ਨਵੀਂ ਦਿੱਲੀ—ਸੂਚਨਾ ਪ੍ਰਯੌਗਿਕੀ (ਆਈ.ਟੀ.) ਕੰਪਨੀ ਮਾਈਕ੍ਰੋਸਾਫਟ ਸਿਰਫ ਦਿਖਾਵੇ ਦੀ ਵਰਤੋਂ ਲਈ ਆਈਟੀ ਹੱਲ ਨਹੀਂ ਬਣਾ ਰਹੀ ਹੈ ਸਗੋਂ ਉਹ ਦੁਨੀਆ ਤੇ ਹਾਂ-ਪੱਖੀ ਅਸਰ ਪਾਉਣ ਲਈ ਵੀ ਕੰਮ ਕਰ ਰਹੀ ਹੈ। ਮਾਈਕ੍ਰੋਸਾਫਟ ਦੇ ਭਾਰਤੀ ਮੂਲ ਦੇ ਮੁੱਖ ਕਾਰਜਕਾਰੀ ਸੱਤਿਆ ਨਡੇਲਾ ਨੇ ਇਹ ਗੱਲ ਕਹੀ। ਮਾਈਕ੍ਰੋਸਾਫਟ ਦੇ ਸਹਿਯੋਗੀਆਂ ਦੀ ਸਾਲਾਨਾ ਮੀਟਿੰਗ ਵਿਚ ਨਡੇਲਾ ਨੇ ਕਿਹਾ ਕਿ ਚਾਹੇ ਗੱਲ ਕਿਸੇ 50 ਸਾਲ ਪੁਰਾਣੇ ਬੀਮਾ ਕਾਰੋਬਾਰ ਨੂੰ ਆਧੁਨਿਕ ਬਣਾਉਣ ਦੀ ਹੋਵੇ ਜਾਂ ਇਕ ਨਵੇਂ ਉਭਰਦੇ ਕਾਰੋਬਾਰ ਨੂੰ ਮਦਦ ਦੇਣ ਦੀ, ਮਾਈਕ੍ਰੋਸਾਫਟ ਆਪਣੇ ਸਮੂਹਿਕ ਗਾਹਕਾਂ ਲਈ ਭਵਿੱਖ ਤੇ ਦਾਅ ਲਗਾ ਰਹੀ ਹੈ। ਕੰਪਨੀ ਦੀ ਇਸ ਸਾਲਾਨਾ ਮੀਟਿੰਗ ਵਿਚ ਭਾਰਤ ਤੋਂ 176 ਲੋਕਾਂ ਸਮੇਤ ਪੂਰੀ ਦੁਨੀਆ ਨਾਲ ਸਾਂਝੇਦਾਰ ਸ਼ਾਮਲ ਹੋਏ।
ਨਡੇਲਾ ਨੇ ਕਿਹਾ ਹੈ ਕਿ ਭਾਵੇਂ ਹੀ ਸਾਡੇ ਕੋਲ ਵਾਧੇ ਦੇ ਤਮਾਮ ਮੌਕੇ ਹੋਣ ਪਰ ਅਸੀਂ ਸਿਰਫ ਦਿਖਾਵੇ ਦੀ ਵਰਤੋਂ ਲਈ ਆਈ. ਟੀ. ਹੱਲ ਨਹੀਂ ਬਣਾ ਰਹੇ ਹਾਂ। ਅਸੀਂ ਦੁਨੀਆ ਵਿਚ ਹਾਂ-ਪੱਖੀ ਅਸਰ ਛੱਡਣ ਲਈ ਵੀ ਕੰਮ ਕਰ ਰਹੇ ਹਾਂ ਅਤੇ ਸਾਡੇ ਸਹਿਯੋਗੀਆਂ ਵਲੋਂ ਮਿਲੇ ਉਤਸ਼ਾਹ ਦੇ ਨਾਲ ਉਨ੍ਹਾਂ ਲਈ ਅਸੀਂ ਪੂਰੀ ਸਮਰੱਥਾ ਦੇ ਨਾਲ ਕੰਮ ਕਰਾਂਗੇ ਤਾਂ ਜੋ ਇਸ ਦਾ ਸਥਾਨਕ ਪੱਧਰ ਤੇ ਅਸਰ ਨਾ ਹੋਵੇ ਅਤੇ ਅੰਤਤ: ਸੰਸਾਰਿਕ ਅਸਰ ਹੋਵੇ। ਦੁਨੀਆ ਵਿਚ ਮਾਈਕ੍ਰੋਸਾਫਟ ਦੇ ਸਹਿਯੋਗੀਆਂ ਦੇ ਤੌਰ ਤੇ 1.7 ਕਰੋੜ ਲੋਕਾਂ ਨੂੰ ਰੋਜ਼ਗਾਰ ਮਿਲਿਆ ਹੈ ਅਤੇ ਉਸ ਦੀਆਂ ਕਲਾਊਡ ਸੇਵਾਵਾਂ ਤੇ 64,000 ਸਹਿਯੋਗੀ ਕੰਮ ਕਰ ਰਹੇ ਹਨ।
ਰਿਲਾਇੰਸ ਜੀਓ ਡਾਟਾ ਲੀਕ ਕਰਨ ਦੇ ਮਾਮਲੇ 'ਚ ਇੱਕ ਗ੍ਰਿਫਤਾਰ
NEXT STORY 
