ਸਿਓਲ (ਭਾਸ਼ਾ) – ਦੱਖਣੀ ਕੋਰੀਆ ਦੇ ਕੇਂਦਰੀ ਬੈਂਕ ਨੇ 4 ਸਾਲਾਂ ਤੋਂ ਵੱਧ ਸਮੇਂ ’ਚ ਪਹਿਲੀ ਵਾਰ ਆਪਣੀ ਨੀਤੀਗਤ ਦਰ ’ਚ ਕਟੌਤੀ ਕੀਤੀ। ਬੈਂਕ ਆਫ ਕੋਰੀਆ ਨੇ ਆਪਣੀ ਕਰੰਸੀ ਨੀਤੀ ਕਮੇਟੀ ਦੀ ਬੈਠਕ ਤੋਂ ਬਾਅਦ ਆਪਣੀ ਮੁੱਖ ਵਿਆਜ ਦਰ ਨੂੰ ਇਕ ਚੌਥਾਈ ਫੀਸਦੀ ਘਟਾ ਕੇ 3.25 ਫੀਸਦੀ ਕਰ ਦਿੱਤਾ। ਇਹ ਮਈ 2020 ਤੋਂ ਬਾਅਦ ਕਰਜ਼ਾ ਲੈਣ ਦੀ ਲਾਗਤ ਨੂੰ ਘੱਟ ਕਰਨ ਦਾ ਪਹਿਲਾ ਕਦਮ ਹੈ, ਜਦ ਅਰਥਵਿਵਸਥਾ ਕੋਵਿਡ-19 ਸੰਸਾਰਿਕ ਮਹਾਮਾਰੀ ਨਾਲ ਜੂਝ ਰਹੀ ਸੀ।
ਇਹ ਵੀ ਪੜ੍ਹੋ : ਹੋ ਜਾਓ ਸਾਵਧਾਨ! 10 ਰੁਪਏ ਦਾ ਸਿੱਕਾ ਭੇਜ ਸਕਦੈ ਜੇਲ੍ਹ
ਬੈਂਕ ਨੇ ਮਹਿੰਗਾਈ ਅਤੇ ਵਧਦੇ ਘਰੇਲੂ ਕਰਜ਼ੇ ਬਾਰੇ ਚਿੰਤਾਵਾਂ ਵਿਚਾਲੇ ਅਗਸਤ 2021 ’ਚ ਦਰ ’ਚ ਇਕ ਚੌਥਾਈ ਫੀਸਦੀ ਦਾ ਵਾਧਾ ਕੀਤਾ ਸੀ ਅਤੇ ਫਿਰ 3 ਸਲਾਂ ਤੋਂ ਵੱਧ ਸਮੇਂ ਤੱਕ ਦਰਾਂ ਨੂੰ ਸਥਿਰ ਰੱਖਿਆ। ਕੇਂਦਰੀ ਬੈਂਕ ਦੇ ਗਵਰਨਰ ਰੀ ਚਾਂਗ ਯੋਂਗ ਨੇ ਕਿਹਾ ਕਿ ਅਰਥਵਿਵਸਥਾ ’ਚ ਹੁਣ ਵੀ ਵਾਧੂ ਕਟੌਤੀ ਦੀ ਸਮਰੱਥਾ ਹੈ। ਰਾਜਧਾਨੀ ਖੇਤਰ ’ਚ ਮਕਾਨਾਂ ਦੀਆਂ ਕੀਮਤਾਂ ਅਗਸਤ ਦੇ ਮੁਕਾਬਲੇ ’ਚ ਸਤੰਬਰ ’ਚ ਦੋ ਤਿਹਾਈ ਘੱਟ ਵਧੀਆਂ ਹਨ। ਦੇਸ਼ ਦੀ ਖਪਤਕਾਰ ਮੁੱਲ ਮਹਿੰਗਾਈ ਵੀ ਸਤੰਬਰ ’ਚ ਘਟ ਕੇ 1.6 ਫੀਸਦੀ ਰਹਿ ਗਈ, ਜੋ 2 ਫੀਸਦੀ ਦੇ ਨੀਤੀਗਤ ਟੀਚੇ ਤੋਂ ਘੱਟ ਹੈ।
ਇਹ ਵੀ ਪੜ੍ਹੋ : Ratan tata: 'ਮੇਰੀ ਪੂਰੀ ਪ੍ਰਾਪਰਟੀ ਬੰਬਾਂ ਨਾਲ ਉਡਾ ਦਿਓ, ਅੱਤਵਾਦੀਆਂ ਨੂੰ ਨਹੀਂ ਛੱਡਣਾ'
ਹਾਲਾਂਕਿ ਇਹ ਨਤੀਜਾ ਕੱਢਣਾ ਅਜੇ ਵੀ ਜਲਦਬਾਜ਼ੀ ਹੋਵੇਗੀ ਕਿ ਦੇਸ਼ ਦੀ ਵਿੱਤੀ ਹਾਲਤ ਸਥਿਰ ਹੋ ਰਹੀ ਹੈ ਜਾਂ ਨਹੀਂ। ਉਨ੍ਹਾਂ ਸੰਕੇਤ ਦਿੱਤਾ ਕਿ ਬੈਂਕ ਅੱਗੇ ਵੀ ਵਿਆਜ ਦਰਾਂ ’ਚ ਕਟੌਤੀ ਦੇ ਮਾਮਲੇ ’ਚ ਰੂੜੀਵਾਦੀ ਰੁਖ ਅਪਨਾਏਗਾ। ਰੀ ਨੇ ਕਿਹਾ,‘ਅਸੀਂ ਵਿੱਤੀ ਬਾਜ਼ਾਰਾਂ ’ਚ ਸਥਿਰਤਾ ’ਤੇ ਗੌਰ ਕਰਨ ਤੋਂ ਬਾਅਦ ਫੈਸਲਾ ਲਵਾਂਗੇ।’
ਇਹ ਵੀ ਪੜ੍ਹੋ : Ratan Tata ਤੋਂ ਬਾਅਦ Noel Tata ਬਣੇ ਟਾਟਾ ਟਰੱਸਟ ਦੇ ਨਵੇਂ ਚੇਅਰਮੈਨ, ਜਾਣੋ ਕਿਉਂ ਮਿਲੀ ਇਹ ਜਿੰਮੇਵਾਰੀ
ਇਹ ਵੀ ਪੜ੍ਹੋ : 40.9 ਕਰੋੜ ਦਾ ਬੈਂਕ ਫਰਾਡ ਮਾਮਲਾ, ਬਲਵੰਤ ਸਿੰਘ ਨੂੰ ED ਨੇ ਭੇਜਿਆ ਜੇਲ੍ਹ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Rupee vs Dollar: ਡਾਲਰ ਦੇ ਮੁਕਾਬਲੇ ਰੁਪਿਆ ਕਮਜ਼ੋਰ, All Time low 'ਤੇ ਪਹੁੰਚਿਆ
NEXT STORY 
