ਮੁੰਬਈ : ਦੁਨੀਆ ਭਰ ਦੀਆਂ ਹੋਰ ਕੰਪਨੀਆਂ ਵਾਂਗ ਟਾਟਾ ਗਰੁੱਪ ਵੀ ਤੇਜ਼ੀ ਨਾਲ ਵਧ ਰਹੇ ਇਲੈਕਟ੍ਰਿਕ ਕਾਰ ਕਾਰੋਬਾਰ 'ਤੇ ਧਿਆਨ ਕੇਂਦਰਿਤ ਕਰ ਰਿਹਾ ਹੈ। ਇਸ ਤਹਿਤ ਟਾਟਾ ਗਰੁੱਪ ਬੈਟਰੀਆਂ ਬਣਾਉਣ ਲਈ ਨਵੀਂ ਗੀਗਾਫੈਕਟਰੀ ਲਗਾਉਣ ਜਾ ਰਿਹਾ ਹੈ। ਟਾਟਾ ਗਰੁੱਪ ਦੀ ਸਹਾਇਕ ਕੰਪਨੀ Agratas ਬ੍ਰਿਟੇਨ ਦੇ ਬ੍ਰਿਜਵਾਟਰ 'ਚ ਸਭ ਤੋਂ ਵੱਡੀ ਇਲੈਕਟ੍ਰਿਕ ਵਾਹਨ ਫੈਕਟਰੀ ਲਗਾਉਣ ਜਾ ਰਹੀ ਹੈ। ਸਮੂਹ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਤੁਹਾਨੂੰ ਦੱਸ ਦੇਈਏ ਕਿ ਇਹ EV ਪਲਾਂਟ ਹੁਣ ਤੱਕ ਦਾ ਬ੍ਰਿਟੇਨ ਦਾ ਸਭ ਤੋਂ ਵੱਡਾ ਪਲਾਂਟ ਹੋਵੇਗਾ ਅਤੇ ਇਸਨੂੰ ਟਾਟਾ ਗਰੁੱਪ ਵੱਲੋਂ ਬਣਾਇਆ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਤੋਂ ਬਾਹਰ ਬ੍ਰਿਜਵਾਟਰ ਵਿੱਚ ਇਹ ਪਹਿਲੀ ਗੀਗਾਫੈਕਟਰੀ ਹੋਵੇਗੀ। ਇਸ ਦੇ ਲਈ ਕੰਪਨੀ 41000 ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਨਿਵੇਸ਼ ਕਰੇਗੀ।
40 GWH ਦੀ ਸਮਰੱਥਾ ਵਾਲੀ ਫੈਕਟਰੀ
ਕੰਪਨੀ ਇਸ ਗੀਗਾਫੈਕਟਰੀ ਲਈ 41460 ਕਰੋੜ ਰੁਪਏ ਦਾ ਨਿਵੇਸ਼ ਕਰੇਗੀ। ਇਹ ਨਿਵੇਸ਼ ਕਰਜ਼ੇ ਅਤੇ ਇਕੁਇਟੀ ਦੇ ਮਿਸ਼ਰਣ ਰਾਹੀਂ ਹੋਵੇਗਾ ਅਤੇ ਪਲਾਂਟ ਇਸ ਫੰਡ ਦੀ ਵਰਤੋਂ ਕਰਕੇ ਬਣਾਇਆ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਪਲਾਂਟ ਦੀ ਸਮਰੱਥਾ 40 ਗੀਗਾਵਾਟ ਹੋਵੇਗੀ।
ਸਾਲ 2026 ਤੋਂ ਸ਼ੁਰੂ ਹੋਵੇਗਾ ਵਪਾਰਕ ਉਤਪਾਦਨ
ਪਿਛਲੇ ਸਾਲ ਜੁਲਾਈ ਵਿੱਚ, ਟਾਟਾ ਸਮੂਹ ਨੇ ਬ੍ਰਿਟੇਨ ਵਿੱਚ ਇੱਕ ਈਵੀ ਪਲਾਂਟ ਲਗਾਉਣ ਦੀ ਯੋਜਨਾ ਬਣਾਈ ਸੀ। ਇਸ ਪਲਾਂਟ ਤੋਂ ਵਪਾਰਕ ਉਤਪਾਦਨ ਅਗਲੇ 2 ਸਾਲਾਂ ਵਿੱਚ ਯਾਨੀ 2026 ਤੱਕ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇਸ ਪਲਾਂਟ ਦੇ ਨਾਲ, ਬ੍ਰਿਟੇਨ ਦੇ ਈਵੀ ਪਰਿਵਰਤਨ ਨੂੰ ਹੋਰ ਵੀ ਵੱਡਾ ਹੁਲਾਰਾ ਮਿਲੇਗਾ; ਲੋਕ ਵੱਧ ਤੋਂ ਵੱਧ ਇਲੈਕਟ੍ਰਿਕ ਵਾਹਨਾਂ ਦੀ ਵਰਤੋਂ ਕਰਨਗੇ।
ਹਜ਼ਾਰਾਂ ਲੋਕਾਂ ਨੂੰ ਮਿਲੇਗਾ ਰੁਜ਼ਗਾਰ
Agratas ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸਦਾ ਪ੍ਰਸਤਾਵਿਤ ਬੈਟਰੀ ਪਲਾਂਟ 4000 ਲੋਕਾਂ ਨੂੰ ਨੌਕਰੀਆਂ ਪ੍ਰਦਾਨ ਕਰਨ ਜਾ ਰਿਹਾ ਹੈ। ਇਸ ਪਲਾਂਟ ਤੋਂ ਹਜ਼ਾਰਾਂ ਲੋਕਾਂ ਨੂੰ ਅਸਿੱਧੇ ਤੌਰ 'ਤੇ ਰੁਜ਼ਗਾਰ ਦੇ ਮੌਕੇ ਮਿਲਣ ਜਾ ਰਹੇ ਹਨ। ਪਲਾਂਟ ਦਾ ਨਿਰਮਾਣ ਪੜਾਅਵਾਰ ਕੀਤਾ ਜਾਵੇਗਾ। ਕੰਪਨੀ ਦਾ ਕਹਿਣਾ ਹੈ ਕਿ ਜੈਗੁਆਰ ਲੈਂਡ ਰੋਵਰ ਅਤੇ ਟਾਟਾ ਮੋਟਰਸ ਇਸਦੇ ਸ਼ੁਰੂਆਤੀ ਗਾਹਕ ਹੋਣਗੇ।
ਟਾਟਾ ਗਰੁੱਪ ਦਾ ਕਾਰ ਕਾਰੋਬਾਰ
ਟਾਟਾ ਮੋਟਰਜ਼ ਭਾਰਤ ਦੀ ਤੀਜੀ ਸਭ ਤੋਂ ਵੱਡੀ ਯਾਤਰੀ ਕਾਰ ਕੰਪਨੀ ਹੈ। ਮਾਰਕੀਟ ਕੈਪ ਦੇ ਮਾਮਲੇ ਵਿੱਚ, ਟਾਟਾ ਮੋਟਰਸ ਨੇ ਹਾਲ ਹੀ ਵਿੱਚ ਮਾਰੂਤੀ ਸੁਜ਼ੂਕੀ ਨੂੰ ਪਛਾੜ ਦਿੱਤਾ ਹੈ ਅਤੇ ਭਾਰਤ ਦੀ ਸਭ ਤੋਂ ਕੀਮਤੀ ਕਾਰ ਕੰਪਨੀ ਬਣ ਗਈ ਹੈ। ਹੁੰਡਈ ਇੰਡੀਆ ਅਤੇ ਟਾਟਾ ਮੋਟਰਸ ਵਿਕਰੀ ਦੇ ਮਾਮਲੇ ਵਿੱਚ ਦੂਜੇ-ਤੀਜੇ ਸਥਾਨ ਲਈ ਮੁਕਾਬਲਾ ਕਰਦੇ ਹਨ। ਬ੍ਰਿਟੇਨ ਦਾ ਮਸ਼ਹੂਰ ਲਗਜ਼ਰੀ ਬ੍ਰਾਂਡ ਜੈਗੁਆਰ ਲੈਂਡ ਰੋਵਰ ਵੀ ਟਾਟਾ ਗਰੁੱਪ ਦਾ ਹਿੱਸਾ ਹੈ, ਜਿਸ ਨੂੰ ਕੁਝ ਸਮਾਂ ਪਹਿਲਾਂ ਟਾਟਾ ਗਰੁੱਪ ਨੇ ਐਕਵਾਇਰ ਕੀਤਾ ਸੀ।
ਵਿਆਹ ਤੋਂ ਪਹਿਲਾਂ ਅਨੰਤ ਅੰਬਾਨੀ ਵਲੋਂ ਲਾਂਚ ਕੀਤੇ 'ਵਨਤਾਰਾ' ਦੀਆਂ ਜਾਣੋ ਖ਼ਾਸ ਗੱਲ਼ਾਂ, ਹੋ ਜਾਵੋਗੇ ਤੁਸੀਂ ਵੀ ਹੈਰਾਨ
NEXT STORY 
