ਨਵੀਂ ਦਿੱਲੀ — ਸੈਂਟਰਲ ਬੋਰਡ ਆਫ ਡਾਇਰੈਕਟ ਟੈਕਸਿਜ਼ (ਸੀ. ਬੀ. ਡੀ. ਟੀ.) ਨੇ ਜਾਇਦਾਦ ਦੇ ਸਾਂਝੇ ਮਾਲਕਾਂ ਨੂੰ ਮੁਲਾਂਕਣ ਸਾਲ 2020-21 ਲਈ ਫ਼ਾਰਮ 1 (ਸਹਿਜ) ਅਤੇ ਫ਼ਾਰਮ 4 (ਸੁਗਮ) ਦੇ ਮਾਧਿਅਮ ਨਾਲ ਰਿਟਰਨ ਭਰਨ ਦੀ ਯੋਗਤਾ ਦੀਆਂ ਸ਼ਰਤਾਂ ’ਚ ਰਾਹਤ ਦਿੱਤੀ ਹੈ। ਸੀ. ਬੀ. ਡੀ. ਟੀ. ਨੇ ਕਿਹਾ ਕਿ 1 ਅਪ੍ਰੈਲ 2020 ਤੋਂ ਲਾਗੂ ਹੋਣ ਵਾਲੇ ਫ਼ਾਰਮ ਆਈ. ਟੀ. ਆਰ. 1 (ਸਹਿਜ) ਅਤੇ ਆਈ. ਟੀ. ਆਰ. ਫ਼ਾਰਮ 4 (ਸੁਗਮ) ਨੂੰ ਲੈ ਕੇ ਲੰਘੀ 3 ਜਨਵਰੀ ਨੂੰ ਇਕ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਕਰਦਾਤਿਆਂ ਵੱਲੋਂ ਮਿਲੀ ਪ੍ਰਤੀਕਿਰਿਆ ਅਤੇ ਸੁਝਾਵਾਂ ਦਾ ਅਧਿਐਨ ਕਰਨ ਮਗਰੋਂ ਇਹ ਫ਼ੈਸਲਾ ਲਿਆ ਗਿਆ ਹੈ ਕਿ ਇਕ ਰਿਹਾਇਸ਼ੀ ਜਾਇਦਾਦ ਦਾ ਸਾਂਝੇ ਰੂਪ ਨਾਲ ਮਾਲਕ ਜੇਕਰ ਹੋਰ ਸ਼ਰਤਾਂ ਨੂੰ ਪੂਰਾ ਕਰਦੇ ਹਨ ਤਾਂ ਉਹ ਆਈ. ਟੀ. ਆਰ. 1 ਜਾਂ ਆਈ. ਟੀ. ਆਰ. 4 ਨਾਲ ਆਮਦਨ ਕਰ ਰਿਟਰਨ ਭਰ ਸਕਣਗੇ। ਸੀਬੀਡੀਟੀ ਨੇ ਇਸ ਦੇ ਨਾਲ ਹੀ ਕਿਹਾ ਕਿ ਆਮਦਨ ਟੈਕਸ ਕਾਨੂੰਨ 1961 ਦੀ ਧਾਰਾ 139(1) ਦੇ ਸੱਤਵੇਂ ਪ੍ਰੋਵਿਜ਼ੋ ਦੀ ਇਕ ਜਾਂ ਜ਼ਿਆਦਾ ਸ਼ਰਤਾਂ ਨੂੰ ਪੂਰਾ ਕਰਨ ਦੇ ਕਾਰਨ ਰਿਟਰਨ ਭਰਨ ਦੀ ਜ਼ਰੂਰਤ ਰੱਖਣ ਵਾਲੇ ਲੋਕਾਂ ਨੂੰ ਵੀ ਸਹਿਜ ਫਾਰਮ ਵਿਚ ITR ਫਾਈਲ ਕਰਨ ਦੀ ਸਹੂਲਤ ਦੇ ਦਿੱਤੀ ਗਈ ਹੈ।
ਕਿਹੜੇ ਲੋਕ ਭਰ ਸਕਦੇ ਹਨ ਆਈਟੀਆਰ -1 ਅਤੇ ਆਈਟੀਆਰ -4 ਫਾਰਮ
ਆਈ.ਟੀ.ਆਰ. -1 ਸਹਿਜ ਵਿਚ ਉਹ ਲੋਕ ਰਿਟਰਨ ਫਾਈਲ ਕਰ ਸਕਦੇ ਹਨ ਜਿਨ੍ਹਾਂ ਦੀ ਸਾਲਾਨਾ ਆਮਦਨ 50 ਲੱਖ ਰੁਪਏ ਤੋਂ ਵੱਧ ਨਹੀਂ ਹੈ ਜਦੋਂ ਕਿ ਆਈ.ਟੀ.ਆਰ. -4 ਦੇ ਸੁਗਮ ਫਾਰਮ ਅਜਿਹੇ ਵਿਅਕਤੀਗਤ ਟੈਕਸਦਾਤਾਵਾਂ, ਹਿੰਦੂ ਅਨਡਿਵਾਡਿਡ ਫੈਮਿਲੀ (ਐਚ.ਯੂ.ਐਫ.) ਅਤੇ ਫਰਮ (limited liability partnership ਜਾਂ ਐਲ.ਐਲ.ਪੀ. ਦੇ ਇਲਾਵਾ) ਲਈ ਹੈ ਜਿਨ੍ਹਾਂ ਦੀ ਕੁੱਲ ਆਮਦਨ 50 ਲੱਖ ਰੁਪਏ ਤੱਕ ਹੈ ਅਤੇ ਜਿਨ੍ਹਾਂ ਦੀ ਸੰਭਾਵਤ ਆਮਦਨ ਕਾਰੋਬਾਰ ਜਾਂ ਰੁਜ਼ਗਾਰ ਤੋਂ ਹੈ।
3 ਮਹੀਨੇ ਪਹਿਲਾਂ ਜਾਰੀ ਕੀਤੇ ਗਏ ਫਾਰਮ
ਆਮਦਨ ਕਰ ਵਿਭਾਗ ਨੇ ਵਿੱਤੀ ਸਾਲ 2020-21(ਮੁਲਾਂਕਣ ਸਾਲ 1 ਅਪ੍ਰੈਲ 2019 ਤੋਂ 31 ਮਾਰਚ 2020 ਤੱਕ) ਲਈ ਆਮਦਨ ਕਰ ਰਿਟਰਨ ਦੇ ਆਈ.ਟੀ.ਆਰ. 1 ਅਤੇ ਆਈਟੀਆਰ 4 ਦੇ ਨਵੇਂ ਫਾਰਮ ਜਾਰੀ ਕਰ ਦਿੱਤੇ ਹਨ। ਪਿਛਲੇ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਇਨ੍ਹਾਂ ਨੂੰ ਵਿੱਤੀ ਸਾਲ ਦੀ ਸ਼ੁਰੂਆਤ 'ਚ ਹੀ ਜਾਰੀ ਕਰ ਦਿੱਤਾ ਗਿਆ ਹੈ। ਇਹ ਆਮ ਤੌਰ 'ਤੇ ਅਪ੍ਰੈਲ ਵਿਚ ਜਾਰੀ ਕੀਤੇ ਜਾਂਦੇ ਹਨ।
ਕੱਚੇ ਤੇਲ ਦੇ ਘਟੇ ਭਾਅ, ਪਰ ਪੈਟਰੋਲ-ਡੀਜ਼ਲ ਦੀ ਕੀਮਤ 'ਚ ਉਛਾਲ ਜਾਰੀ
NEXT STORY 
