ਇੰਦੌਰ—ਰੇਲਵੇ ਨੂੰ ਯਾਤਰੀ ਟਿਕਟਾਂ ਦੀ ਵਿਕਰੀ ਦੇ ਨਾਲ ਟਿਕਟ ਰੱਦ ਕੀਤੇ ਜਾਣ ਨਾਲ ਵੀ ਮੋਟੀ ਕਮਾਈ ਹੋ ਰਹੀ ਹੈ। ਸੂਚਨਾ ਦੇ ਅਧਿਕਾਰ (ਆਰ.ਟੀ.ਆਈ.) ਤੋਂ ਪਤਾ ਚੱਲਿਆ ਹੈ ਕਿ ਵਿੱਤੀ ਸਾਲ 2017-2018 'ਚ ਟਿਕਟ ਰੱਦ ਕੀਤੇ ਜਾਣ ਦੇ ਬਦਲੇ ਯਾਤਰੀਆਂ ਤੋਂ ਵਸੂਲੇ ਗਏ ਪੈਸਿਆਂ ਤੋਂ ਰੇਲਵੇ ਦੇ ਖਜ਼ਾਨੇ 'ਚ ਲਗਭਗ 13.94 ਅਰਬ ਰੁਪਏ ਜਮ੍ਹਾ ਹੋਏ ਹਨ। ਮੱਧ ਪ੍ਰਦੇਸ਼ ਨੀਮਚ ਨਿਵਾਸੀ ਸਮਾਜਿਕ ਕਾਰਜਕਰਤਾ ਚੰਦਰਸ਼ੇਖਰ ਗੌੜ ਨੇ ਦੱਸਿਆ ਕਿ ਉਨ੍ਹਾਂ ਨੇ ਰੇਲ ਮੰਤਰਾਲਾ ਦੇ ਰੇਲਵੇ ਸੂਚਨਾ ਪ੍ਰਣਾਲੀ ਕੇਂਦਰ (ਸੀ.ਆਰ.ਆਈ.ਐੱਸ.) ਦੇ ਇਕ ਅਫਸਰ ਤੋਂ ਆਰ.ਟੀ.ਆਈ. ਦੇ ਤਹਿਤ ਦਾਇਰ ਅਪੀਲ 'ਤੇ ਇਹ ਜਾਣਕਾਰੀ ਮਿਲੀ ਹੈ।
ਆਰ.ਟੀ.ਆਈ. ਦੇ ਤਹਿਤ ਦਿੱਤੇ ਜਵਾਬ 'ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਪਿਛਲੇ ਵਿੱਤੀ ਸਾਲ ਦੌਰਾਨ ਚਾਰਟ ਬਣਨ ਤੋਂ ਬਾਅਦ ਵੀ ਉਡੀਕ ਸੂਚੀ 'ਚ ਹੀ ਰਹਿ ਗਏ ਯਾਤਰੀ ਟਿਕਟਾਂ ਦੇ ਰੱਦ ਹੋਣ 'ਤੇ ਵਸੂਲੀ ਗਈ ਫੀਸ ਨਾਲ ਰੇਲਵੇ ਨੇ 88.55 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਗੌੜ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਰ.ਟੀ.ਆਈ ਦੇ ਤਹਿਤ ਨੌ ਅਪ੍ਰੈਲ ਨੂੰ ਸੀ.ਆਰ.ਆਈ.ਐੱਸ. ਨੂੰ ਅਰਜ਼ੀ ਭੇਜ ਕੇ ਰੇਲਵੇ ਦੇ ਵੱਖ-ਵੱਖ ਰਾਜਸਵ ਇਕਾਈਆਂ 'ਚ ਬਿਓਰਾ ਮੰਗਿਆ ਸੀ।
ਇਸ ਅਰਜ਼ੀ 'ਤੇ ਉਨ੍ਹਾਂ ਨੇ ਦੋ ਮਈ ਨੂੰ ਸਿਰਫ ਇਹ ਜਾਣਕਾਰੀ ਦਿੱਤੀ ਗਈ ਕਿ ਵਿੱਤੀ ਸਾਲ 2017-18 'ਚ ਅਣ-ਰਿਜ਼ਰਵਡ ਟਿਕਟਿੰਗ ਪ੍ਰਣਾਲੀ (ਯੂ.ਟੀ.ਐੱਸ.) ਦੇ ਤਹਿਤ ਬੁੱਕ ਯਾਤਰੀ ਟਿਕਟਾਂ ਨੂੰ ਰੱਦ ਕਰਵਾਏ ਜਾਣ ਨਾਲ ਰੇਲਵੇ ਨੇ 17.14 ਕਰੋੜ ਰੁਪਏ ਦਾ ਰਾਜਸਵ ਅਰਜ਼ਿਤ ਕੀਤਾ। ਉਨ੍ਹਾਂ ਦੱਸਿਆ ਕਿ ਸੀ.ਆਰ.ਆਈ.ਐੱਸ. ਤੋਂ ਅਧੂਰੀ ਸੂਚਨਾ ਮਿਲਣ 'ਤੇ ਉਨ੍ਹਾਂ ਨੂੰ ਆਰ.ਟੀ.ਆਈ. ਦੇ ਤਹਿਤ ਅਪੀਲ ਦਾਇਰ ਕਰਨੀ ਪਈ। ਇਸ ਅਪੀਲ ਦਾ ਨਿਪਟਾਰਾ ਹੋਣ 'ਤੇ ਉਨ੍ਹਾਂ ਨੇ ਰੱਦ ਟਿਕਟਾਂ 'ਤੇ ਫੀਸ ਵਸੂਲੀ ਨਾਲ ਰੇਲਵੇ ਦੀ ਮੋਟੀ ਕਮਾਈ ਦੇ ਬਾਰੇ 'ਚ ਵਿਸਤ੍ਰਿਤ ਜਾਣਕਾਰੀ ਮਿਲੀ।
'FIAT' ਨੇ ਮਹਿੰਦਰਾ ਐਂਡ ਮਹਿੰਦਰਾ 'ਤੇ ਲਗਾਇਆ ਨਕਲ ਦਾ ਦੋਸ਼
NEXT STORY 
