕਰਨ ਲਈ ਮਜਬੂਰ ਹਨ। ਗੈਸ ਸਿਲੰਡਰਾਂ ਦੀ ਵਧਦੀ ਮੰਗ ਨੇ ਇਨ੍ਹਾਂ ਦੀਆਂ ਕੀਮਤਾਂ ਵਿੱਚ ਹੋਰ ਵੀ ਵਾਧਾ ਕਰ ਦਿੱਤਾ ਹੈ। ਇੱਕ ਨਵੇਂ ਸਿਲੰਡਰ ਦੀ ਕੀਮਤ 10,000 PKR ਤੋਂ ਵੱਧ ਕੇ 13,500 PKR ਹੋ ਗਈ ਹੈ, ਜਦੋਂ ਕਿ ਪੁਰਾਣੇ (ਵਰਤੇ ਹੋਏ) ਸਿਲੰਡਰਾਂ ਦੀ ਕੀਮਤ 8,000 PKR ਤੋਂ ਵੱਧ ਕੇ 10,000 PKR ਹੋ ਗਈ ਹੈ। ਘਰੇਲੂ ਸਿਲੰਡਰਾਂ ਨੂੰ ਦੁਬਾਰਾ ਭਰਵਾਉਣ ਦੀ ਕੀਮਤ 3,000 PKR ਤੋਂ ਵੱਧ ਕੇ 5,000 PKR ਹੋ ਗਈ ਹੈ, ਜਦੋਂ ਕਿ ਵਪਾਰਕ ਗੈਸ ਸਿਲੰਡਰਾਂ ਨੂੰ ਭਰਵਾਉਣ ਦੀ ਕੀਮਤ 14,000 PKR ਤੋਂ ਵੱਧ ਕੇ 25,000 PKR ਤੱਕ ਪਹੁੰਚ ਗਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਜੈਸ਼ੰਕਰ ਨੇ ਅਟਲਾਂਟਾ 'ਚ ਸਰਦਾਰ ਪਟੇਲ ਦੇ 'ਬੁੱਤ' ਦਾ ਕੀਤਾ ਉਦਘਾਟਨ
NEXT STORY 
