ਨਵੀਂ ਦਿੱਲੀ—ਬੈਂਕ ਸ਼ੇਅਰਾਂ 'ਚ ਬਿਕਵਾਲੀ ਨਾਲ ਘੇਰਲੂ ਸ਼ੇਅਰ ੂਬਾਜ਼ਾਰ 'ਚ ਚਾਰ ਦਿਨ ਤੋਂ ਤੇਜ਼ੀ ਬੁੱਧਵਾਰ ਨੂੰ ਰੁਕ ਗਈ ਹੈ। ਬੀ.ਐੱਸ.ਈ. ਦਾ ਸੈਂਸੈਕਸ ਕਰੀਬ 80 ਅੰਕ ਡਿੱਗ ਗਿਆ। ਬੰਬਈ ਸ਼ੇਅਰ ਬਾਜ਼ਾਰ (ਬੀ.ਐੱਸ.ਈ.) ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਕਾਰੋਬਾਰ ਦੇ ਦੌਰਾਨ ਉਤਾਰ-ਚੜ੍ਹਾਅ ਦੇ ਬਾਅਦ 79.90 ਅੰਕ ਭਾਵ 0.19 ਫੀਸਦੀ ਡਿੱਗ ਕੇ 41,872.73 ਅੰਕ 'ਤੇ ਬੰਦ ਹੋਇਆ ਹੈ। ਇਸ ਤਰ੍ਹਾਂ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਵੀ 19 ਅੰਕ ਭਾਵ 0.15 ਫੀਸਦੀ ਟੁੱਟ ਕੇ 12,343.30 ਅੰਕ 'ਤੇ ਬੰਦ ਹੋਇਆ। ਸੈਂਸੈਕਸ ਅਤੇ ਨਿਫਟੀ ਲਗਾਤਾਰ ਦੂਜੇ ਦਿਨ ਮੰਗਲਵਾਰ ਨੂੰ ਨਵੀਂ ਉੱਚਾਈ 'ਤੇ ਬੰਦ ਹੋਏ ਸਨ।
ਸੈਂਸੈਕਸ ਦੀਆਂ ਕੰਪਨੀਆਂ 'ਚ ਇੰਡਸਇੰਡ ਬੈਂਕ 'ਚ ਸਭ ਤੋਂ ਜ਼ਿਆਦਾ 5.44 ਫੀਸਦੀ ਦੀ ਗਿਰਾਵਟ ਰਹੀ। ਇੰਫੋਸਿਸ, ਭਾਰਤੀ ਸਟੇਟ ਬੈਂਕ, ਪਾਵਰਗ੍ਰਿਡ, ਟੈੱਕ ਮਹਿੰਦਰਾ, ਭਾਰਤੀ ਏਅਰਟੈੱਲ ਅਤੇ ਐੱਚ.ਡੀ.ਐੱਫ.ਸੀ. ਬੈਂਕ ਦੇ ਸ਼ੇਅਰ ਵੀ 1.21 ਤੱਕ ਫੀਸਦੀ ਡਿੱਗ ਗਏ। ਇਸ ਦੇ ਉਲਟ ਹੀਰੋ ਮੋਟੋਕਾਰਪ, ਟਾਈਟਨ, ਮਾਰੂਤੀ, ਏਸ਼ੀਅਨ ਪੇਂਟਸ, ਮਹਿੰਦਰਾ ਐਂਡ ਮਹਿੰਦਰਾ, ਟੀ.ਸੀ.ਐੱਸ., ਬਜਾਜ ਆਟੋ ਅਤੇ ਅਲਟ੍ਰਾਟੈੱਕ ਸੀਮੈਂਟ 2.58 ਫੀਸਦੀ ਤੱਕ ਲਾਭ 'ਚ ਰਹੇ।
ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਚੀਨ ਅਤੇ ਅਮਰੀਕਾ ਦੇ ਪਹਿਲੇ ਪੜ੍ਹਾਅ ਦੇ ਵਪਾਰਸ ਸਮਝੌਤੇ 'ਚ ਫੀਸ ਵਾਪਸੀ ਦੀ ਗੱਲ ਸ਼ਾਮਲ ਨਹੀਂ ਹੋਣ ਨਾਲ ਨਿਵੇਸ਼ਕਾਂ ਦੀ ਧਾਰਨਾ ਪ੍ਰਭਾਵਿਤ ਹੋਈ ਹੈ ਅਤੇ ਬਾਜ਼ਾਰ ਰਿਕਾਰਡ ਪੱਧਰ ਤੋਂ ਹੇਠਾਂ ਆ ਗਿਆ ਹੈ। ਜਿਓਜਿਤ ਫਾਈਨੈਂਸ਼ੀਅਲ ਸਰਵਿਸੇਜ਼ ਦੇ ਸੋਧ ਪ੍ਰਮੁੱਖ ਵਿਨੋਦ ਨਾਇਰ ਨੇ ਕਿਹਾ ਕਿ ਬਜਟ ਤੋਂ ਪਹਿਲਾਂ ਸ਼ੇਅਰ ਬਾਜ਼ਾਰਾਂ 'ਚ ਤੇਜ਼ੀ ਦੇ ਬਾਅਦ ਹਾਲ 'ਚ ਆਏ ਤੀਜੀ ਤਿਮਾਹੀ ਦੇ ਵਿੱਤੀ ਨਤੀਜਿਆਂ 'ਚ ਬੈਂਕਾਂ ਦਾ ਐੱਨ.ਪੀ.ਏ. ਅਨੁਮਾਨ ਤੋਂ ਜ਼ਿਆਦਾ ਰਹਿਣ ਅਤੇ ਖੁਦਰਾ ਮੁਦਰਾਸਫੀਤੀ 'ਚ ਤੇਜ਼ੀ ਨਾਲ ਬਾਜ਼ਾਰ 'ਚ ਥੋੜ੍ਹੀ ਨਰਮੀ ਆਈ ਹੈ। ਬਾਜ਼ਾਰ ਅੱਗੇ ਦੀ ਦਿਸ਼ਾ ਤੈਅ ਕਰਨ ਲਈ ਤਿਮਾਹੀ ਨਤੀਜਿਆਂ ਅਤੇ ਬਜਟ 'ਤੇ ਨਜ਼ਰ ਰੱਖੇਗਾ।
ਏਸ਼ੀਆਈ ਬਾਜ਼ਾਰਾਂ 'ਚ ਸ਼ੰਘਾਈ, ਹਾਂਗਕਾਂਗ, ਟੋਕੀਓ ਅਤੇ ਸ਼ਿਓਲ ਦੇ ਬਾਜ਼ਾਰ ਗਿਰਾਵਟ ਦੇ ਨਾਲ ਬੰਦ ਹੋਏ ਹਨ। ਕਾਰੋਬਾਰੀਆਂ ਨੇ ਕਿਹਾ ਕਿ ਘਰੇਲੂ ਨਿਵੇਸ਼ਕ ਇਕ ਹੀ ਸਮੇਂ 'ਤੇ ਆਰਥਿਕ ਗਤੀਵਿਧੀਆਂ 'ਚ ਠਹਿਰਾਅ ਅਤੇ ਉੱਚ ਮੁਦਰਾਸਫੀਤੀ ਦੀ ਸਥਿਤੀ ਨੂੰ ਲੈ ਕੇ ਵੀ ਚਿੰਤਿਤ ਹੈ। ਇਸ ਦੌਰਾਨ ਬ੍ਰੈਂਟ ਕੱਚਾ ਤੇਲ 0.33 ਫੀਸਦੀ ਡਿੱਗ ਕੇ 64.28 ਡਾਲਰ ਪ੍ਰਤੀ ਬੈਰਲ 'ਤੇ ਚੱਲ ਰਿਹਾ ਸੀ।
ਹੁਣ ਜ਼ੋਮੈਟੋ ਕਰੇਗੀ ਮੈਕਡੋਨਲਡਜ਼ ਦੇ ਬਰਗਰ 'ਹੋਮ ਡਿਲਿਵਰੀ'
NEXT STORY 
