ਬਿਜ਼ਨੈੱਸ ਡੈਸਕ - ਮੱਧ ਪੂਰਬ ’ਚ ਅਮਰੀਕਾ-ਇਜ਼ਰਾਈਲ-ਈਰਾਨ ਸੰਘਰਸ਼ ਦਾ ਅਸਰ ਹੁਣ ਗਲੋਬਲ ਸੈਰ-ਸਪਾਟਾ ਉਦਯੋਗ ’ਤੇ ਸਾਫ ਦਿਖਾਈ ਦੇਣ ਲੱਗਾ ਹੈ। ਇਸ ਦਾ ਸਭ ਤੋਂ ਵੱਧ ਪ੍ਰਭਾਵ ਖਾੜੀ ਖੇਤਰ ਦੇ ਪ੍ਰਮੁੱਖ ਸੈਰ-ਸਪਾਟਾ ਕੇਂਦਰ ਦੁਬਈ ’ਤੇ ਪਿਆ ਹੈ, ਜਿੱਥੇ ਕਈ ਪ੍ਰੀਮੀਅਮ ਅਤੇ ਲਗਜ਼ਰੀ ਹੋਟਲਾਂ ਨੇ ਅਸਥਾਈ ਤੌਰ ’ਤੇ ਆਪਣੇ ਦਰਵਾਜ਼ੇ ਬੰਦ ਕਰ ਦਿੱਤੇ ਹਨ ਜਾਂ ਅੰਸ਼ਿਕ ਤੌਰ ’ਤੇ ਸੇਵਾਵਾਂ ਰੋਕ ਦਿੱਤੀਆਂ ਹਨ। ਹੋਟਲ ਉਦਯੋਗ ਇਸ ਮੰਦੀ ਨੂੰ ਚੁਣੌਤੀ ਦੇ ਨਾਲ-ਨਾਲ ਇਕ ਮੌਕੇ ਵਜੋਂ ਵੀ ਦੇਖ ਰਿਹਾ ਹੈ ਅਤੇ ਵੱਡੇ ਪੱਧਰ ’ਤੇ ਰੈਨੋਵੇਸ਼ਨ ਅਤੇ ਅਪਗ੍ਰੇਡ ਦੇ ਕੰਮ ਸ਼ੁਰੂ ਕਰ ਦਿੱਤੇ ਗਏ ਹਨ।
ਇਹ ਵੀ ਪੜ੍ਹੋ : ਮਾਂ ਵੈਸ਼ਨੋਂ ਦੇਵੀ ਦੇ ਦਰਬਾਰ 'ਚ ਚੜ੍ਹੀ 'ਨਕਲੀ ਚਾਂਦੀ', ਸਿਰਫ 30 ਕਰੋੜ ਦੇ ਨਿਕਲੇ 550 ਕਰੋੜ ਦੇ ਗਹਿਣੇ
ਦੁਬਈ ’ਚ ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ ਬੁਰਜ ਖਲੀਫਾ ਕੋਲ ਵੱਕਾਰੀ ਅਰਮਾਨੀ ਹੋਟਲ ਨੇ ਵਿਆਪਕ ਨਵੀਨੀਕਰਨ ਲਈ ਆਪਣੀਆਂ ਸੇਵਾਵਾਂ ਅਸਥਾਈ ਤੌਰ ’ਤੇ ਬੰਦ ਕਰ ਦਿੱਤੀਆਂ ਹਨ। ਇਸ ਤੋਂ ਇਲਾਵਾ ਆਪਣੀ ਵਿਲੱਖਣ ਪਾਲ-ਆਕਾਰ ਦੀ ਬਣਤਰ ਲਈ ਵਿਸ਼ਵ ਪ੍ਰਸਿੱਧ ਜੁਮੇਰਾਹ ਬੁਰਜ ਅਲ ਅਰਬ 18 ਮਹੀਨਿਆਂ ਦੇ ਵੱਡੇ ਰੈਸਟੋਰੇਸ਼ਨ ਪ੍ਰੋਗਰਾਮ ’ਚੋਂ ਲੰਘ ਰਿਹਾ ਹੈ। ਇਹ 1999 ’ਚ ਖੁੱਲ੍ਹਣ ਤੋਂ ਬਾਅਦ ਪਹਿਲੀ ਵਾਰ ਇੰਨਾ ਵੱਡਾ ਨਵੀਨੀਕਰਨ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : 10 ਸਾਲ ਪੁਰਾਣਾ ਆਧਾਰ ਕਾਰਡ ਰੱਖਣ ਵਾਲਿਆਂ ਲਈ ਅਹਿਮ ਖ਼ਬਰ, 14 ਜੂਨ ਤੱਕ ਮਿਲੇਗੀ ਖ਼ਾਸ ਸਹੂਲਤ
ਮੰਗ ’ਚ ਗਿਰਾਵਟ ਅਤੇ ਰਣਨੀਤਕ ਬਦਲਾਅ
ਸੈਰ-ਸਪਾਟਾ ਉਦਯੋਗ ਨਾਲ ਜੁੜੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਫਰਵਰੀ ਦੇ ਅਖੀਰ ਤੋਂ ਸ਼ੁਰੂ ਹੋਏ ਸੰਘਰਸ਼ ਕਾਰਨ ਅੰਤਰਰਾਸ਼ਟਰੀ ਯਾਤਰੀਆਂ ਦੀ ਗਿਣਤੀ ’ਚ ਗਿਰਾਵਟ ਆਈ ਹੈ। ਫਲਾਈਟ ਸ਼ਡਿਊਲ ਪ੍ਰਭਾਵਿਤ ਹੋਏ ਹਨ ਅਤੇ ਕਈ ਸੈਲਾਨੀ ਆਪਣੀਆਂ ਯਾਤਰਾ ਯੋਜਨਾਵਾਂ ਟਾਲ ਰਹੇ ਹਨ। ਇਸ ਦਾ ਸਿੱਧਾ ਅਸਰ ਹੋਟਲ ਬੁਕਿੰਗਜ਼ ’ਤੇ ਪਿਆ ਹੈ, ਖਾਸ ਕਰ ਕੇ ਲਗਜ਼ਰੀ ਸੈਗਮੈਂਟ ’ਚ, ਜਿੱਥੇ ਵਿਦੇਸ਼ੀ ਸੈਲਾਨੀਆਂ ਦੀ ਹਿੱਸੇਦਾਰੀ ਵਧੇਰੇ ਹੁੰਦੀ ਹੈ।
ਇਹ ਵੀ ਪੜ੍ਹੋ : ਪ੍ਰਾਈਵੇਟ ਮੁਲਾਜ਼ਮਾਂ ਦੀ ਬੇਸਿਕ ਸੈਲਰੀ 'ਚ ਵੱਡਾ ਬਦਲਾਅ ਲਾਗੂ, ਜਾਣੋ ਕਿੰਨੀ ਘਟੇਗੀ ਤੁਹਾਡੀ 'ਇਨ-ਹੈਂਡ' ਸੈਲਰੀ
ਰੀਅਲ ਅਸਟੇਟ ਸਲਾਹਕਾਰ ਕੰਪਨੀ ਐਨਾਰਾਕ ਗਰੁੱਪ ਅਨੁਸਾਰ ਹੋਟਲ ਕੰਪਨੀਆਂ ਇਸ ਸੁਸਤੀ ਦੇ ਦੌਰ ਨੂੰ ‘ਕਾਊਂਟਰ-ਸਾਈਕਲੀਕਲ ਸਟ੍ਰੈਟਜੀ’ ਵਜੋਂ ਵਰਤ ਰਹੀਆਂ ਹਨ, ਭਾਵ ਜਦੋਂ ਮੰਗ ਘੱਟ ਹੈ, ਉਦੋਂ ਮੁਰੰਮਤ ਅਤੇ ਅਪਗ੍ਰੇਡ ਦਾ ਕੰਮ ਪੂਰਾ ਕਰ ਲਿਆ ਜਾਵੇ, ਤਾਂ ਜੋ ਭਵਿੱਖ ’ਚ ਮੰਗ ਵਧਣ ’ਤੇ ਬਿਹਤਰ ਸੇਵਾਵਾਂ ਦੇ ਨਾਲ ਬਾਜ਼ਾਰ ’ਚ ਵਾਪਸੀ ਕੀਤੀ ਜਾ ਸਕੇ।
ਇਹ ਵੀ ਪੜ੍ਹੋ : ਕਰਮਚਾਰੀਆਂ ਨੂੰ ਲੱਗੇਗਾ ਝਟਕਾ! ਅਪ੍ਰੈਲ ਮਹੀਨੇ ਤੋਂ ਘਟ ਕੇ ਆਵੇਗੀ ਤੁਹਾਡੀ ਸੈਲਰੀ, ਜਾਣੋ ਕਾਰਨ
ਹੋਰ ਹੋਟਲ ਅਤੇ ਪ੍ਰਾਪਰਟੀਜ਼ ਵੀ ਪ੍ਰਭਾਵਿਤ
ਸਿਰਫ ਦੋ-ਤਿੰਨ ਹੋਟਲ ਹੀ ਨਹੀਂ, ਸਗੋਂ ਕਈ ਹੋਰ ਪ੍ਰਾਪਰਟੀਜ਼ ਵੀ ਇਸ ਟ੍ਰੈਂਡ ਦਾ ਹਿੱਸਾ ਬਣ ਚੁੱਕੀਆਂ ਹਨ। ‘ਸੇਂਟ ਰੇਜਿਸ ਦਿ ਪਾਮ’ ਨੇ ਅਗਸਤ ਦੇ ਅਖੀਰ ਤੱਕ ਆਪਣੀਆਂ ਜ਼ਿਆਦਾਤਰ ਸੇਵਾਵਾਂ ਬੰਦ ਕਰ ਦਿੱਤੀਆਂ ਹਨ, ਜਦੋਂਕਿ ਪਾਰਕ ਹਯਾਤ ਦੁਬਈ ਅਤੇ ਰੈਡੀਸਨ ਬਲੂ ਹੋਟਲ ਦੁਬਈ ਮੀਡੀਆ ਸਿਟੀ ਵੀ ਰੈਨੋਵੇਸ਼ਨ ਲਈ ਅਸਥਾਈ ਤੌਰ ’ਤੇ ਬੰਦ ਹੋ ਰਹੇ ਹਨ।
ਇਹ ਵੀ ਪੜ੍ਹੋ : ਦੁਨੀਆ ਦਾ ਲਗਭਗ ਅੱਧਾ ਸੋਨਾ ਸਿਰਫ਼ ਦੋ ਦੇਸ਼ਾਂ ਕੋਲ, ਉਤਪਾਦਨ ਦੇ ਮਾਮਲੇ 'ਚ ਇਸ ਦੇਸ਼ ਨੇ ਮਾਰੀ ਬਾਜ਼ੀ
ਇਸੇ ਤਰ੍ਹਾਂ ਅਟਲਾਂਟਿਸ ਦੁਬਈ (ਦਿ ਪਾਮ ਅਤੇ ਦਿ ਰਾਇਲ) ਨੇ ਆਪਣੇ 7 ਪ੍ਰਮੁੱਖ ਰੈਸਟੋਰੈਂਟ ਅਤੇ ਬਾਰ ਬੰਦ ਕਰ ਦਿੱਤੇ ਹਨ, ਜਿਨ੍ਹਾਂ ’ਚ ਹਾਈ-ਐਂਡ ਡਾਈਨਿੰਗ ਤਜਰਬਾ ਦੇਣ ਵਾਲੇ ਕਈ ਨਾਮ ਸ਼ਾਮਲ ਹਨ। ਇਹ ਕਦਮ ਗਰਮੀਆਂ ’ਚ ਘੱਟ ਮੰਗ ਨੂੰ ਦੇਖਦੇ ਹੋਏ ਚੁੱਕਿਆ ਗਿਆ ਹੈ ਤਾਂ ਜੋ ਸੰਚਾਲਨ ਲਾਗਤ ਨੂੰ ਕੰਟਰੋਲ ਕੀਤਾ ਜਾ ਸਕੇ ਅਤੇ ਭਵਿੱਖ ਲਈ ਬਿਹਤਰ ਸੁਵਿਧਾਵਾਂ ਤਿਆਰ ਕੀਤੀਆਂ ਜਾ ਸਕਣ।
ਇਹ ਵੀ ਪੜ੍ਹੋ : ਅਕਸ਼ੈ ਤ੍ਰਿਤੀਆ ਤੋਂ ਬਾਅਦ ਚਾਂਦੀ 4000 ਰੁਪਏ ਹੋਈ ਸਸਤੀ, ਸੋਨੇ ਦੇ ਭਾਅ ਵੀ ਟੁੱਟੇ
ਸੁਰੱਖਿਆ ਅਤੇ ਇਨਫ੍ਰਾਸਟਰੱਕਚਰ ’ਤੇ ਵਿਸ਼ੇਸ਼ ਧਿਆਨ
ਹਾਲੀਆ ਘਟਨਾਵਾਂ ਨੇ ਹੋਟਲ ਇੰਡਸਟਰੀ ਨੂੰ ਸੁਰੱਖਿਆ ਦੇ ਲਿਹਾਜ਼ ਨਾਲ ਵੀ ਵਧੇਰੇ ਸੁਚੇਤ ਕਰ ਦਿੱਤਾ ਹੈ। ਡਰੋਨ ਹਮਲਿਆਂ ਅਤੇ ਖੇਤਰੀ ਅਸਥਿਰਤਾ ਦੇ ਮੱਦੇਨਜ਼ਰ ਕਈ ਹੋਟਲ ਹੁਣ ਆਪਣੇ ਸੁਰੱਖਿਆ ਤੰਤਰ ਨੂੰ ਮਜ਼ਬੂਤ ਕਰ ਰਹੇ ਹਨ। ਇਸ ’ਚ ਆਧੁਨਿਕ ਨਿਗਰਾਨੀ ਪ੍ਰਣਾਲੀ, ਐਮਰਜੈਂਸੀ ਰਿਸਪਾਂਸ ਪ੍ਰੋਟੋਕੋਲ ਅਤੇ ਪੈਰੀਮੀਟਰ (ਘੇਰਾਬੰਦੀ) ਸੁਰੱਖਿਆ ਨੂੰ ਉੱਨਤ ਕਰਨਾ ਸ਼ਾਮਲ ਹੈ।
ਇਹ ਵੀ ਪੜ੍ਹੋ : OCI ਕਾਰਡ ਨਿਯਮਾਂ 'ਚ ਵੱਡਾ ਬਦਲਾਅ : ਜਾਣੋ ਅਪਲਾਈ ਕਰਨ, ਨਵੇਂ ਫ਼ੀਸ ਸਟਰੱਕਚਰ ਤੇ ਸ਼ਰਤਾਂ ਬਾਰੇ
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਟ੍ਰੈਂਡ ਨਵਾਂ ਨਹੀਂ ਹੈ। 11 ਸਤੰਬਰ ਦੇ ਹਮਲੇ ਅਤੇ 2008 ਦੇ ਮੁੰਬਈ ਹਮਲੇ ਤੋਂ ਬਾਅਦ ਵੀ ਗਲੋਬਲ ਹੋਟਲ ਉਦਯੋਗ ਨੇ ਇਸੇ ਤਰ੍ਹਾਂ ਸੁਰੱਖਿਆ ਅਤੇ ਇਨਫ੍ਰਾਸਟਰੱਕਚਰ ਨੂੰ ਮਜ਼ਬੂਤ ਕੀਤਾ ਸੀ, ਜਿਸ ਤੋਂ ਬਾਅਦ ਹੌਲੀ-ਹੌਲੀ ਬਾਜ਼ਾਰ ’ਚ ਸੁਧਾਰ ਦੇਖਣ ਨੂੰ ਮਿਲਿਆ।
ਅਰਥਵਿਵਸਥਾ ’ਤੇ ਪ੍ਰਭਾਵ
ਸੰਯੁਕਤ ਅਰਬ ਅਮੀਰਾਤ ਦੀ ਅਰਥਵਿਵਸਥਾ ’ਚ ਸੈਰ-ਸਪਾਟਾ ਦਾ ਯੋਗਦਾਨ ਲੱਗਭਗ 14 ਫੀਸਦੀ ਹੈ। 2025 ਦੇ ਆਖਿਰ ਤੱਕ ਦੁਬਈ ’ਚ ਕਰੀਬ 1.54 ਲੱਖ ਹੋਟਲ ਕਮਰੇ ਉਪਲੱਬਧ ਸਨ, ਜੋ ਹੁਣ ਮੰਗ ’ਚ ਕਮੀ ਕਾਰਨ ਦਬਾਅ ’ਚ ਹਨ।
ਹੋਟਲ ਇੰਡਸਟਰੀ ’ਚ ਗਿਰਾਵਟ ਦਾ ਅਸਰ ਸਿਰਫ ਰਿਹਾਇਸ਼ ਤੱਕ ਸੀਮਤ ਨਹੀਂ ਹੈ, ਬਲਕਿ ਇਸ ਨਾਲ ਜੁੜੇ ਰਿਟੇਲ, ਟ੍ਰਾਂਸਪੋਰਟ, ਫੂਡ ਐਂਡ ਬੇਵਰੇਜ ਅਤੇ ਐਂਟਰਟੇਨਮੈਂਟ ਸੈਕਟਰ ’ਤੇ ਵੀ ਪੈ ਰਿਹਾ ਹੈ।
ਅੱਗੇ ਦੀ ਰਾਹ
ਮਾਹਿਰਾਂ ਦਾ ਮੰਨਣਾ ਹੈ ਕਿ ਮੌਜੂਦਾ ਸੰਕਟ ਅਸਥਾਈ ਹੈ ਅਤੇ ਜਿਵੇਂ ਹੀ ਭੂ-ਸਿਆਸੀ ਸਥਿਤੀ ਆਮ ਹੋਵੇਗੀ, ਸੈਰ-ਸਪਾਟਾ ਖੇਤਰ ’ਚ ਤੇਜ਼ੀ ਨਾਲ ਸੁਧਾਰ ਦੇਖਣ ਨੂੰ ਮਿਲ ਸਕਦਾ ਹੈ।
ਦੁਬਈ ਦੀ ਗਲੋਬਲ ਪਛਾਣ, ਆਧੁਨਿਕ ਇਨਫ੍ਰਾਸਟਰੱਕਚਰ ਅਤੇ ਮਜ਼ਬੂਤ ਬ੍ਰਾਂਡ ਵੈਲਿਊ ਇਸ ਨੂੰ ਜਲਦ ਉੱਭਰਨ ’ਚ ਮਦਦ ਕਰੇਗੀ।
ਦੁਬਈ ਦਾ ਹੋਟਲ ਉਦਯੋਗ ਇਸ ਸਮੇਂ ਦੋਹਰੀ ਚੁਣੌਤੀ ਦਾ ਸਾਹਮਣਾ ਕਰ ਰਿਹਾ ਹੈ-ਇਕ ਪਾਸੇ ਘਟਦੀ ਮੰਗ ਅਤੇ ਦੂਜੇ ਪਾਸੇ ਵਧਦੀਆਂ ਸੁਰੱਖਿਆ ਚਿੰਤਾਵਾਂ ਪਰ ਉਦਯੋਗ ਇਸ ਨੂੰ ਮੌਕੇ ’ਚ ਬਦਲਣ ਦੀ ਦਿਸ਼ਾ ’ਚ ਅੱਗੇ ਵਧ ਰਿਹਾ ਹੈ। ਵਿਆਪਕ ਰੈਨੋਵੇਸ਼ਨ, ਬਿਹਤਰ ਸੁਰੱਖਿਆ ਅਤੇ ਪ੍ਰੀਮੀਅਮ ਅਨੁਭਵ ਜ਼ਰੀਏ ਇਹ ਸੈਕਟਰ ਭਵਿੱਖ ਦੀ ਤਿਆਰੀ ਕਰ ਰਿਹਾ ਹੈ, ਤਾਂ ਜੋ ਹਾਲਾਤ ਆਮ ਹੁੰਦੇ ਹੀ ਫਿਰ ਤੋਂ ਮਜ਼ਬੂਤੀ ਨਾਲ ਵਾਪਸੀ ਕਰ ਸਕੇ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਕੱਚੇ ਤੇਲ ਦੀਆਂ ਕੀਮਤਾਂ ਨੇ ਫਿਰ ਫੜੀ ਰਫ਼ਤਾਰ, ਭਾਰਤ ’ਚ 17 ਫੀਸਦੀ ਘੱਟ ਰਹੀ ਬਰਾਮਦ
NEXT STORY 
