ਨਵੀਂ ਦਿੱਲੀ - ਅੱਜ ਤੋਂ ਸਾਰੇ ਟੋਲ ’ਤੇ ਫਾਸਟੈਗ ਲਾਜ਼ਮੀ ਹੋ ਜਾਵੇਗਾ। ਨਵੀਂ ਵਿਵਸਥਾ ਦੇ ਨਾਲ ਹੀ ਸਾਰੇ ਟੋਲ ਦੀ ਕੈਸ਼ ਲੇਨ ਬੰਦ ਹੋ ਜਾਣਗੀਆਂ। ਦੋਪਹੀਆ ਵਾਹਨਾਂ ਨੂੰ ਛੱਡ ਕੇ ਹਰ ਤਰਾਂ ਦੇ ਵਾਹਨਾਂ ਵਿਚ ਫਾਸਟੈਗ ਲਗਾਉਣਾ ਜ਼ਰੂਰੀ ਹੋਵੇਗਾ। ਵਾਹਨ 'ਤੇ ਫਾਸਟੈਗ ਨਾ ਲੱਗਾ ਹੋਣ ਦੀ ਸਥਿਤੀ 'ਚ ਡਰਾਈਵਰ / ਚਾਲਕ ਨੂੰ ਟੋਲ ਪਲਾਜ਼ਾ ਪਾਰ ਕਰਨ 'ਤੇ ਦੋਹਰਾ/ਦੁੱਗਣਾ ਟੋਲ ਟੈਕਸ ਜਾਂ ਜੁਰਮਾਨਾ ਦੇਣਾ ਪਵੇਗਾ। ਫਾਸਟੈਗ ਨੂੰ ਰਿਚਾਰਜ ਕਰਵਾਉਣ ’ਚ ਆ ਰਹੀਆਂ ਦਿੱਕਤਾਂ ਨੂੰ ਵੀ ਐੱਨ. ਐੱਚ. ਏ. ਆਈ. ਨੇ ਦੂਰ ਕਰ ਲਿਆ ਹੈ। ਜੇਕਰ ਕਿਸੇ ਵਾਹਨ ਦਾ ਫਾਸਟੈਗ ਅਕਾਊਂਟ ਰਿਚਾਰਜ ਨਹੀਂ ਹੈ ਤਾਂ ਚਾਲਕ ਟੋਲ ’ਤੇ ਇਸ ਨੂੰ ਰਿਚਾਰਜ ਕਰਵਾ ਪਾਉਣਗੇ। ਰਿਚਾਰਜ 3 ਮਿੰਟ ’ਚ ਹੋਣ ਦੀ ਗੱਲ ਐੱਨ. ਐੱਚ. ਏ. ਆਈ. ਪ੍ਰਬੰਧਨ ਕਰ ਰਿਹਾ ਹੈ। ਬਾਕੀ ਹਕੀਕਤ ਨਵੀਂ ਵਿਵਸਥਾ ਸ਼ੁਰੂ ਹੋਣ ’ਤੇ ਸਾਹਮਣੇ ਆਵੇਗੀ।
ਹਾਈਵੇ ਟੋਲ ’ਤੇ 15 ਫਰਵਰੀ ਤੋਂ ਯੂ. ਪੀ. ਦੇ ਸਾਰੇ ਟੋਲ ’ਤੇ ਫਾਸਟੈਗ ਲਾਜ਼ਮੀ ਹੋਣ ਜਾ ਰਿਹਾ ਹੈ। ਅਜੇ ਕੁੱਝ ਸਮਾਂ ਪਹਿਲਾਂ ਇਸ ’ਚ ਕੁੱਝ ਛੂਟ ਦਿੱਤੀ ਗਈ ਸੀ, ਹੁਣ 2 ਦਿਨ ਬਾਅਦ ਇਹ ਵਿਵਸਥਾ ਪ੍ਰਭਾਵੀ ਹੋਣ ਜਾ ਰਹੀ ਹੈ। ਫਾਸਟੈਗ ਦੀ ਲੋੜ ਤੋਂ ਬਾਅਦ ਟੋਲ ’ਤੇ ਚੱਲ ਰਹੀ ਕੈਸ਼ ਲੇਨ ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗੀ ਅਤੇ ਸਿਰਫ ਫਾਸਟੈਗ ਲੱਗੇ ਵਾਹਨ ਹੀ ਟੋਲ ਤੋਂ ਪਾਸ ਹੋ ਪਾਵੇਗਾ। ਫਾਸਟੈਗ ਰਿਚਾਰਜ ਕਰਵਾਉਣ ’ਚ ਆ ਰਹੀਆਂ ਦਿੱਕਤਾਂ ਨੂੰ ਵੇਖਦੇ ਹੀ ਟੋਲ ਨੇ ਆਪਣੇ ਸਾਫਟਵੇਅਰ ਨੂੰ ਅਪਡੇਟ ਕਰਵਾ ਲਿਆ ਹੈ।
ਤੁਰੰਤ ਫਾਸਟੈਗ ਆਪਣਾਉਣ ਵਾਹਨ ਮਾਲਿਕ, ਨਹੀਂ ਵਧੇਗੀ ਸਮਾਂ ਹੱਦ : ਗਡਕਰੀ
ਕੇਂਦਰੀ ਟਰਾਂਸਪੋਰਟ ਮੰਤਰੀ ਨਿਤੀਨ ਗਡਕਰੀ ਨੇ ਕਿਹਾ ਕਿ ਫਾਸਟੈਗ ਦੇ ਲਾਗੂਕਰਣ ਦੀ ਸਮਾਂ ਹੱਦ ਨੂੰ ਅੱਗੇ ਨਹੀਂ ਵਧਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਵਾਹਨ ਮਾਲਿਕਾਂ ਨੂੰ ਤੁਰੰਤ ਇਸ ਈ-ਭੁਗਤਾਨ ਸਹੂਲਤ ਨੂੰ ਅਪਣਾਉਣਾ ਚਾਹੀਦਾ ਹੈ। ਫਾਸਟੈਗ ਟੋਲ ਪਲਾਜ਼ਿਆਂ ’ਤੇ ਚਾਰਜ ਦੇ ਇਲੈਕਟ੍ਰਾਨਿਕ ਭੁਗਤਾਨ ਦੀ ਸਹੂਲਤ ਪ੍ਰਦਾਨ ਕਰਦਾ ਹੈ। ਇਸ ਨੂੰ 2016 ’ਚ ਪੇਸ਼ ਕੀਤਾ ਗਿਆ ਸੀ। ਟੈਗ ਲਾਜ਼ਮੀ ਬਣਾਉਣ ਨਾਲ ਇਹ ਸੁਨਿਸ਼ਚਿਤ ਕਰਨ ’ਚ ਵੀ ਮਦਦ ਮਿਲੇਗੀ ਕਿ ਵਾਹਨਾਂ ਨੂੰ ਟੋਲ ਪਲਾਜ਼ੇ ਰਾਹੀਂ ਬਿਨਾਂ ਰੁਕੇ ਲੰਘਣ ਦੀ ਸਹੂਲਤ ਦਿੱਤੀ ਜਾਵੇ।
ਗਡਕਰੀ ਨੇ ਨਾਗਪੁਰ ਹਵਾਈ ਅੱਡੇ ’ਤੇ ਫਾਸਟੈਗ ਨੂੰ ਲੈ ਕੇ ਇਕ ਸਵਾਲ ਦਾ ਜਵਾਬ ਦਿੰਦੇ ਹੋਏ ਕਿਹਾ ਕਿ ਸਰਕਾਰ ਨੇ ਫਾਸਟੈਗ ਰਜਿਸਟ੍ਰੇਸ਼ਨ ਦੀ ਸਮਾਂ-ਹੱਦ ਨੂੰ ਦੋ-ਤਿੰਨ ਵਾਰ ਵਧਾਇਆ ਹੈ ਅਤੇ ਹੁਣ ਇਸ ਨੂੰ ਅੱਗੇ ਨਹੀਂ ਵਧਾਇਆ ਜਾਵੇਗਾ। ਹੁਣ ਹਰ ਕਿਸੇ ਨੂੰ ਤੁਰੰਤ ਫਾਸਟੈਗ ਖਰੀਦਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਕੁੱਝ ਮਾਰਗਾਂ ’ਤੇ ਫਾਸਟੈਗ ਦਾ ਰਜਿਸਟ੍ਰੇਸ਼ਨ 90 ਫੀਸਦੀ ਹੋ ਗਿਆ ਹੈ ਅਤੇ ਸਿਰਫ 10 ਫੀਸਦੀ ਲੋਕ ਹੀ ਬਚੇ ਹਨ। ਉਨ੍ਹਾਂ ਕਿਹਾ ਕਿ ਟੋਲ ਨਾਕਿਆਂ ’ਤੇ ਵੀ ਫਾਸਟੈਗ ਉਪਲੱਬਧ ਹੈ ਅਤੇ ਲੋਕਾਂ ਨੂੰ ਇਸ ਦਾ ਇਸਤੇਮਾਲ ਸਹਿਜ ਆਵਾਜਾਈ ਲਈ ਕਰਨਾ ਚਾਹੀਦਾ ਹੈ। ਕੇਂਦਰ ਸਰਕਾਰ ਨੇ ਵਾਹਨਾਂ ਲਈ ਲਾਜ਼ਮੀ ਫਾਸਟੈਗ ਦੀ ਸਮਾਂ-ਹੱਦ 1 ਜਨਵਰੀ 2021 ਤੋਂ ਵਧਾ ਕੇ 15 ਫਰਵਰੀ 2021 ਕਰ ਦਿੱਤੀ ਹੈ।
‘ਹੁਣ 3 ਮਿੰਟ ’ਚ ਅਕਾਊਂਟ ਹੋ ਜਾਵੇਗਾ ਰਿਚਾਰਜ, 15 ਫਰਵਰੀ ਤੋਂ ਸਾਰੇ ਟੋਲ ’ਤੇ ਫਾਸਟੈਗ ਲਾਜ਼ਮੀ’
ਨਵੀਂ ਵਿਵਸਥਾ ਦੇ ਨਾਲ ਹੀ ਸਾਰੇ ਟੋਲ ਦੀ ਕੈਸ਼ ਲੇਨ ਬੰਦ ਹੋ ਜਾਣਗੀਆਂ। ਫਾਸਟੈਗ ਨੂੰ ਰਿਚਾਰਜ ਕਰਵਾਉਣ ’ਚ ਆ ਰਹੀਆਂ ਦਿੱਕਤਾਂ ਨੂੰ ਵੀ ਐੱਨ. ਐੱਚ. ਏ. ਆਈ. ਨੇ ਦੂਰ ਕਰ ਲਿਆ ਹੈ। ਜੇਕਰ ਕਿਸੇ ਵਾਹਨ ਦਾ ਫਾਸਟੈਗ ਅਕਾਊਂਟ ਰਿਚਾਰਜ ਨਹੀਂ ਹੈ ਤਾਂ ਚਾਲਕ ਟੋਲ ’ਤੇ ਇਸ ਨੂੰ ਰਿਚਾਰਜ ਕਰਵਾ ਪਾਉਣਗੇ। ਰਿਚਾਰਜ 3 ਮਿੰਟ ’ਚ ਹੋਣ ਦੀ ਗੱਲ ਐੱਨ. ਐੱਚ. ਏ. ਆਈ. ਪ੍ਰਬੰਧਨ ਕਰ ਰਿਹਾ ਹੈ। ਬਾਕੀ ਹਕੀਕਤ ਨਵੀਂ ਵਿਵਸਥਾ ਸ਼ੁਰੂ ਹੋਣ ’ਤੇ ਸਾਹਮਣੇ ਆਵੇਗੀ।
ਹਾਈਵੇ ਟੋਲ ’ਤੇ 15 ਫਰਵਰੀ ਤੋਂ ਯੂ. ਪੀ. ਦੇ ਸਾਰੇ ਟੋਲ ’ਤੇ ਫਾਸਟੈਗ ਲਾਜ਼ਮੀ ਹੋਣ ਜਾ ਰਿਹਾ ਹੈ। ਅਜੇ ਕੁੱਝ ਸਮਾਂ ਪਹਿਲਾਂ ਇਸ ’ਚ ਕੁੱਝ ਛੂਟ ਦਿੱਤੀ ਗਈ ਸੀ, ਹੁਣ 2 ਦਿਨ ਬਾਅਦ ਇਹ ਵਿਵਸਥਾ ਪ੍ਰਭਾਵੀ ਹੋਣ ਜਾ ਰਹੀ ਹੈ। ਫਾਸਟੈਗ ਦੀ ਲੋੜ ਤੋਂ ਬਾਅਦ ਟੋਲ ’ਤੇ ਚੱਲ ਰਹੀ ਕੈਸ਼ ਲੇਨ ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗੀ ਅਤੇ ਸਿਰਫ ਫਾਸਟੈਗ ਲੱਗੇ ਵਾਹਨ ਹੀ ਟੋਲ ਤੋਂ ਪਾਸ ਹੋ ਪਾਵੇਗਾ। ਫਾਸਟੈਗ ਰਿਚਾਰਜ ਕਰਵਾਉਣ ’ਚ ਆ ਰਹੀਆਂ ਦਿੱਕਤਾਂ ਨੂੰ ਵੇਖਦੇ ਹੀ ਟੋਲ ਨੇ ਆਪਣੇ ਸਾਫਟਵੇਅਰ ਨੂੰ ਅਪਡੇਟ ਕਰਵਾ ਲਿਆ ਹੈ।
ਫਾਸਟੈਗ ਕੀ ਹੈ?
ਫਾਸਟੈਗ ਟੈਗ ਇਕ ਕਿਸਮ ਦਾ ਟੈਗ ਜਾਂ ਸਟਿੱਕਰ ਹੁੰਦਾ ਹੈ। ਇਸ ਨੂੰ ਵਾਹਨ ਦੀ ਵਿੰਡਸਕਰੀਨ 'ਤੇ ਲਗਾਉਣਾ ਹੁੰਦਾ ਹੈ। ਫਾਸਟੈਗ ਰੇਡੀਓ ਬਾਰੰਬਾਰਤਾ ਪਛਾਣ ਜਾਂ ਆਰ.ਐਫ.ਆਈ.ਡੀ. ਤਕਨਾਲੋਜੀ 'ਤੇ ਕੰਮ ਕਰਦਾ ਹੈ। ਇਸ ਤਕਨਾਲੋਜੀ ਦੇ ਜ਼ਰੀਏ, ਟੋਲ ਪਲਾਜ਼ਾ 'ਤੇ ਲੱਗੇ ਕੈਮਰੇ ਸਟਿੱਕਰਾਂ ਦਾ ਬਾਰ ਕੋਡ ਸਕੈਨ ਕਰਦੇ ਹਨ ਅਤੇ ਟੋਲ ਫੀਸ ਆਪਣੇ ਆਪ ਹੀ ਫਾਸਟੈਗ ਦੇ ਵਾਲਿਟ ਵਿਚੋਂ ਕੱਟ ਲਈ ਜਾਂਦੀ ਹੈ। ਫਾਸਟੈਗ ਦੀ ਵਰਤੋਂ ਕਰਨ ਨਾਲ ਡਰਾਈਵਰ ਨੂੰ ਟੋਲ ਟੈਕਸ ਅਦਾ ਕਰਨ ਲਈ ਵਾਹਨ ਨੂੰ ਰੋਕਣਾ ਨਹੀਂ ਪੈਂਦਾ ਜਿਸ ਕਾਰਨ ਵਾਹਨ ਚਾਲਕ ਦੇ ਸਮੇਂ ਦੀ ਬਚਤ ਹੁੰਦੀ ਹੈ।
ਇਹ ਵੀ ਪੜ੍ਹੋ : FD 'ਚ ਨਿਵੇਸ਼ ਕਰਨ ਵਾਲਿਆਂ ਲਈ ਖ਼ੁਸ਼ਖ਼ਬਰੀ, ਹੁਣ ਇਨ੍ਹਾਂ ਬੈਂਕਾਂ ਨੇ ਕੀਤੀ ਵਿਆਜ ਦਰਾਂ ਵਿਚ ਤਬਦੀਲੀ
ਤੁਸੀਂ ਫਾਸਟੈਗ ਕਿੱਥੋਂ ਲੈ ਸਕਦੇ ਹੋ?
ਫਾਸਟੈਗ ਨੂੰ ਆਨਲਾਈਨ ਅਤੇ ਆਫਲਾਈਨ ਦੋਵੇਂ ਤਰੀਕਿਆਂ ਨਾਲ ਖਰੀਦਿਆ ਜਾ ਸਕਦਾ ਹੈ। ਫਾਸਟੈਗ ਕਿਸੇ ਵੀ ਅਧਿਕਾਰਤ ਬੈਂਕ ਜਾਂ ਈ-ਕਾਮਰਸ ਪਲੇਟਫਾਰਮ ਜਿਵੇਂ ਕਿ ਐਮਾਜ਼ੋਨ, ਫਲਿੱਪਕਾਰਟ ਅਤੇ ਪੇਟੀਐਮ ਤੋਂ ਆਨਲਾਈਨ ਖਰੀਦਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ 23 ਅਧਿਕਾਰਤ ਬੈਂਕ ਰੋਡ ਟਰਾਂਸਪੋਰਟ ਦਫਤਰ ਦੇ ਪੁਆਇੰਟ ਆਫ ਸੇਲ ਤੋਂ ਵੀ ਫਾਸਟੈਗ ਲੈ ਸਕਦੇ ਹੋ। ਐਨ.ਐਚ.ਏ.ਆਈ. ਦੇ ਅਨੁਸਾਰ ਫਾਸਟੈਗਸ ਦੇਸ਼ ਭਰ ਵਿਚ ਵਿਕਰੀ ਦੇ 30,000 ਪੁਆਇੰਟ (ਪੀ.ਓ.ਐਸ.) 'ਤੇ ਉਪਲਬਧ ਹਨ।
ਇਹ ਵੀ ਪੜ੍ਹੋ : ਜਾਣੋ ਕਿਵੇਂ ਲੀਕ ਹੋ ਰਿਹੈ Koo ਐਪ ਤੋਂ ਉਪਭੋਗਤਾਵਾਂ ਦਾ ਡਾਟਾ, ਚੀਨੀ ਕੁਨੈਕਸ਼ਨ ਵੀ ਆਇਆ ਸਾਹਮਣੇ
ਫਾਸਟੈਗ ਖਰੀਦਣ ਲਈ ਕਿਹੜੇ ਦਸਤਾਵੇਜ਼ ਲੋੜੀਂਦੇ ਹਨ?
ਫਾਸਟੈਗ ਨੂੰ ਡਰਾਈਵਰ ਲਾਇਸੈਂਸ ਅਤੇ ਵਾਹਨ ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਦੀ ਇਕ ਕਾੱਪੀ ਜਮ੍ਹਾਂ ਕਰਕੇ ਖਰੀਦਿਆ ਜਾ ਸਕਦਾ ਹੈ। ਬੈਂਕ ਕੇ.ਵਾਈ.ਸੀ. ਲਈ ਪੈਨ ਕਾਰਡ ਅਤੇ ਉਪਭੋਗਤਾਵਾਂ ਦੇ ਆਧਾਰ ਕਾਰਡ ਦੀ ਕਾੱਪੀ ਵੀ ਮੰਗਦੇ ਹਨ।
ਫਾਸਟੈਗ ਰਿਚਾਰਜ ਕਿਵੇਂ ਕਰੀਏ?
ਜਿਸ ਬੈਂਕ ਕੋਲੋਂ ਫਾਸਟੈਗ ਖਰੀਦਿਆ ਹੈ ਉਸ ਦੀ ਵੈਬਸਾਈਟ 'ਤੇ ਜਾ ਕੇ ਆਨਲਾਈਨ ਰਿਚਾਰਜ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ, ਯੂਪੀਆਈ / ਡੈਬਿਟ ਕਾਰਡ / ਕ੍ਰੈਡਿਟ ਕਾਰਡ / ਐਨ.ਈ.ਐਫ.ਟੀ. / ਨੈੱਟ ਬੈਂਕਿੰਗ ਆਦਿ ਦੁਆਰਾ ਰੀਚਾਰਜ ਕੀਤਾ ਜਾ ਸਕਦਾ ਹੈ। ਜੇ ਫਾਸਟੈਗ ਬੈਂਕ ਖਾਤੇ ਨਾਲ ਜੁੜਿਆ ਹੋਇਆ ਹੈ ਤਾਂ ਖਾਤੇ ਵਿਚੋਂ ਪੈਸੇ ਸਿੱਧੇ ਕੱਟ ਦਿੱਤੇ ਜਾਣਗੇ। ਜੇ ਪੇਟੀਐਮ ਵਾਲਿਟ ਫਾਸਟੈਗ ਨਾਲ ਜੁੜਿਆ ਹੋਇਆ ਹੈ ਤਾਂ ਸਿੱਧੇ ਵਾਲਿਟ ਵਿਚੋਂ ਪੈਸੇ ਇਸ ਵਿਚ ਪਾਏ ਜਾ ਸਕਦੇ ਹਨ।
ਇਹ ਵੀ ਪੜ੍ਹੋ : ਹੁਣ ਫਟਾਫਟ ਬੁੱਕ ਹੋਵੇਗੀ ਟ੍ਰੇਨ ਦੀ ਟਿਕਟ, IRCTC ਨੇ ਸ਼ੁਰੂ ਕੀਤਾ ਆਪਣਾ ਭੁਗਤਾਨ ਗੇਟਵੇ
ਫਾਸਟੈਗ ਕੀਮਤ?
ਨੈਸ਼ਨਲ ਪੇਮੈਂਟ ਕਾਰਪੋਰੇਸ਼ਨ ਆਫ ਇੰਡੀਆ ਨੇ ਫਾਸਟੈਗ ਦੀ ਕੀਮਤ 100 ਰੁਪਏ ਨਿਰਧਾਰਤ ਕੀਤੀ ਹੈ। ਇਸ ਤੋਂ ਇਲਾਵਾ 200 ਰੁਪਏ ਦੀ ਸਿਕਿਓਰਿਟੀ ਡਿਪਾਜ਼ਿਟ ਦਾ ਭੁਗਤਾਨ ਕਰਨਾ ਪਏਗਾ। ਹਾਲਾਂਕਿ ਹਰੇਕ ਬੈਂਕ ਦੀ ਦਰ ਵੱਖ-ਵੱਖ ਹੋ ਸਕਦੀ ਹੈ।
ਕੀ ਫਾਸਟੈਗ ਜ਼ਰੂਰੀ ਹੈ?
ਟੋਲ ਪਲਾਜ਼ਾ ਪਾਰ ਕਰਨ ਲਈ ਫਾਸਟੈਗ ਜ਼ਰੂਰੀ ਹੈ। 1 ਅਪ੍ਰੈਲ ਤੋਂ ਸਰਕਾਰ ਤੀਜੀ ਧਿਰ ਬੀਮਾ ਖਰੀਦਣ ਲਈ ਫਾਸਟੈਗ ਨੂੰ ਲਾਜ਼ਮੀ ਕਰਨ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਜਿਸ ਕੰਪਨੀ ਨੂੰ ਵੇਚਣ ਵਾਲੀ ਹੈ ਮੋਦੀ ਸਰਕਾਰ, ਉਸ ਨੂੰ ਹੋਇਆ 2,777.6 ਕਰੋੜ ਰੁਪਏ ਦਾ ਮੁਨਾਫਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
‘EPFO ਨੇ PF ਖਾਤਿਆਂ ਦੀ ਸਕਿਓਰਿਟੀ ਹੋਰ ਕੀਤੀ ਸਖਤ, 4.5 ਕਰੋਡ਼ ਖਾਤੇ ਹੋਣਗੇ ਪ੍ਰਭਾਵਿਤ’
NEXT STORY 
